TARA AGYI 10:11 - Jinghpaw Common Language Bible 2009

¹¹ Dai Madu chyawm gaw shanhte hpe ning ngu nna mahtai jaw ma ai: “Lai sai aten ni hta Egutu masha ni, Amori masha ni, Amon masha ni, Hpilisti masha ni,

Jinghpaw Hanson Version Bible

¹¹ Yehowa chyawm gaw Israela kashu kasha ni hpe, “Ngai nanhte hpe Egutu masha, Amori masha Amon masha ni hte Hpilisti masha ni a lata na, hkye la masade ai, n rai ni?

TARA AGYI 10:11 ပူးပေါင်းရင်းမြစ်များ

PRU MAT 14:30

Dai shani jang, dai Madu gaw Israela amyu masha ni hpe Egutu masha ni a lata kaw na hkye hkrang la nu ai rai nna panglai hkin-gau hkan e si taw nga ai Egutu masha ni hpe shanhte mu ma ai.

BU HKAWM 21:35

Dai rai nna Israela amyu masha ni gaw Oga hte shi a shadang sha ni hpe mung, shi a masha ni yawng hpe mung, langai mi mung n ngam da hkra sat kau ma ai. Dai hpang shi a lamu ga hpe mung shanhte shang gasat la kau ya mu ai.

HEBRE 11:29

Kam sham ai hte Israela amyu masha ni gaw hkarang ntsa zawn Nawng Hkyeng hpe rap di lai lu ma ai; Egutu masha ni mung, dai zawn rap chyam yu mu yang lup si ai hkrum ma ai.

TARA AGYI 2:12

Egutu mung na shanhte hpe woi wa ai Karai Kasang, dai Madu shanhte a kaji kawa ni a Karai Kasang hpe nawku ai lam shanhte kau da nna grup yin na masha amyu ni a hpara ni hpang de hkan mat wa nhtawm, dai ni hpe nawku gum dagup ai hte dai Madu hpe pawt sindawng shangun ma ai.

TARA AGYI 3:28

Shi gaw shanhte hpe, “Nye a hpang hkan nang marit! Dai Madu gaw nanhte a gumlau hpyen rai nga ai Moba masha ni hpe gasat dang kau na awng padang nanhte hpe jaw manit dai,” ngu nna tsun wu ai. Shanhte mung Ehud kaw hkan nang yu wa nhtawm Moba masha ni Yawdan hka rap ai uhkan shara hpe hkap madu la ma ai. Shanhte gaw langai mi hpe mung n rap di shangun nga ma ai.

TARA AGYI 3:31

Hpang na ningbaw wa gaw Anat a kasha Shamga rai nga ai. Shi mung Hpilisti masha marai kru tsa hpe majawn hte sat kau nna Israela masha ni hpe hkye la wu ai.

1 SAMUELA 12:8

Yaku hte shi a dinghku masha ni Egutu mung de yu sa ma ai shaloi, Egutu masha ni shanhte hpe adip arip di ma ai majaw, nanhte a kaji kawa ni mahtang shanhte hpe karum la na matu dai Madu hpe hpyi jahtau mu ai rai nna Egutu mung kaw na woi shapraw wa ai Mawshe yan Arun hpe shi dat dat wu ai hte ndai mung e shanhte nga nga manu ai.