SHINGRAN 6:8 - Jinghpaw Common Language Bible 2009

⁸ Bai, ngai yu dat yang, asit awat nsan ai gumra langai mi nga nga ai. Dai hpe jawn ai wa a mying gaw Si Du rai nga ai. Shi a hpang e Katsan Ga mung htep htep hkan nang nga ai. Shanhte gaw, mungkan ga a htam mali na htam mi hta nga ai masha ni hpe majan hte, hkuwa kaba hte, ana zinli hte, matse labye dusat ni hte zingri sat kau na ahkang lu da ma ai.

Jinghpaw Hanson Version Bible

⁸ Shaloi ngai yu yang, yu u, atsit nsan ai gumra nga nga ai rai nna, dai hta jawn ai wa a amying gaw, Si du rai nga ai; katsan ga mung dai wa kaw hkan nang nga ai. Ri nhtu hte, hku hku ai hte, ana ahkya hte ga ntsa na matse labye zingri ai hte sat kau na matu, lamu ga daw mali hta na daw mi a ntsa e up ai ahkang, shanhte lu la ma ai.

SHINGRAN 6:8 ပူးပေါင်းရင်းမြစ်များ

GA SHAGAWP 5:5

Shi gaw nang hpe si hkrung si htan a mungkan de woi yu wa nna, shi hkawm sa ai lam gaw katsan ga a hkrun lam rai nga ai.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

YEREMIA 14:12

Shanhte lusha gam tim pyi, ngai gaw karum la na matu shanhte a hpyi jahtau ai nsen hpe madat ya na n rai; shanhte gaw ngai hpe wan nat hkungga hte lusha hkungga ni hpe nawng jau yang pyi gaw, dai ni hta ngai awng sharawng nga na nngai n rai. Shing rai na malai, ngai gaw shanhte hpe majan, kawsi hpang gara ai hte ana zinli ni hte sat kau na we ai,” ngu nna tsun ai.

YEREMIA 16:16

Dai Madu gaw, “Ngai gaw ndai amyu masha ni hpe sa rim la na matu nga hkwi masha law law shangun dat na nngai. Dai hpang, shanhte hpe bum shagu hte kawng shagu, lungrawk ni a lapran hkan na lungpu ni hta hkan tam na matu, jaugawng law law ni hpe shangun dat na nngai.

YEREMIA 16:4

Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

YEREMIA 24:10

Shanhte hte shanhte a kaji kawa ni hpe ngai jaw da sai mungdan hta shanhte hta na langai mi mung n ngam mat hkra shanhte hpang de hpyen majan, kawsi hpang gara ai hte ana zinli ni shabyin dat na nngai,” ngu nna tsun ai.

YEREMIA 29:17

Chyahtum Chyalai N-gun Rawng ai dai Madu gaw, ‘Ngai gaw shanhte a ntsa e hpyen majan, kawsi hpang gara ai hte ana zinli shapraw na nngai; n sha mai hkra yat mat ai lakum si ni zawn ngai shanhte hpe shatai kau na nngai.

YEREMIA 43:11

Nebuhkadneza gaw Egutu mung de yu sa nna gasat dang kau na ra ai. Ana zinli hte si ari hkrum ang ai ni gaw bawng dung hkrum nna hpyen majan hta sat kau hkrum na ari lu ai ni mung hpyen majan hta sat kau ai hkrum na mara ai.

EZEKELA 29:5

Ngai gaw nang hte hpawn nga ni mahkra hpe zaibru jang e kabai tawn na nngai. Na a hkum gaw dai hku n lup makoi ai sha ga ntsa e taw nga na ra ai. Ngai gaw ntsa malen u ni hte matse labye dusat ni a shahpa a matu dai hpe jaw na nngai.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

HABAKU 2:5

Sut gan gaw masu hkalem ai amu rai nga ai. Lawhpa myit marin ai ni gaw gumrawng gumtawng ai hte kadau kadap rai nga ai-shanhte gaw si du zawn galoi mung myit n dik hkraw nga ma ai. Dai re ai majaw, shanhte gaw masha amyu baw mi a hpang masha amyu baw mi hpe shanhte a matu gasat dang la nga ma ai.

ZEHKARIA 6:3

masum ngu na hpe gumra hpraw ni hte mung, mali ngu na hpe ateng apang re ai gumra ni hte garawt nga ai.

MAHTE 11:23

Nang mung Kurazin e, lamu du hkra shagrau sharawt ai hkam la lu na ra ai ngu nna nawn da wu ni? Katsan ga du hkra jahkrat kau ai nang hkrum na rin dai. Hpa majaw nga yang, nang hta dan ai mauhpa magam bungli ni hpe, Sodom hta e shabyin taw gaw, dai mare gaw dai ni du hkra naw agrin nga na rai nga ai.

MAHTE 24:7

Masha amyu mi hte amyu mi, mung mi hte mung mi, shada da majan byin na mara ai.

1 KORINHTU 15:55

“Si hkrung si htan e, na a padang ninghkaw kanang nga nga a ta? Si hkrung si htan e, na a palen kanang nga nga a ta?,”

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

SHINGRAN 9:15

Dai rai nna dai lamu kasa mali gaw, sharen da ai kaw na raw dat ai hkrum ma ai. Shanhte gaw, shinggyim masha ni hpe htam masum na htam mi sat kau na nga, ahkying, nhtoi, shata, shaning a matu hkyen tawn da ai ni rai nga ma ai.

SHINGRAN 9:18

Dai gumra ni a n-gup hta na pru ai, wan numli, wan hkut hte kan ngu ai tsin-yam masum a majaw, shinggyim masha htam masum hta na htam mi sat kau ai hkrum ma ai.