TARA AGYI 10:16 - Jinghpaw Common Language Bible 2009

¹⁶ Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.

Jinghpaw Hanson Version Bible

¹⁶ Shing rai, maigan Hpara ni hpe mung shanhte kau da nna, Yehowa hpe jaw jau ma ai: Yehowa mung, Israela masha ni hkrum ai matsan tsin-yam hpe masin yu machyi ya wu ai.

TARA AGYI 10:16 ပူးပေါင်းရင်းမြစ်များ

NINGPAWT NINGHPANG 6:6

shi shanhte hpe hpan da nna ginding aga ntsa e shanu nga shangun ai hpe shi a kraw lawang e yawn nga ai.

2 HKAWHKAM 13:23

Rai ti mung Abraham, Isak, Yaku ni hte tawn da ai ga shaka a majaw dai Madu gaw shanhte hpe matsan yu dum nga wu ai. Shi gaw shanhte hpe n jahten shamyit hkrum shangun mayu nga ai rai nna shanhte hpe karum la mu ai. Shi a amyu masha ni hpe shi galoi mung malap kau nga ai n rai.

2 HKAWHKAM LABAU 15:8

Oded a kasha Azaria tsun ai myihtoi ga hpe Asa na jang, myit n-gun lu la wu ai. Shi gaw Yuda hte Benyamin mung ting hta na mung, Ehprim bum ga na gasat dang la ai mare ni hta nga ai hpara sumla ni yawng hpe yeng seng kau wu ai. Shi gaw Nawku Htingnu wang kata e nga ai dai Madu a tawn hkungri hpe bai gram lajang da wu ai.

2 HKAWHKAM LABAU 33:15

Shi gaw Nawku Htingnu kaw tawn da ai maigan karai ni hpe yeng seng kau nna, dai yang e shi shadun tawn ai hkrang sumla hte Nawku Htingnu gap shatsap tawn ai kawng ntsa hte Yerusalem mare na kaga shara ni hkan na tara maigan ni a tawn hkungri ni htawm la nna mare shinggan de sa kabai kau wu ai.

2 HKAWHKAM LABAU 7:14

shanhte galaw shut kau sai n hkru n shawp ai amu kaw nna myit malai ai hte kayin wa nhtawm ngai kaw akyu hpyi mu ai rai yang, sumsing lamu hta madat mara ya na nngai. Shing rai shanhte a yubak mara ni hpe raw dat kau ya nhtawm shanhte a mungdan hpe bai ngamu ngamai shangun na we ai.

SHAKAWN KUNGDAWN 73:21

Nye a myit sawn ai lam ni gaw ahkup nga nna nchyi nmu hkrum nga ai shaloi, nye a hkam sha ai lam ni hta myit kraw yu machyi nga ai hte

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

HOSEA 14:8

Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

LUKA 15:20

Shing rai shi rawt nna, shi a kawa hpang de wa magang nga ai. “Shi nta kaw nna tsan tsan naw rai nga yang, kawa gaw shi hpe mu nna, matsan yu dum ai hte, gat sa nhtawm, kasha a du hta noi ginshum let, shi hpe pup wu ai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

YAWHAN 11:34

Yesu gaw, “Shi hpe kanang e lup da mu ta?,” ngu nna san mu ai. Shanhte gaw, “Madu e, sa yu rit,” ngu nna htan mu ai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

TARA JAHPRANG 32:36

Shanhte n-gun htum mat ai hpe shi mu ai shaloi, dai Madu gaw shi a amyu masha ni hpe hkye mawai la na ra ai. Shanhte hpe karum la na masha n nga ai hpe shi mu ai shaloi, shi gaw shi hpe daw jau ai ni hpe matsan dum ai myit madun dan na ra ai.

HEBRE 3:10

Dai re ai majaw ngai nanhte hpe pawt bu nna, ‘Shanhte galoi mung sadi n dung ai hte nye a hkang da ai ga ni hpe n hkan sa ma ai ngu nna ngai tsun mawe ai.’

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.

YAWSHU 24:23

Shi gaw, “Dai rai yang gaw nanhte hta nga ai maigan hpara ni hpe tsan kau nhtawm, dai Madu Israela a Karai Kasang hta sadi dung nga na ga sadi jaw mu,” ngu nna tsun wu ai.

TARA AGYI 2:18

Dai Madu gaw Israela hpe ningbaw jaw ai shaloi, dai Madu gaw dai ningbaw wa a prat tup hta shi hpe karum la nhtawm gumlau hpyen ni a lata kaw nna amyu masha ni hpe hkye hkrang la wu ai. Shanhte hkrum sha ai nni nkri hte dip gamyet sha hkrum ai madai sharung nsen ni a majaw dai Madu shanhte hpe matsan dum la wu ai.

1 SAMUELA 12:10

Shaloi shanhte gaw karum la na matu dai Madu kaw akyu hpyi jahtau mu ai rai nna, “Madu e, anhte gaw nang hpe shingdu kayin kau saga ai hte Bala hte Astarte hpara sumla ni hpe nawku kau saga ai majaw anhte shut kau saga ai. Anhte hpe anhte a gumlau hpyen ni a lata kaw na hkye mawai la mi law, anhte gaw nang hpe chyu sha nawku na ga ai!,’ ngu nna tsun ma ai.

1 SAMUELA 7:3

Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.

1 SAMUELA 7:4

Dai rai nna, Israela masha ni gaw shanhte a Bala hte Astarte hpara sumla ni hpe yeng seng kau nhtawm, dai Madu hpe chyu sha nawku ma ai.