SHINGRAN 6:3 - Jinghpaw Common Language Bible 2009

³ Dai hpang Sagu Kasha gaw lahkawng ngu na dazik hpe hpaw dat wu yang, lahkawng ngu na dusat amyu gaw, “Sa rit!,” nga nna tsun ai ngai na nngai.

Jinghpaw Hanson Version Bible

³ Bai, lahkawng ngu na dazik hpe hpaw dat wu yang, lahkawng ngu na dusat amyu gaw, Sa rit, nga nna tsun ai, ngai na nngai.

SHINGRAN 6:3 ပူးပေါင်းရင်းမြစ်များ

MAHTE 27:66

Dai rai nna shanhte lup de sa wa nna dai chyinghka pat da ai lungbyen hpe dazik dawk ai hte lup hpe malawm magawm di nna pat da nhtawm, sin langa ni hpe sin shangun mu ai.

SHINGRAN 4:7

Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu usu hte bung nga ai; masum ngu na dusat amyu gaw, shinggyim masha a myiman hte bung nga ai; mali ngu na dusat amyu gaw, pyen nga ai langda hte bung nga ai.

SHINGRAN 6:1

Shaloi dai Sagu Kasha gaw, dazik sanit hta na langai ngu na hpe hpaw dat ai ngai mu ai hte dusat amyu mali hta na langai mi, mu ngoi ai nsen zawn ngoi ai hte, “Sa rit!,” nga nna tsun ai hpe ngai na nngai.

SHINGRAN 8:1

Bai, sanit ngu na dazik hpe Sagu Kasha hpaw dat wu yang, sumsing lamu e hkying hkum chyen mi daram atsin sha rai nga ai.