TARA AGYI 1:1 - Jinghpaw Common Language Bible 2009

¹ Yawshu si mat ai hpang Israela amyu masha ni gaw dai Madu hpe, “Anhte a amyu bawsang ni hta na kadai mahtang Hkanani masha ni hpe shawng sa gasat ang na ga ta?,” ngu nna san ma ai.

Jinghpaw Hanson Version Bible

¹ Ya Yawshu si mat ai hpang, Israela kashu kasha ni gaw Yehowa hpe, “Hkanani masha ni hpe sa gasat na, anhte hpe kadai mahtang woi shawng na rai ta?” ngu nna san mu ai.

TARA AGYI 1:1 ပူးပေါင်းရင်းမြစ်များ

1 HKAWHKAM 22:5

Rai ti mung dai Madu hpe shawng naw san yu ga,” ngu nna htan wu ai.

PRU MAT 18:15

Mawshe gaw, “Ndai amyu masha ni Karai Kasang a myit marai hpe chye la na matu nga, ngai kaw sa ma ai majaw ndai amu hpe ngai galaw ra nga nngai.

PRU MAT 28:30

Urim hte Htumim hpe sinda magap hta bang da na rai nga ai. Shi gaw nye a chyoi pra ai hpung shingkang shanu nga ai shara de shang ai shaloi, Arun gaw dai yan hpe hpai na rai wu ai. Dai zawn re ai aten ni hta, shi gaw sinda magap hpun da lu na rai wu ai; Shi gaw Israela amyu masha ni a matu nye a myit ra sharawng ai hku jeyang daw dan lu na rai wu ai.

BU HKAWM 27:21

Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

TARA AGYI 1:27

Manashe amyu bawsang ni chyawm gaw Bet Shan hte ni nawn ai kahtawng ni, Tanak hte dai hte ni nawn ai kahtawng ni, Dora hte dai hte ni nawn ai kahtawng ni, Iblim hte dai hte ni nawn ai kahtawng ni, Megido hte dai hte ni nawn ai kahtawng ni hkan nga nga ai masha amyu ni hpe n gawt shapraw kau ma ai. Hkanan masha ni gaw dai yang hkan e matut nna nga nga ma ai.

TARA AGYI 2:21

Shanhte gaw nye a ga n madat ai hte n hkan n sa nga manu ai majaw, Yawshu si mat ai shaloi mungdan e naw ngam nga ai masha amyu baw kadai hpe mung ngai loi mi mung n gawt shapraw na ni ai.

TARA AGYI 2:8

Nun a kasha dai Madu a shangun kasa Yawshu gaw asak latsa e shi ning hta si mat wa sai.

TARA AGYI 2:9

Shi hpe Gasha Bum a dingdung maga, Ehprim bum ga na shi a lamu ga sali rai nga ai Timnat Sera shara hta lup makoi da nga ma ai.

TARA AGYI 20:18

Israela masha ni gaw Behtela mare na nawku ai shara de lung wa nhtawm, “Benyamin amyu masha ni hpe gara amyu bawsang mahtang shawng gasat ang na rai ga ta?,” ngu nna dai yang e Karai Kasang hpe san ma ai. Dai Madu gaw, “Yuda amyu bawsang ni shawng rai u ga,” ngu nna htan wu ai.

TARA AGYI 20:27

Dai nhtoi ni hta Behtela mare dai yang e Karai Kasang a Ga Shaka Sumpu nga nga ai rai nna, Arun a kashu, Eleaza a kasha Hpineha gaw dai hpe woi hpareng nga wu ai. Shaloi amyu masha ni gaw dai Madu hpe, “Anhte a kanau Benyamin a amyu matu ni hpe bai pru gasat mai na kun, shing n rai n mai na ga ai kun?,” ngu nna san ma ai. Dai Madu gaw, “Gasat mu. Hpawt de ngai nanhte hpe awng padang jaw ya na made ai,” ngu nna htan wu ai.

1 SAMUELA 10:22

shanhte gaw dai Madu hpe, “Ndai yang e marai langai ngai naw nga ai n rai ni?,” ngu nna san ma ai. Dai Madu mahtang, “Shawlu gaw htawra ang na gun rai shingdu e makoi gyem nga ai,” ngu nna htan wu ai.