SHINGRAN 6:13 - Jinghpaw Common Language Bible 2009

¹³ Lakum hpun hpe nbung kaba ahpawt yang, de a n myin ai asi ni hpun kaw na run hkrat mat ai zawn, sumsing lamu na shagan ni gaw, ga ntsa de run hkrat mat ma ai.

Jinghpaw Hanson Version Bible

¹³ lakum hpun hpe nbung kaba e ahpawt yang, de a n myin ai asi hpe sharun kau ai zawn, sumsing lamu na shagan ni gaw, ga ntsa de run hkrat mat wa ma ai:

SHINGRAN 6:13 ပူးပေါင်းရင်းမြစ်များ

YOBA 15:33

Shanhte gaw n myin ai sabyi si ni hpe sharun kau ai sabyi ru zawn mung, apu ni run hkrat mat ai tsanlun hpun zawn tai mat na mara ai.

ESAIA 13:10

Shagan shagu hte shagan majaw shagu hte gaw nhtoi htoi na n rai, ajan pru wa tim sin mat na ra ai, shata gaw nhtoi jaw na ra ai n rai.

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

ESAIA 34:4

Ajan, shata hte shagan ni gaw ga de di hkrat ayai mat na ra ai. Sumsing lamu gaw laika shabawn zawn katsu mat na ra ai; shagan ni gaw sabyi ru shing n rai lakum hpun kaw na run hkrat ai hpun lap ni zawn tai mat na ra ai.

ESAIA 7:2

Suri hpyen luksuk ni gaw Israela a lamu ga hta nga nga masai shiga Yuda hkawhkam kaw du ai shaloi, shi hte shi a amyu masha ni yawng grai hkrit kajawng nga ma ai, shanhte gaw nbung ahpawt hkrum nna ashun nga ai hpun ni zawn hkrit gari nga ma ai.

EZEKELA 32:7

Ngai nang hpe jahten shaza kau ai shaloi, sumsing lamu hpe ngai magap kau nna, shagan ni hpe mung la kau na nngai. Ajan gaw sumwi a shingdu e makoi nga nna shata mung nhtoi n jaw lu na ra ai.

Daniela 4:14

Shi gaw nsen ja ja hte, ‘Hpun hpe kran kau nna de a lakung lakying ni hpe krum kau u; de a alap ni hpe ashin kau nhtawm asi ni hpe sharun ayai kau u. De a hpun npu hkan nga ai dusat ni hte lakung lakying hkan dung ai ntsa malen u ni hpe shaden kau u.

Daniela 8:10

Dai gaw sumsing lamu a luksuk hpe htim gasat lu hkra n-gun law ram hkra kaba wa nga ai; shagan ni hta na nkau mi hpe ga de kabai kau nna kabye anut kau nga ai.

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

NAHUM 3:12

Na a hpyen dap ni yawng gaw shawng myin nna asi si ai lagum hpun ni zawn rai wa nna, hpun ashun dat yang na a n-gup ang ang hkrat bang na ra ai.

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

MARKU 13:25

Shagan ni mung lamu de na di hkrat mat nna lamu ganghkau na n-gun atsam hking rai ni yawng tinang a shara kaw na htawt kau ai hkrum na mara ai.

LUKA 21:25

“Dai shaloi e, jan shata, shagan ni hta laklai ai lamik kumla ni dan pru na ra ai. Ga ntsa e mungdan ni yawng gaw, panglai hkaleng ni a wu kadu ai nsen majaw hkrit kajawng ai hte myit ru myit tsang hkrum na mara ai.

SHINGRAN 9:1

Bai, manga ngu na lamu kasa gaw, shi a pahtau dum dat wu ai. Shaloi, lamu de nna ga ntsa de shagan langai mi di hkrat wa ai hpe ngai mu nngai. Dai shagan hpe dai sung htum ai shara na nhkun a sumsaw ap ya wu ai.