SHINGRAN 6:11 - Jinghpaw Common Language Bible 2009

¹¹ Shanhte langai hte langai hpe hpraw ai hpun palawng jahpun nna, tinang ni hpe zawn sat kau hkrum na mara ai magam gun manang ni hte Hkristan hpu nau ni a jahpan wa hpring ai nhtoi du hkra, chyahkring mi naw la nga na matu shanhte hpe htet da mu ai.

Jinghpaw Hanson Version Bible

¹¹ Dai ni langai hte langai hpe hpraw ai hpun palawng galu jahpun nna, shanhte zawn sat kau hkrum na mara ai, tinang ni a kanawn manang ni hte kahpu kanau ni hkum tsup wa lu ai nhtoi du hkra, chyahkring mi naw sim sa nga lu na rai myit dai, nga nna shanhte hpe tsun dan mu ai.

SHINGRAN 6:11 ပူးပေါင်းရင်းမြစ်များ

Daniela 12:13

“Daniela e, nang mung jahtum du hkra sadi sahka nga u. Dai hpang nang si mat na ndai; rai ti mung nang bai rawt wa nna hpang jahtum na aten hta na a kumhpa hkam la lu na rin dai.”

MAHTE 10:21

Masha ni gaw tinang a kahpu kanau shada da langai hte langai si na matu ap kau na mara ai. Kawa ni mung dai hte maren kasha ni hpe, kasha ni mung kawa ni hpe si na matu ap kau na mara ai.

LUKA 15:22

Rai ti mung kawa gaw, shi a shangun ma ni hpe shaga nna, ‘Reng htum ai hpun palawng alawan la sa nna shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru,

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

2 TIMOHTI 4:7

Ngai gaw gat shingjawng ai lam hta atsam htum hkra gat shakut se ai; gat na matu tawn da ai shadawn shadang hpe htum hkra gat shadu se ai; dai makam masham hpe ngai hkan shatup ni ai.

HEBRE 11:40

Hpa majaw nga yang, Karai Kasang gaw anhte a matu mara grau kaja ai shatawng shada ai lam hpe daw dan masat da nu ai. Dai shatawng shada ai lam gaw, anhte hte rau rai yang sha, shanhte gaw hkum tsup ai lam lu la na hku rai nga ai

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

HEBRE 4:10

Hpa majaw nga yang, Karai Kasang ga ndat jaw da ai ban sa ai hpe hkam la sai ni kadai mung, Karai Kasang ban sa ai zawn, shi a amu bungli hta na ban sa na ra ai.

SHINGRAN 10:6

htani htana prat dingsa ahkrung nga nna, sumsing lamu, ginding aga, panglai hte dai hta e rawng marawng hpe hpan tawn da ai Karai Kasang a mying nsang hpe gang nna dagam wu ai gaw, “Ahkying ladaw hpe htingnai shana chyai nga ai lam naw nga sana n rai!

SHINGRAN 13:15

Dai matse labye hkrang sumla ga shaga lu na matu mung, dai matse labye a hkrang sumla hpe n nawku ai ni nga manga hte hpe sat kau na matu mung, lahkawng ngu na matse labye gaw dai hkrang sumla hta nsoi nsa kawut bang ya na ahkang mung lu da wu ai.

SHINGRAN 14:13

Dai hpang sumsing lamu kaw nna, “Ka da u: ya kaw nna Madu a magam bungli hpe gunhpai let si wa ai ni gaw a lu ma ai!,” nga ai nsen langai mi ngai na nngai. Wenyi mung, “Rai sa! Shanhte a amu bungli galaw shakut shaja ai kaw na hkring sa ai lam lu la na mara ai. Hpa majaw nga yang, shanhte galaw ai amu bungli a akyu gaw, shanhte kaw hkan nang nga ai,” nga nna tsun ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.