SHINGRAN 9:21 - Jinghpaw Common Language Bible 2009

²¹ Masha sat ai amu hta na mung, mandan lakle amu, num la shut hpyit ai amu hte lagu lagut amu hta na mung, shanhte myit malai n lu ma ai.

Jinghpaw Hanson Version Bible

²¹ masha sat ai amu hta na mung, mandan lakle amu hta na mung, num shut hpyit ai amu hta na mung, lagu lagut re ai amu hta na mung, shanhte myit malai n lu ma ai.

SHINGRAN 9:21 ပူးပေါင်းရင်းမြစ်များ

ESAIA 47:12

Na a mandan lakle hpaji hte lakhpoi hpaji mahkra hta machyu nga u; nang gaw dai ni hpe na a ram prat kaw nna akyu jashawn nga ndai. Dai hpaji ni gaw nang hpe lam maga mi hku karum ya lu nhten; na a gumlau hpyen ni hpe nang jahkrit lu na nhten.

ESAIA 47:9

Rai ti mung lani jan na chyahkring mi na aten hta, ndai amu lahkawng byin wa na ra ai. Nang gaw mandan lakle hpaji mahkra lang ti mung, na a madu wa hte kashu kasha ni sum mat na mara ai.

ESAIA 57:3

Yubak kap ai ni e, jeyang hkam na matu ndai shara de sa wa mi! Nanhte gaw hpyi shung shung ai ni, numshaw lashaw ai ni hte shawa num ni hta grau kaja nga myit dai n rai.

Daniela 11:33

Amyu masha ni hta hpaji rawng ai ningbaw ni gaw kaga masha law law hpe hpaji byeng-ya karan ya na mara ai. Rai ti mung hkring mi rai jang, shanhte hta na nkau mi majan pa hta nat sat kau hkrum na mara ai; nkau mi mahtang kashun kashe hkrum nna bawng masha tai mat na mara ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

2 KORINHTU 12:21

Nanhte hpang de ngai bai du ai shaloi Karai Kasang gaw ngai hpe nanhte a man e shagrit kau ai hkrum shangun na hpe ngai tsang nngai. Ya du hkra pyi myit malai n lu ai sha arawn alai hten nna ngang kayut ai hte nse nsa lam hkan nga ai ni law law a majaw, ngai hkrap myi prwi pru na hpe tsang nga nngai.

GALATI 5:20

gawkngu sumla naw ai lam, mandan lakle amu, hpyi lamum hpaji, n dawng n yawt ai hte, ga li ga law ai, manawn masham ai, pawt sindawng ai, shai wa bra wa ai lam, daw hka wa ai lam, hpung garan wa ai lam,

SHINGRAN 13:13

Dai lahkawng ngu na matse labye gaw, mauhpa lamik kumla kaba ni hpe madun dan nga ai. Masha law law a man e lamu de nna ga ntsa de wan jahkrat dat shangun nga ai.

SHINGRAN 13:15

Dai matse labye hkrang sumla ga shaga lu na matu mung, dai matse labye a hkrang sumla hpe n nawku ai ni nga manga hte hpe sat kau na matu mung, lahkawng ngu na matse labye gaw dai hkrang sumla hta nsoi nsa kawut bang ya na ahkang mung lu da wu ai.

SHINGRAN 13:7

Shi gaw Karai Kasang a masha ni hpe gasat nna dang kau na ahkang mung, mungdan shagu hta nga ai ga baw amyu shagu shaga ai masha amyu bawsang yawng hte a ntsa e up na ahkang hpe mung jaw da hkrum ai wa rai nga ai.

SHINGRAN 14:8

Bai, lahkawng ngu na lamu kasa langai mi gaw, shawng na lamu kasa a hpang hprut dan pru nna, “Babelon mare kaba kadawng daw mat sai! Kadawng daw mat sai! Dai mare gaw hpye ai amu hta myit kayut ai ngu ai nsa ja sabyi ntsin masha amyu baw shagu hpe lu shangun nu ai!,” nga nna tsun nga ai.

SHINGRAN 16:6

Shanhte gaw Karai Kasang a masha ni hte myihtoi ni a asai hkaw kau ma ai majaw, nang shanhte hpe asai bai lu shangun mu ai. Dai gaw shanhte hta hkrum ging ai hpe hkrum sha ai lam rai nga ai,” nga nna tsun ai hpe ngai na nngai.

SHINGRAN 17:2

Ga ntsa na hkawhkam ni gaw shi hte hpye ai amu galaw nna, mungkan ga na masha ni gaw, shi a hpye ai amu ngu ai sabyi ntsin hte nang ma masai,” nga nna ngai hpe tsun ai.

SHINGRAN 17:4

Dai numsha gaw, hkyeng mang ai hte shaba pu nsam rawng ai bu hpun palawng bu hpun nna, hpu ging ai ja, lungseng, pale hte mawn sumli nga ai. Shi gaw shi a hpye ai amu a asi rai nga ai n san n seng matsat shabat lam hte hpring chyat re ai ja gawm, shi a lata hta lang da wu ai.

SHINGRAN 17:5

Shi a lahtan ntsa e, “Ga ntsa na shawa num ni yawng hte n hkru n kaja lam dam lam yit ai ni yawng a kanu, Galu Kaba ai Babelon mare,” nga nna makoi magap ai hte sung htum ai lachyum rawng ai mying langai mi ka da nga ai.

SHINGRAN 18:3

Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.

SHINGRAN 19:2

Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,” nga nna tsun ai ngai na nngai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.

SHINGRAN 9:20

Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai.