SHINGRAN 8:11 - Jinghpaw Common Language Bible 2009

¹¹ (Dai shagan a mying gaw, “Hka ai” ngu ai rai nga ai; hka htam masum hta na htam mi hka mat ai rai nna, dai hka ai hka lu ai masha ni law law wa si mat wa ma ai.

Jinghpaw Hanson Version Bible

¹¹ dai shagan a amying gaw, lashi pila lap ngu ai rai nga ai; hka htam masum hta na htammi lashi pila lap tai mat wa ai; dai hka hpawng ni grai hka mat wa nna, dai hka lu ai a majaw masha law law wa si mat wa ai.

SHINGRAN 8:11 ပူးပေါင်းရင်းမြစ်များ

PRU MAT 15:23

Dai hpang shanhte gaw Mara ngu ai shara de du shang wa ma yang, dai yang e, grai hka ai hka nga nga ai rai nna dai hka hpe shanhte n lu lu ma ai. Dai rai nna shara dai hpe Mara ngu nna shamying ma ai.

GA SHAGAWP 5:4

Rai ti mung bungli yawng ngut boi ai shaloi, myit a nchyi nmu re ai lam hte ahkup ahka nga ai hpe sha, nang hpe jahkrum kau da ya nga ai.

YEREMIA 23:15

“Dai rai nna, ndai gaw Chyahtum Chyalai N-gun Rawng ai dai Madu ngai nan Yerusalem myihtoi ni hte seng nna tsun ai ga rai nga ai: Ngai gaw shanhte hpe hka ai hpun ru sha na matu hte gung rawng ai ntsin hpe lu shangun na matu jaw nngai; hpa majaw nga yang, shanhte gaw mungdan ting hta karai kata arawn alai ni hpe shachyam shabra dat manu ai.

YEREMIA 9:15

Dai rai nna, Chyahtum Chyalai N-gun Rawng ai dai Madu Israela a Karai Kasang ngai nan hpa galaw na hpe la madat yu mu; ngai gaw nye a amyu masha ni sha na matu lashi pila jaw nna gung hte kayau ai ntsin hpe lu shangun na nngai.

SHARUNG SHAYAWT 3:19

Nye a nchyi nmu hpe myit mang ai lam, ngai hta dum nta n lu ai gaw ahkup ahka nga ai gung rai nga ai.

SHARUNG SHAYAWT 3:5

Shi gaw ngai hpe nchyi nmu hte nni nkri re ai hkyuk htawng hta sharen da ni ai.

AMO LAIKA (AMOS) 5:7

Nanhte gaw teng man rap ra ai tara hpe manai kau nna amyu masha ni a ahkaw ahkang hpe masu hkalem nga myit dai majaw, dingnye hkrum nga myit dai!

AMO LAIKA (AMOS) 6:12

Gumra ni gaw lunghkrung ntsa hkan e gumlawt hkawm lu nga a ni? Kadai wa panglai hka hpe dumsu hte shawt lu a ni? Ti mung, nanhte gaw teng man rap ra ai tara hpe gung, jaw ai hpe shut ai de kayin kau nga myit dai.

ZEHKARIA 13:8

Mungdan ting na nye a amyu masha ni hpe ngai htim gasat na nngai; shaloi htam masum na htam lahkawng si htum mat na mara ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

TARA JAHPRANG 29:18

Kaga masha amyu baw ni a hpara hpe nawku daw jau na nga, dai ni, ndai yang e tsap nga ai numsha lasha dinghku hte amyu bawsang ni kadai mung dai Madu anhte a Karai Kasang kaw na teng teng yit mat wa lu na myit dai n rai. Dai gaw agung hte hka ai hpun tu pru wa ai ru npawt zawn rai nga ai.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.

SHINGRAN 9:15

Dai rai nna dai lamu kasa mali gaw, sharen da ai kaw na raw dat ai hkrum ma ai. Shanhte gaw, shinggyim masha ni hpe htam masum na htam mi sat kau na nga, ahkying, nhtoi, shata, shaning a matu hkyen tawn da ai ni rai nga ma ai.

SHINGRAN 9:18

Dai gumra ni a n-gup hta na pru ai, wan numli, wan hkut hte kan ngu ai tsin-yam masum a majaw, shinggyim masha htam masum hta na htam mi sat kau ai hkrum ma ai.

RUHTA 1:20

Shi gaw, “Ngai hpe Naomi ngu nna hkum shaga myit; Mara ngu nna shaga mi, hpa majaw nga yang, Chyahtum Chyalai N-gun Rawng Ai Karai Kasang gaw nye a asak hkrun lam hpe ahkup ahka di ya ai majaw rai nga ai.