SHINGRAN 9:9 - Jinghpaw Common Language Bible 2009

⁹ Shanhte a sinda ni hpe hpri sinda magap zawn san ai hte magap tawn da nga ai. Shanhte a singkaw ni kahprap ai nsen gaw, hpyen gasat htim ai gumra leng law law wu ngoi ai nsen hte bung nga ai.

Jinghpaw Hanson Version Bible

⁹ Dai ni a sinda magap gaw, hpri sinda magap zawn rai nga ai; dai ni a singkaw wu ngoi ai gaw, hpyen gasat htim ai gumra leng law law a wu ai nsen zawn, wu ngoi nga ai.

SHINGRAN 9:9 ပူးပေါင်းရင်းမြစ်များ

YOBA 39:25

Pahtau dum dat shagu shanhte a nsen sharat nga ma ai; shanhte garai n kahtep sa wa yang, hpyen majan sama rai nga ai hpe chye lu ma ai; shing rai du salang ni jahtau garu hkang dat ai ga ni hpe shanhte na ma ai.

YOBA 40:18

Shi a nrut nra ni gaw magri mang zawn ja nna; shi a lagaw ni mung hpri htinggrang hte bung nga ai.

ESAIA 9:5

Shang gasat ai luksuk a hpyen hkyepdin ni hte shanhte a sai galu ai hpun nba ni yawng, wan hte jahten kau hkrum na mara ai.

YEREMIA 47:3

Shanhte gaw gumra lahkru ngoi ai nsen hpe mung, hpyen leng ni a wu kadu ai nsen hpe mung, leng dingsen ni a ngoi garu ai nsen hpe mung na na mara ai. Kanu kawa ni gaw shanhte a kashu kasha ni hpe karum na matu bai kayin wa lu na mara ai n rai; shanhte a lata ni n-gun yawm ai hte kya noi taw nga na mara ai.

SHINGRAN 9:17

Bai, nye a shingran hta gumra ni hte dai ni hta jawn ai ni hpe ngai mu nngai; shanhte gaw wan zawn hkyeng ai, nila seng mut zawn mut ai, kan zawn htoi ai nsam rawng ai sinda magap dagap da ma ai. Gumra ni a baw ni gaw hkanghkyi ni a baw ni hte bung nga ai rai nna, shanhte a shinglet hta na wan numli, wan hkut hte kan pru nga ai.