SHINGRAN 9:2 - Jinghpaw Common Language Bible 2009

² Dai shagan gaw sung htum ai shara na nhkun hpe shi hpaw dat wu ai rai nna, wan hkut gaw wanhtung kaba kata na wan hkut zawn dai nhkun na mawng lung wa ai hte, dai nhkun kaw na wan hkut a majaw, jan hte lamu ganghkau gaw nsin sin mat wa ai.

Jinghpaw Hanson Version Bible

² Shaloi, dai sung htum ai shara na nhkun hpe shi hpaw dat wu ai rai nna, wan htung kaba a wan hkut zawn, dai nhkun hta na wan hkut mawng lung wa ai hte, dai nhkun a wan hkut majaw, ajan hte lamu ganghkau lapran e nsin sin wa ai.

SHINGRAN 9:2 ပူးပေါင်းရင်းမြစ်များ

NINGPAWT NINGHPANG 15:17

Jan shang mat nna nsin htat nga ai shaloi, wan hkut hku ai wan mang hte wan tu ai shanan gaw akajawng sha dan pru nna shan hkyep ni a lapran hku lai mat wa ai.

NINGPAWT NINGHPANG 19:28

Sodom hte Gomora mare ni hte kadit ting hpe shi mada yu wu yang, wan htung kaba kaw na pru ai wan hkut zawn ga kaw nna mawng lung nga ai hpe mu lu wu ai.

PRU MAT 19:18

Dai Madu gaw bum ntsa de wan hte yu hkrat wa ai majaw Sina Bum ting hta wan hkut hte ka-up da nga ai. Dai wan hkut gaw wan htung na wan hkut zawn mawng lung nga ai rai nna amyu masha ni ja ja hkrit gari nga ma ai.

ESAIA 14:31

Hpilisti mare ni yawng hte e, karum la lam a matu hkrap shabam nga mu! Nanhte yawng hte e, hkrit gari nga mu! Sumwi nhpu gaw dingdung maga hku nna du sa wa ra ai-dai gaw magrau grang ai hpyen luksuk langai rai nga ai.

Daniela 3:6

N gum dagup ai hte n nawku ai wa kadai mung grung nga ai wan htung de kalang lata kabai bang kau ai hkrum lu na ra ai,” ngu nna jahtau tsun wu ai.

YOELA 2:10

Shanhte rawt lung wa yang, ginding aga ashun awam nga ai; sumsing lamu gari ashun nga ai. Ajan hte shata sin mak mat nna, shagan ni loi mi pyi n htoi mat ma ai.

YOELA 2:2

Dai nhtoi gaw nsin sin nna, sin mak nhtawm chyang htat ai hte sumwi mung ai shani rai na ra ai. Bum ni a ntsa e nsin ka-up nga ai zawn n-gun ja ai dinggam-yaw hpyen hpung ni rawt lung wa nga ai. Dai zawn re ai gaw shawng de galoi mung n byin yu, htawm hpang de mung, galoi mung bai byin sana ra ai n rai.

YOELA 2:30

“Dai nhtoi hta sumsing lamu hta mung, ginding aga ntsa e mung sadi jaw ai sai hka, wan hte wan hkut sumwi ni hpe ngai madun na nngai.

KASA 2:19

Ngai gaw ntsa de sumsing lamu e lamik kumla ni, lawu de ga ntsa e mauhpa amu ni ngu ai, sai, wan hte htat la ai wan hkut hpe madun dan na nngai;

SHINGRAN 14:11

Shanhte hpe nni nkri di zingri ai hta na wan hkut gaw, htani htana prat dingsa amawng lung nga ai. Dai matse labye hte shi a hkrang sumla hpe nawku ai ni hte, shi a mying a masat dingsat shakap hkam la ai ni yawng gaw, shani shana htingtsi hkyamsa ai lam lu la na ma ai n rai,” nga nna nsen kaba hte jahtau tsun ai.

SHINGRAN 16:10

Dai hpang manga ngu na lamu kasa gaw, shi a pawt sindawng kahtet ai gawm hpe dai matse labye a tingnyang ntsa e ru bun dat wu ai. Shaloi matse labye a mungdan ntsa e nsin htim bun nna nsin chyip rai mat ai. Dai mungdan masha ni machyi gying wa nna shanhte a shinglet ni hpe kawa makret ma ai.

SHINGRAN 8:12

Bai, mali ngu na lamu kasa gaw shi a pahtau dum dat wu ai. Shaloi, jan a htam masum na htam mi, shagan ni htam masum a htam mi grawp hten nip mat wa nna, shanhte a nhtoi gaw htam masum na htam mi sin mak mat wa ai hte, shani a htam masum na htam mi, shana a htam masum na htam mi nhtoi n lu mat ai.

SHINGRAN 9:1

Bai, manga ngu na lamu kasa gaw, shi a pahtau dum dat wu ai. Shaloi, lamu de nna ga ntsa de shagan langai mi di hkrat wa ai hpe ngai mu nngai. Dai shagan hpe dai sung htum ai shara na nhkun a sumsaw ap ya wu ai.

SHINGRAN 9:11

Shanhte hta, shanhte a ntsa e up hkang nga ai hkawhkam langai mi lu ma ai; Shi a mying Hebre ga hku Abadon rai nna, Grik ga hku Apolion (de a lachyum gaw, “Jahten sharun ai wa,”) ngu ai rai nga ai.

SHINGRAN 9:17

Bai, nye a shingran hta gumra ni hte dai ni hta jawn ai ni hpe ngai mu nngai; shanhte gaw wan zawn hkyeng ai, nila seng mut zawn mut ai, kan zawn htoi ai nsam rawng ai sinda magap dagap da ma ai. Gumra ni a baw ni gaw hkanghkyi ni a baw ni hte bung nga ai rai nna, shanhte a shinglet hta na wan numli, wan hkut hte kan pru nga ai.