SHINGRAN 5:9 - Jinghpaw Common Language Bible 2009

⁹ Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

Jinghpaw Hanson Version Bible

⁹ shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,

SHINGRAN 5:9 ပူးပေါင်းရင်းမြစ်များ

SHAKAWN KUNGDAWN 144:9

Karai Kasang e, mahkawn ga nnan hte nang hpe ngai mahkawn mangoi na nngai; tingse dum let nang hpe ngai mahkawn mangoi na nngai.

SHAKAWN KUNGDAWN 149:1

Dai Madu hpe shakawn mu! Dai Madu hpe mahkawn ga nnan hte mahkawn mu; shi a kangka ai amyu masha ni a hpawng hta, shi hpe shakawn mu!

SHAKAWN KUNGDAWN 33:3

Mahkawn ga nnan hte shi hpe mahkawn mu, madat pyaw hkra tingse dum nna, kabu gara marawn jahtau nga mu!

SHAKAWN KUNGDAWN 40:3

Shi gaw ngai hpe mahkawn ga nnan mahkawn shakawn na matu sharin ya ai, dai gaw anhte a Karai Kasang hpe shakawn ai mahkawn langai mi rai nga ai. Law law wa dai hpe mu nna hkrit maja let, Madu hpe shanhte kam hpa nga ma ai.

SHAKAWN KUNGDAWN 96:1

Dai Madu hpe mahkawn ga nnan hte mahkawn mu! Mungkan ga ting dai Madu hpe mahkawn shakawn mu!

SHAKAWN KUNGDAWN 98:1

Dai Madu hpe mahkawn ga nnan hte mahkawn mu; shi gaw mauhpa magam amu ni hpe galaw da nu ai! Shi a daru magam n-gun hte chyoi pra ai n-gun a jaw e, shi gaw awng padang hpe hkam la nu ai.

ESAIA 42:10

Mahkawn mangoi nnan hte dai Madu hpe mahkawn mu; Mungkan ga ting, shi hpe shakawn kungdawn ga hte mahkawn mu! Panglai rap ai ni e, shi hpe shakawn kungdawn mu; panglai hkrung kanu ni yawng hte e, shi hpe shakawn kungdawn mu! Sumtsan mung ni hte dai hkan nga ai ni yawng hte e, mahkawn mangoi mu!

Daniela 3:4

ga htawn ai wa gaw, “Masha amyu baw ni, amyu bawsang ni hte ga amyu myu shaga ai ni e!

Daniela 4:1

Hkawhkam Nebuhkadneza gaw masha amyu baw ni, amyu bawsang ni hte kaga ga amyu myu shaga ai masha amyu ni yawng hpang de ning ngu nna htet shana dat wu ai: “Nanhte hta ngwi pyaw nga malit ga!

Daniela 5:19

Shi gaw nachying galu kaba nga ai rai nna masha amyu baw ni yawng, amyu bawsang ni hte kaga ga amyu myu shaga ai ni yawng hte gaw shi hpe hkrit gari nga ma ai. Shi gaw marai langai ngai hpe sat kau mayu yang, shi galaw nga ai; marai langai ngai hpe jahkrung mayu yang, jahkrung da nga ai. Shagrau sha-a mayu yang, shi shagrau sha-a nna, shagrit kau mayu ai wa hpe shagrit kau nga ai.

Daniela 6:25

Dai hpang Dari hkawhkam gaw ginding aga ntsa e nga ai masha amyu ni yawng a masha ni hpe mung, amyu bawsang ni hte ga amyu myu tsun ai masha ni hpang de laika ka dat wu ai: Ngwi pyaw ai lam anga nga u ga law!

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

1 KORINHTU 6:20

Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

1 KORINHTU 7:23

Nanhte hpe Karai Kasang gaw manu jahpu daw nna mari da sai majaw masha a mayam hkum tai myit.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 5:19

Nanhte shada da shakawn kungdawn mahkawn mangoi ga, Wenyi makam masham hte seng ai laka ga hte tsun shaga hkat nga let, nanhte a kraw lawang kata hta Madu hpe mahkawn mangoi nna shakawn kungdawn nga mu.

KOLOSE 1:14

Dai Kasha a asai hte htingrai htingrat ya ai a marang e anhte hpe shalawt dat mi ai; dai gaw anhte a yubak mara ni hpe raw dat ya ai lam nan rai nga ai.

KOLOSE 1:23

Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 11:14

Dai lam ni hpe shing nga nna tsun ai ni gaw, shanhte nan nga na matu mungdan langai mi tam nga ma ai gaw dan leng nga ai.

2 PETRU 2:1

Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

SHINGRAN 10:11

Dai hpang lamu kasa gaw, “Amyu baw law law, masha mungdan law law, hte hkawhkam law law a lam Karai Kasang a mungga kalang mi bai nang tsun lu na ndai,” nga nna ngai hpe tsun ai.

SHINGRAN 11:9

Shaloi amyu mungdan shagu hta na amyu lakung ni, ga amyu myu shaga ai ni, amyu bawsang ni gaw, shan a moi mang hpe lup makoi na ahkang n jaw ai sha masum ya e chyingdaw mi tup sa hpu yu nga na mara ai.

SHINGRAN 13:7

Shi gaw Karai Kasang a masha ni hpe gasat nna dang kau na ahkang mung, mungdan shagu hta nga ai ga baw amyu shagu shaga ai masha amyu bawsang yawng hte a ntsa e up na ahkang hpe mung jaw da hkrum ai wa rai nga ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 14:6

Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 17:15

Bai, lamu kasa gaw, “Nang mu ai shawa num dung nga ai hka nu ni gaw, masha mungdan ni, shawa masha wunawng wuwa ni, amyu baw ni hte, ga amyu myi shaga ai amyu ni, rai nga ma ai.

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.

SHINGRAN 5:12

Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.

SHINGRAN 5:6

Shaloi, Sagu Kasha langai mi gaw, hkrung ai dusat amyu mali hte salang ni shinggrup tawn ai tingnyang a ka-ang e tsap nga ai hpe ngai mu nngai. Shi gaw hkungga nawng na matu sat kau hkrum sai Sagu Kasha hte bung nga ai. Shi hta nrung sanit hte myi sanit tu nga ai. Shanhte gaw dinghta ga hproi hkra shangun dat hkrum ai Karai Kasang a Wenyi sanit hte rai nga ma ai.