TARA AGYI 1:27 - Jinghpaw Common Language Bible 2009

²⁷ Manashe amyu bawsang ni chyawm gaw Bet Shan hte ni nawn ai kahtawng ni, Tanak hte dai hte ni nawn ai kahtawng ni, Dora hte dai hte ni nawn ai kahtawng ni, Iblim hte dai hte ni nawn ai kahtawng ni, Megido hte dai hte ni nawn ai kahtawng ni hkan nga nga ai masha amyu ni hpe n gawt shapraw kau ma ai. Hkanan masha ni gaw dai yang hkan e matut nna nga nga ma ai.

Jinghpaw Hanson Version Bible

²⁷ Manashe masha ni chyawm gaw, Bet-shean hte de a kahtawng ni, Tanak hte de a kahtawng ni, Dora hte de a kahtawng ni, Iblam hte de a kahtawng ni, Megido hte de a kahtawng ni hta nga ai masha ni hpe n shachyut kau mu ai rai nna, Hkanani masha ni dai mung hta nga nga ma ai.

TARA AGYI 1:27 ပူးပေါင်းရင်းမြစ်များ

2 HKAWHKAM 23:29

Yoshia hkawhkam tai nga yang, Egutu Hkawhkam Niko gaw hpyen luksuk mi hpe woi nhtawm Asuri hkawseng wa hpe sa karum la na nga, Uhprat hka du hkra lung wa wu ai. Hkawhkam Yoshia gaw Egutu hpyen hpung mi hpe Megido mare e hkap hkum na maw wu ai; dai majan hta sat kau ai hkrum wu ai.

2 HKAWHKAM 9:27

Hkawhkam Ahazia gaw byin ai lam hpe mu jang, shi a hpyen leng hta jawn nna Bet Hagan mare maga de hprawng mat wa wu ai. Yehu chyawm gaw shi hpe hkan shachyut let, “Shi hpe sat kau mu!,” ngu nna shi a masha ni hpe hkang dat wu yang, Iblim mare makau na Gura kadawng e shi a hpyen leng hpe gawt lung wa yang shanhte shi hpe hkala kau mu ai. Rai ti mung shi gaw Megido mare de du hkra matut sa wa lu ai hte dai yang e si wa sai.

PRU MAT 23:32

Shanhte hte mung, shanhte a hpara ni hte mung myit hkrum ga shaka tawn da lu na myit dai n rai.

YEREMIA 48:10

(Dai Madu a amu hpe myit masin mahkra hte n galaw ai wa hpe dagam kau u! Nhtu hte masha n sat hkraw ai wa gaw dagam dala hkrum u ga!)

TARA JAHPRANG 7:2

Dai Madu nanhte a Karai Kasang gaw dai masha ni hpe nanhte a lata de ap ya nna nanhte dang kau myit dai shaloi, shanhte yawng hpe sat kau na rai myit dai; shanhte hte mung jinghku galaw lu na myit dai n rai; matsan yu dum ai kumla hpa mung madun dan lu na myit dai n rai.

YAWSHU 21:25

Sinna maga de na Manashe a lamu ga hta na Tanak hte Gatrimon mare hte de a udat shara lamu ga ni hte hpawn mare lahkawng jaw ma ai.

TARA AGYI 1:1

Yawshu si mat ai hpang Israela amyu masha ni gaw dai Madu hpe, “Anhte a amyu bawsang ni hta na kadai mahtang Hkanani masha ni hpe shawng sa gasat ang na ga ta?,” ngu nna san ma ai.

TARA AGYI 1:21

Rai ti mung, Benyamin amyu bawsang ni chyawm gaw Yerusalem mare e nga ai Yebusi masha ni hpe gawt shapraw kau ma ai n rai; dai Yebusi masha ni mahtang dai ni du hkra Benyamin masha ni hte rau dai mare e anga nga ma ai.

TARA AGYI 1:26

Shi gaw hpang e Hiti mung de sa nna, dai yang e mare de nhtawm Luza ngu nna shamying wu ai; dai hpe dai ni du hkra shing nga nna naw mying nga ai.

TARA AGYI 1:28

Israela masha ni n-gun ja wa ai shaloi, shanhte a matu nga nna Hkanani masha ni hpe amu galaw shangun ma ai rai nna, shanhte yawng hpe ya du hkra atsai awai n gawt shapraw kau ma ai.

TARA AGYI 5:19

Megido hka shi makau na Tanak shara hta hkawhkam ni sa gasat nga masai; Hkanan hkawhkam ni gasat ma ai, rai ti mung shanhte gaw gumhpraw lanep n hta ma ai.

1 SAMUELA 15:9

Rai ti mung, Shawlu hte shi a masha ni gaw Agag a asak hte hpawn kaja htum ai sagu, dumsu, grau kaja htum ai dumsu ni, sagu kasha ni hte kaja ai arai hpa hpe mung n shaza kau ai sha jahkrung da ma ai; asung n shang ai hte manu n dan ai arai ni hpe chyu sha jahten shaza kau ma ai.

1 SAMUELA 31:10

Dai hpang, shi a laknak ni hpe karai num Astarte a htingnu kata hta tawn da nhtawm shi a moi mang hpe gaw Bet Shan mare bunghku hta dit jung da ma ai.