SHINGRAN 8:13 - Jinghpaw Common Language Bible 2009

¹³ Dai hpang, ngai yu dat yang, lamu a ka-ang hpatwat e pyen yawn nga ai galang langai mi gaw, “Hkrit hpa dingnye! Hkrit hpa dingnye! Kaga lamu kasa masum dum dat na ra ai pahtau nsen ngoi pru ai shaloi, dinghta ga e nga ai ni yawng a matu, gade hkrithpa dingnye rai na rai hka!,” nga nna nsen kaba hte jahtau nga ai gaw, ngai na nngai.

Jinghpaw Hanson Version Bible

¹³ Bai, ngai yu nga yang, langda langai mi lamu a ka-ang hpatwat e pyen yawn nga nna, Naw dum na ra ai lamu kasa masum a pahtau nsen majaw, dinghta ga e nga nga ai ni a matu, dingnye, dingnye, dingnye hkrai rai nga ai, nga nna nsen kaba hte jahtau nga ai gaw, ngai na nngai.

SHINGRAN 8:13 ပူးပေါင်းရင်းမြစ်များ

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

EZEKELA 2:10

Dai lata hta rawng ai laika katsu hpe hpyan dat yang, laika man lahkawng maga hta ka da ai yawn hkyen hkrap ngu hkrap ngoi nsen ga, hkrap agru ai nsen hte yawn madai sharung shayawt ai ga ni hte ka da ai hpe ngai mu nngai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

SHINGRAN 11:14

Lahkawng ngu na dingnye gaw lai mat wa sai, rai ti mung masum ngu na dingnye gaw alawan du na ra ai.

SHINGRAN 12:12

Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.

SHINGRAN 14:3

Dai masha 144,000 gaw, tingnyang man e mung, hkrung ai dusat mali hte salang ni a man e mung, tsap let mahkawn ga ningnan mahkawn mangoi nga ma ai. Ga ntsa na shinggyim masha amyu baw yawng hta na mari la hkrum sai masha 144,000 hta kaga, kadai mung dai mahkawn ga hpe n sharin la lu nga ai.

SHINGRAN 14:6

Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.

SHINGRAN 19:17

Dai hpang, lamu kasa langai mi jan ntsa e tsap nga ai hpe ngai mu nngai. Shi gaw ntsa malen pyen ai u ni hpe, “Sa marit Karai Kasang a Kaba la ai lusha poi de sa zuphpawng marit!

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

SHINGRAN 8:2

Shaloi Karai Kasang a man e tsap nga ai lamu kasa sanit hpe ngai mu nngai; shanhte hpe pahtau sanit ya mu ai.

SHINGRAN 9:1

Bai, manga ngu na lamu kasa gaw, shi a pahtau dum dat wu ai. Shaloi, lamu de nna ga ntsa de shagan langai mi di hkrat wa ai hpe ngai mu nngai. Dai shagan hpe dai sung htum ai shara na nhkun a sumsaw ap ya wu ai.

SHINGRAN 9:12

Shawng na dingnye gaw lai mat wa sai, nde a hpang e dingnye amyu lahkawng naw du na ra ai.