SHINGRAN 6:12 - Jinghpaw Common Language Bible 2009

¹² Bai, Sagu Kasha gaw kru ngu na dazik hpe hpaw dat ai hpe ngai mu nngai. Shaloi nnang nawn grai ja hkra nawn wa nna, jan gaw ahtat awat re ai buri sumpan chyang zawn chyang mat nna, shata hkum ting mung, asai zawn hkyeng mat ai.

Jinghpaw Hanson Version Bible

¹² Bai, kru ngu na dazik hpe hpaw dat wu yang, ngai mu nngai gaw, nnang nawn kaba a nawn wa ai; ajan gaw amun chyang hte da ai sumpan zawn asin amang nsan mat nna, shata hkum ting mung asai zawn san mat wa ai;

SHINGRAN 6:12 ပူးပေါင်းရင်းမြစ်များ

ESAIA 24:23

Shata gaw sin mat wa na ra ai, ajan mung htoi na ra ai n rai, hpa majaw nga yang, Chyahtum Chyalai N-gun rawng ai dai Madu gaw hkawhkam tai na ra ai. Shi gaw Ziun Bum ntsa na Yerusalem hta up nga na ra ai, amyu masha ni a ningbaw ni gaw shi a hpung shingkang hpe mu lu na mara ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 34:4

Ajan, shata hte shagan ni gaw ga de di hkrat ayai mat na ra ai. Sumsing lamu gaw laika shabawn zawn katsu mat na ra ai; shagan ni gaw sabyi ru shing n rai lakum hpun kaw na run hkrat ai hpun lap ni zawn tai mat na ra ai.

ESAIA 50:3

Si hkrung si htan a majaw sharung shayawt ai zawn, ngai gaw sumsing lamu hpe nsin shatai kau lu nga nngai,” ngu nna tsun wu ai.

YOELA 2:10

Shanhte rawt lung wa yang, ginding aga ashun awam nga ai; sumsing lamu gari ashun nga ai. Ajan hte shata sin mak mat nna, shagan ni loi mi pyi n htoi mat ma ai.

YOELA 3:15

Ajan hte shata sin mat wa nna, shagan ni loi mi mung htoi na ra ai n rai.

AMO LAIKA (AMOS) 1:1

Ndai gaw Yuda mungdan a Hkawhkam Uzia hte Israela Hkawhkam Yosha a kasha Yeroboam a lakhtak e, nnang nawn garai n nawn ai lahkawng ning a shawng e, Tekoa mare na sagu rem wa Amo hpe Israela hte seng nna Karai Kasang kaw na lu la ai mungga ni rai nga ai.

AMO LAIKA (AMOS) 8:9

Ngai gaw shani chyingtung e ajan hpe jashang kau shangun ai hte ginding aga hpe shani aten e nsin sin shangun ai shaloi dai aten du wa na ra ai. Tsaw Htum ai dai Madu ngai nan tsun ni ai.

ZEHKARIA 14:5

Nanhte gaw dai bum yan a lapran kadit lam hku hprawng lawt mat wa na marin dai. Yuda Hkawhkam Uzia lakhtak e, nnang nawn nawn wa yang, nanhte a nji nwa ni hprawng gat ma ai hte maren, nanhte hprawng gat na marin dai. Dai Madu nye a Karai Kasang gaw shi hte rau rai nga ai lamu kasa ni yawng hpe woi sa wa na ra ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

MAHTE 24:7

Masha amyu mi hte amyu mi, mung mi hte mung mi, shada da majan byin na mara ai.

MAHTE 27:45

Shani ka-ang jan pungding madi ai ten kaw nna shana de hkying masum du hkra, mung ting hta e nsin sin chyip rap rai mat ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

MAHTE 28:2

Dai shaloi akajawng sha grai ja ai nnang nawn kaba langai mi nawn wa ai. Dai Madu a lamu kasa langai mi lamu de nna yu hkrat wa nna, dai nlung hpe sa galau kau nhtawm, dai hta e dung nga ai.

MARKU 15:33

Ya shani ka-ang jan pungding madi ai ten kaw nna mungkan ting hta e nsin chyip rai mat ai. Dai gaw hkying hkum masum na ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 16:18

Dai aten hta, myihprap gala ai, nsen kadu ai, mu ngoi ai, hkrithpa nnang nawn byin pru wa ai. Ga ntsa e masha nnan lat kaw nna dai zawn kaba ai hte ja la ai nnang nawn gaw, galoi mung n byin yu ai.

SHINGRAN 16:8

Bai, mali ngu na lamu kasa gaw shi a gawm hpe jan hta ru bun dat wu ai. Shaloi jan gaw masha ni hpe ja la ai kang kahtet ai hte hkru jahkat kau na ahkang lu la wu ai.

SHINGRAN 8:12

Bai, mali ngu na lamu kasa gaw shi a pahtau dum dat wu ai. Shaloi, jan a htam masum na htam mi, shagan ni htam masum a htam mi grawp hten nip mat wa nna, shanhte a nhtoi gaw htam masum na htam mi sin mak mat wa ai hte, shani a htam masum na htam mi, shana a htam masum na htam mi nhtoi n lu mat ai.

SHINGRAN 8:5

Dai hpang lamu kasa gaw, dai n-gawt hpe la nna, tawn hkungri kaw na wan bang jahpring la ngut jang, mungkan ga ntsa de dai hpe kabai jahkrat dat wu ai: shaloi mu ngoi ai, wu kadu ai nsen, myi hprap gala ai hte nnang nawn byin pru wa ai.