SHINGRAN 8:7 - Jinghpaw Common Language Bible 2009

⁷ Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.

Jinghpaw Hanson Version Bible

⁷ Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.

SHINGRAN 8:7 ပူးပေါင်းရင်းမြစ်များ

SHAKAWN KUNGDAWN 105:32

Shi gaw shanhte a mungdan hta marang a malai sin hte myi hprap wan dat dat wu ai.

PRU MAT 9:33

Mawshe gaw hkawhkam wa kaw na pru wa nhtawm, mare shinggan de du jang, dai Madu hpe hpyi nem na matu shi a lata sharawt da wu ai rai nna mu hte sin marang ni yawng sim mat nga ai.

ESAIA 28:2

Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

ESAIA 32:19

(Rai ti mung sin marang gaw maling htinggram ni a ntsa e hkrat na ra ai, mare mung shamyit kau hkrum na ra ai.)

EZEKELA 38:22

Ngai mung shi hpe ana zinli hte mung, sat kau ai hte mung ari jaw na nngai. Shi a ntsa e mung, shi a hpyen luksuk hte shi a maga de tsap nang ai masha amyu baw law law ni a ntsa e mung, sin hte marang kaba, wan hte kan hpe rau sha ru jaw jahtu na nngai.

YOELA 2:30

“Dai nhtoi hta sumsing lamu hta mung, ginding aga ntsa e mung sadi jaw ai sai hka, wan hte wan hkut sumwi ni hpe ngai madun na nngai.

YAKU 1:11

Ajan gaw shi a kang kahtet ai hte rawt wa nna nampan hpun hkru hkraw mat ai. Nampan pu mung run hkrat mat ai hte de a tsawm htap ai gaw hten mat wa ai. Dai hte maren lu su ai wa gaw shi a magam bungli shachyen nga yang hten byak nna wai mat na ra ai.

YAWSHU 10:11

Israela hpyen luksuk ni a lata kaw na uhkan hku Amori masha ni ru htaw yu wa nga ma yang, dai Madu gaw lamu de na sin tawng kaba jahkrat bun ai rai nna Azeka mare lam dingyang shanhte adup hkrum ma ai. Israela amyu masha ni sat kau ai hta sin tawng hte adup sat hkrum ai mahtang grau law nga ai.

1 PETRU 1:24

Dai gaw Chyum Laika hta, “Shinggyim masha amyu baw yawng gaw tsingdu zawn rai nga ai; shanhte a hpung shingkang yawng mung nam na nampan pu hte bung nga ai. Dai tsingdu gaw nyui mat wa nna nampan pu ni run hkrat mat ma ai.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

SHINGRAN 16:2

Shaloi, shawng na lamu kasa pru sa nna, shi a gawm hpe ga de ru bun dat wu ai. Shaloi dai matse labye a masat dingsat shakap hkrum ai ni hte shi a hkrang sumla nawku ai masha ni hta, hkrithpa hte machyi la ai hpye shanam ai ana byin pru wa ai.

SHINGRAN 16:21

Shaloi lamu de nna joi mali tsa daram li ai sin kaba gaw masha ni a ntsa e htu bun mu ai. Masha ni gaw, dai sin kaba htu bun ai ari zinli a majaw Karai Kasang hpe matsa shatan ma ai. Hpa majaw nga yang, dai ari gaw hkrithpa ari rai nga ai.

SHINGRAN 6:8

Bai, ngai yu dat yang, asit awat nsan ai gumra langai mi nga nga ai. Dai hpe jawn ai wa a mying gaw Si Du rai nga ai. Shi a hpang e Katsan Ga mung htep htep hkan nang nga ai. Shanhte gaw, mungkan ga a htam mali na htam mi hta nga ai masha ni hpe majan hte, hkuwa kaba hte, ana zinli hte, matse labye dusat ni hte zingri sat kau na ahkang lu da ma ai.

SHINGRAN 7:1

Dai hpang lamu kasa mali gaw, lamu ga jut mali hta tsap nga nna, ga ntsa e mung, panglai ntsa e mung, hpun magup a ntsa e mung, nbung n bung bun lu hkra, ga man mali maga de na nbung ni hpe manat shingdang da nga ai gaw, ngai mu nngai.

SHINGRAN 9:15

Dai rai nna dai lamu kasa mali gaw, sharen da ai kaw na raw dat ai hkrum ma ai. Shanhte gaw, shinggyim masha ni hpe htam masum na htam mi sat kau na nga, ahkying, nhtoi, shata, shaning a matu hkyen tawn da ai ni rai nga ma ai.

SHINGRAN 9:18

Dai gumra ni a n-gup hta na pru ai, wan numli, wan hkut hte kan ngu ai tsin-yam masum a majaw, shinggyim masha htam masum hta na htam mi sat kau ai hkrum ma ai.

SHINGRAN 9:4

Shanhte gaw, ga ntsa na tsingdu hpe mung, tsit lali ai baw magup hpe mung, hpun magup hpe mung, hkra lu na n rai, ngu nna hkang da ai hkrum ma ai. Tinang a lahtan ni hta Karai Kasang a dazik n kap ai masha ni hpe sha zingri lu na ngu nna jep da mu ai.