SHINGRAN 9:13 - Jinghpaw Common Language Bible 2009

¹³ Dai hpang, kru ngu na lamu kasa gaw, pahtau dum dat wu ai. Shaloi Karai Kasang a man e nga ai ja hkungri a jut mali kaw na pru wa ai nsen langai mi hpe ngai na nngai.

Jinghpaw Hanson Version Bible

¹³ Bai, kru ngu na lamu kasa pahtau dum dat wu ai; shaloi, Karai Kasang a man e nga ai aja hkungri a nrung ni hta na nsen langai mi pru nna.

SHINGRAN 9:13 ပူးပေါင်းရင်းမြစ်များ

PRU MAT 30:10

Arun gaw laning mi hta kalang yubak mara a matu nawng jau ya ai yam nga asai hpe tawn hkungri a nrung mali hta chya nhtawm tawn hkungri jasan jaseng na rai wu ai. Ndai amu hpe shaning shagu prat mi hte prat mi galaw na rai nga ai. Dai tawn hkungri gaw tsep kawp chyoi pra mat nna, nye a matu ap nawng da na rai nga ai,” ngu nna tsun wu ai.

HEBRE 10:21

Anhte hta Karai Kasang a nta dinghku hpe up sin na hkinjawng kaba langai mi lu ga ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.

SHINGRAN 8:2

Shaloi Karai Kasang a man e tsap nga ai lamu kasa sanit hpe ngai mu nngai; shanhte hpe pahtau sanit ya mu ai.

SHINGRAN 9:1

Bai, manga ngu na lamu kasa gaw, shi a pahtau dum dat wu ai. Shaloi, lamu de nna ga ntsa de shagan langai mi di hkrat wa ai hpe ngai mu nngai. Dai shagan hpe dai sung htum ai shara na nhkun a sumsaw ap ya wu ai.