SHINGRAN 8:5 - Jinghpaw Common Language Bible 2009

⁵ Dai hpang lamu kasa gaw, dai n-gawt hpe la nna, tawn hkungri kaw na wan bang jahpring la ngut jang, mungkan ga ntsa de dai hpe kabai jahkrat dat wu ai: shaloi mu ngoi ai, wu kadu ai nsen, myi hprap gala ai hte nnang nawn byin pru wa ai.

Jinghpaw Hanson Version Bible

⁵ Bai, dai lamu kasa gaw dai n-gawt hpe la nna, tawn hkungri na wan jahpring la ngut jang, mungkan ga ntsa de dai hpe jahkrat dat wu ai: shaloi mu ngoi ai, wu kadu ai nsen, myihprap kala ai hte nnang nawn byin pru wa ai.

SHINGRAN 8:5 ပူးပေါင်းရင်းမြစ်များ

1 HKAWHKAM 19:11

Dai Madu gaw shi hpe, “Pru sa nhtawm bum pungding ntsa nye a man e tsap nga u,” ngu nna tsun wu ai. Dai Madu lai wa nna kawng ni hpe ga ayai kau ai hte, lunghkrung ni hpe agrawp kau shangun ai nbung bungga hpe dat dat wu ti mung, dai Madu gaw nbung hta lawm nga ai n rai. Dai nbung sim mat ai hpang nnang nawn nawn wa ti mung dai Madu gaw nnang nawn nawn ai hta lawm nga ai n rai.

SHAKAWN KUNGDAWN 18:13

Shaloi, Madu gaw lamu de na mu hpe shangoi dat nga ai; Tsaw Htum ai Wa a nsen hpe na lu nga ai.

PRU MAT 19:16

Ya, masum ya ngu na jahpawt hta mu ngoi ai, myi hprap gala ai hte htat ai sumwi ni gaw bum ntsa e dan pru wa nga ai rai nna, dai kaw nsen ja ja hte ngoi garu ai pahtau nsen mung ngoi nga ai. Dap ni hta nga ai amyu masha ni yawng mung hkrit gari nga ma ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

ESAIA 66:6

Madat mu! Mare kaw na ja ja garu ai nsen, dai Nawku Htingnu na nsen gaw shi a gumlau hpyen ni hpe ari jaw nga ai dai Madu a nsen rai nga a hka!

YEREMIA 51:11

Dai Madu gaw Babelon mung hpe shamyit kau na matu shatawng shada da nu ai majaw shi gaw Medi hkawhkam ni a myit hpe jasu ya nu ai. Dai gaw shi a Nawku Htingnu hpe jahten shaza kau ya ai a matu matai htang ai lam rai nga wu ai. Gasat na du salang ni gaw, “Nanhte a pala ni hpe mayoi da mu! Nanhte a hpyen ninggang ni hpe jin jin galaw da mu!

JAW JAU 16:12

tawn hkungri na grung nga ai wan n-ga hpring hkra rawng ai wan ban la nhtawm mani ai lawban latup lahkawng lang let Chyoi Pra Htum ai Sum de la shang wa na rai wu ai.

ZEHKARIA 14:5

Nanhte gaw dai bum yan a lapran kadit lam hku hprawng lawt mat wa na marin dai. Yuda Hkawhkam Uzia lakhtak e, nnang nawn nawn wa yang, nanhte a nji nwa ni hprawng gat ma ai hte maren, nanhte hprawng gat na marin dai. Dai Madu nye a Karai Kasang gaw shi hte rau rai nga ai lamu kasa ni yawng hpe woi sa wa na ra ai.

MAHTE 24:7

Masha amyu mi hte amyu mi, mung mi hte mung mi, shada da majan byin na mara ai.

LUKA 12:49

“Ga ntsa de wan jahkru dat na, ngai du sa ring ngai; dai wan ja jang chyi kap sai rai taw gaw, ngai hpa n dawt shara nga na a ta?

KASA 16:26

Shaloi grai ja ai nnang nawn kaba langai mi wa nna, htawng nta npawt nhpang ni awam wa ai, shaloi jang chyinghka ni mahkra hpaw malang mat shajang nna bawng masha ni yawng a hkang hkyihkyang ni malaw mat wa ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna shanhte nlang hte hta Chyoi Pra ai Wenyi hpring wa ai hte Karai Kasang a mungga hpe nden ja ai myit hte tsun dan hpang wa ma ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 4:5

Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.

SHINGRAN 6:12

Bai, Sagu Kasha gaw kru ngu na dazik hpe hpaw dat ai hpe ngai mu nngai. Shaloi nnang nawn grai ja hkra nawn wa nna, jan gaw ahtat awat re ai buri sumpan chyang zawn chyang mat nna, shata hkum ting mung, asai zawn hkyeng mat ai.

SHINGRAN 8:3

Bai manam pyaw ai baw nat ai ja n-gawt lang ai lamu kasa kaga gaw, tawn hkungri makau e sa tsap nga ai. Dai tingnyang man e nga ai aja hkungri ntsa e, Karai Kasang a masha ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.