SHINGRAN 7:12 - Jinghpaw Common Language Bible 2009

¹² “Amen! Shakawn kungdawn ai, hpung shingkang, hpaji byeng-ya, chyeju dum shakawn ai, arawng sadang, hpung dagu hte n-gun lagaw gaw, htani htana prat dingsa e anhte a Karai Kasang kaw anga nga u ga law, Amen,” nga nna tsun ma ai.

Jinghpaw Hanson Version Bible

¹² Amen: Shakawn kungdawn ai, hpung shingkang, hpaji byeng-ya, mahkawn shagrau ai, arawng sadang, hpung shingkang hte n-gun lagaw gaw, htani htana prat dingsa e, anhte a Karai Kasang kaw anga nga u ga law, Amen, nga nna tsun ma ai.

SHINGRAN 7:12 ပူးပေါင်းရင်းမြစ်များ

NEHEMIA 12:46

Hkawhkam Dawi aten kaw nna mung, lai sai mahkawn mangoi ninghkrin Asap prat kaw nna mung mahkawn mangoi chye ai ni chyu sha Karai Kasang hpe shakawn kungdawn ai hte chyeju dum shakawn ai mahkawn ni woi awn nga ai.

SHAKAWN KUNGDAWN 100:4

Nawku Htingnu chyinghka ni de, chyeju dum ai myit hte shang mu; dai Nawku Htingnu a wang kata de shakawn kungdawn let shang sa mu. Shi hpe chyeju dum mu, shi hpe shakawn mu.

SHAKAWN KUNGDAWN 106:48

Dai Madu Israela a Karai Kasang, hpe shakawn nga mu! Shi hpe ya kaw nna, htani htana shakawn kungdawn nga mu! Masha hkum shagu, “Amen” ngu nna tsun nga mu ga law! Dai Madu hpe shakawn mu!

SHAKAWN KUNGDAWN 107:22

Shanhte gaw shagu hkungga ni hte shi hpe chyeju shakawn lu na rai mu ai; kabu gara ai mahkawn mangoi ga hte shi galaw dan sai ni yawng hpe tsun hkai dan lu na rai mu ai.

SHAKAWN KUNGDAWN 116:17

Chyeju dum hkungga ni hte ngai nang hpe nawng jau na nngai, nye a akyu hpyi ai ga hte nang hpe sak jaw na nngai.

SHAKAWN KUNGDAWN 147:7

Dai Madu hpe mahkawn mangoi ga hte mahkawn shakawn mu; anhte a Karai Kasang hpe tingse hte mahkawn shakawn mu.

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

SHAKAWN KUNGDAWN 89:52

Madu hpe htani htana shakawn kungdawn nga mu law! Amen! Amen!

SHAKAWN KUNGDAWN 95:2

Shi a man e, chyeju dum let anhte shang nna, mahkawn mangoi ga hte shi hpe kabu gara shakawn ga.

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

YONA 2:9

Rai ti mung, ngai chyawm gaw nang hpe mahkawn shakawn na nngai; ngai gaw nang hpe shagu hkungga nawng ya ai hte ngai ga sadi tawn da sai hte maren galaw na we ai. Hkye hkrang la ai lam gaw dai Madu kaw na du sa nga ai!”

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

ROMA 11:36

Hpa majaw nga yang arai yawng mayawng hte hpe shi hpan da nu ai rai nna yawng mayawng hte gaw shi a matu mara pra nga ai a majaw shi kaw e htani htana hpung shingkang anga nga u ga law! Amen.

1 KORINHTU 14:16

Nanhte gaw Wenyi hte sha Karai Kasang a chyeju hpe shakawn nna akyu hpyi ai rai yang nawku ai hpawng hta lawm nga ai yu maya masha langai mi gaw, nanhte tsun ai ga n chye na ai majaw, nanhte a kyu hpyi ai ga hpe kaning rai “Amen,” ngu nna tsun lu na a ta?

2 KORINHTU 4:15

Ndai lam ni yawng hte gaw nanhte hta akyu ara byin tai wa na matu rai nga ai; Karai Kasang a chyeju hpe hkam la ai masha ni mung grau grau law wa ai hte maren, Madu a hpung shingkang hpe chyeju dum shakawn shagrau akyu hpyi ai lam ni mung grau nna law htam wa na ra ai.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 19:4

Shaloi, dai salang hkun mali hte asak hkrung ai dusat mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen! Karai Kasang hpe shakawn kungdawn mu!,” nga ma ai.