SHINGRAN 9:6 - Jinghpaw Common Language Bible 2009

⁶ Dai shata manga laman shanhte si nhpang tam na mara ai; rai ti mung shanhte dai hpe mu na mu ai n rai; shanhte si mayu na mara ai, rai tim si hkrung si htan gaw shanhte kaw na hprawng mat na ra ai.

Jinghpaw Hanson Version Bible

⁶ Dai nhtoi hte hta masha ni gaw si nhpang tam timung n mu na mu ai; nachying si mayu ma timung, si hkrung si htan gaw, shanhte kaw na hprawng mat na ra ai.

SHINGRAN 9:6 ပူးပေါင်းရင်းမြစ်များ

2 SAMUELA 1:9

Dai hpang shi gaw, ‘Nang de sa wa rit, ngai hpe sat kau e! Ngai gaw ningma kaba hte machyi hkrum nga nngai rai nna ngai ya si na sha rai nga ni ai,’ ngu nna tsun wu ai.

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

YEREMIA 8:3

Ngai shanhte hpe shaden kau dat ai shara ni hta e naw ngam nga ai ndai n hkru ai amyu masha ni gaw asak hkrung matut nga na hta si mat na hpe grau ra sharawng wa na mara ai. Chyahtum Chyalai N-gun rawng ai dai Madu ngai nan tsun ni ai.”

HOSEA 10:8

Israela amyu masha ni nawku ai hpara sumla ni hpe tawn da ai Awen kawng pungding nawku shara ni mung jahten kau ai hkrum na ra ai. Tawn hkungri ntsa hkan e mung ju hpun ni hte tsingdu tu lim kau na ra ai. Shaloi amyu masha ni gaw bum ni hte kawng ni e, “Anhte hpe makoi da mi! Anhte hpe ka-up da mi!,” ngu nna jahtau tsun na mara ai.

LUKA 23:30

Dai nhtoi hta, masha ni gaw, bum ni hpe, ‘Anhte a ntsa e daw gamyet myit!,’ kawng ni hpe, ‘Anhte a ntsa e ka-up mi!,’ nga nna mung, shanhte hpyi shaga shajang na ma ra ai.

SHINGRAN 6:16

Shanhte gaw bum ni hte lunghkrung ni hpe shaga nna, “Anhte a ntsa e hkrat bun mi, tingnyang hta dung nga ai wa a myi man hte Sagu Kasha a pawt bu ai hta na, anhte hpe magap maga la mi!