TARA AGYI 1:10 - Jinghpaw Common Language Bible 2009

¹⁰ Shanhte gaw Kiriat Arba ngu shamying ai Hebron mare hta nga ai Hkanani masha ni hpe sa gasat nhtawm, dai yang e nga ai Sheshai, Ahiman hte Talamai amyu lakung ni hpe gasat dang kau ma ai.

Jinghpaw Hanson Version Bible

¹⁰ Bai Yuda masha ni gaw Hebron e nga ai Hkanani masha ni hpe sa gasat nna, Sheshai, Ahiman hte Talamai hpe sat kau mu ai: Hebron mare a shawng na amying gaw Kiriat-arba rai nga ai.

TARA AGYI 1:10 ပူးပေါင်းရင်းမြစ်များ

NINGPAWT NINGHPANG 23:2

Sara gaw Hkanan mung na Hebron mare hta si mat ai. Shi si mat ai majaw Abraham sharung shayawt ai hte hkrap ngu hkrap ngoi nga wu ai.

NINGPAWT NINGHPANG 37:14

Shi a kawa mahtang, “Na a nhpu ni shim lum nga ai hpe mung, sagu hpung ni kaja nga ai hpe mung sa yu su, shing rai bai wa nna ngai hpe tsun dan e,” ngu nna tsun wu ai. Shi a kawa mung shi hpe Hebron Kadit kaw nna shangun dat wu ai.

HPAJI NINGLI 9:11

Ndai mungkan ga hta kagat chyang ai ni shingjawng poi hta tut nawng dang ai n rai; share shagan hpyenla ni hpyen majan hta tut nawng dang ai n rai; hpaji rawng ai ni lusha shahpa tut nawng lu ma ai n rai, zai hpaji rawng ai ni tut nawng sut su ai n rai; atsam rawng ai ni tsaw ai madang de tut nawng rawt lung wa ai n rai. N kaja ai gam maka gaw masha shagu hta nga ai lam hpe ngai dum chye nngai.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

BU HKAWM 13:22

Shanhte gaw dingda daw de shawng shang sa nna Anak ngu ai galu kaba ai amyu matu mara ni rai nga ai Ahiman, Sheshai hte Talamai lakung lama ni nga ai Hebron mare de du shang ma ai. (Hebron mare gaw Egutu mung na Zoan mare garai n de yang sanit ning shawng nna de nga sai mare re.)

BU HKAWM 13:33

dai mung na Anak a amyu matu ngu na hkum hkrang galu kaba ai ni hpe pyi anhte mu da ga ai. Anhte gaw shanhte a man e kaji la ai hkagrit hkadawn ni zawn rai nna shanhte hpe anhte sharawt mada na pyi n gwi ga ai,” ngu nna tsun dan ma ai.

YAWSHU 10:36

Dai hpang, Yawshu hte shi a luksuk ni Eglon mare kaw na bum lam hku lung wa nhtawm Hebron mare hpe gasat ma ai.

YAWSHU 14:15

De a shawng e Hebron hpe Arba mare ngu nna shamying ma ai. (Arba gaw galu kaba htum ai Anakim amyu rai nga ai.) Ya chyawm gaw dai mungdan hta ngwi pyaw sim sa nga sai.

TARA AGYI 1:20

Mawshe hkang da nu ai hte maren, Hkaleb hpe Hebron mare jaw ma ai rai nna dai mare na Anak amyu matu hta na ran yu wa ai lakung lama masum hpe shi gawt shapraw kau wu ai.

TARA AGYI 1:9

Dai zawn galaw ngut ai hpang, shanhte gaw bum ga hte layang ga hkan, dingda maga hkun hkraw ai lamu ga hkan nga nga ai Hkanani masha ni hpe matut gasat ma ai.