SHINGRAN 5:6 - Jinghpaw Common Language Bible 2009

⁶ Shaloi, Sagu Kasha langai mi gaw, hkrung ai dusat amyu mali hte salang ni shinggrup tawn ai tingnyang a ka-ang e tsap nga ai hpe ngai mu nngai. Shi gaw hkungga nawng na matu sat kau hkrum sai Sagu Kasha hte bung nga ai. Shi hta nrung sanit hte myi sanit tu nga ai. Shanhte gaw dinghta ga hproi hkra shangun dat hkrum ai Karai Kasang a Wenyi sanit hte rai nga ma ai.

Jinghpaw Hanson Version Bible

⁶ Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.

SHINGRAN 5:6 ပူးပေါင်းရင်းမြစ်များ

2 HKAWHKAM LABAU 16:9

Dai Madu hta sadi sahka myit rawng nga ai ni hpe n-gun atsam jaw ya na nga, shi gaw mungkan ga ting hpe mada azi yu wu ai. Nang chyawm gaw angawk ai hku galaw kau nit dai majaw ya kaw nna hpyen majan tut nawng ahkrum nga na nit dai,” ngu nna tsun wu ai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

Daniela 8:3

dai hka nu makau e nrung galu lahkawng tu ai sagu la langai hpe ngai mu nngai; nrung langai mi gaw kaga langai mi hta grau galu nna nrung nnan rai nga ai.

MIHKA 4:13

Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

HABAKU 3:4

Shi gaw htoi tu ai myihprap wan hte sa nga ai; shi a daru magam n-gun makoi rawng nga ai shi a hkra lata kaw na nhtoi wan gala nga ai.

ZEHKARIA 3:9

Man sanit rawng ai nlung langai mi hpe Yawshu a man e ngai tawn da nngai. Dai hta nlung laika tawk ka da na nngai; shing rai lani jan hta sha, ndai mungdan na yubak mara hpe htawm kau na we ai.

LUKA 1:69

Shi a shangun ma Dawi a aru arat hta na anhte a matu n-gun atsam rawng ai Hkye la Madu jaw ya mani ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

YAWHAN 1:36

Yesu lai sa wa ai hpe Yawhan mu wu yang, “Karai Kasang a Sagu Kasha hpe yu yu mu!,” ngu mu ai.

KASA 8:32

Shi hti ai laika a ga gaw ndai rai nga ai: “Sat na sagu hpe zawn shi hpe dun sa wa nu ai, Sagu kasha gaw shi a mun rep ai shaloi atsin sha nga ai zawn, shi mung n shaga ai sha nga nga ai.

SHINGRAN 1:4

Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 14:1

Dai hpang ngai yu dat yang, Ziun bum ntsa e dai Sagu Kasha tsap nga ai hpe ngai mu nngai. Shi a mying hte shi a Kawa a mying hpe shanhte a lahtan ni hta shakap da ai masha 144,000 hte gaw Sagu Kasha hte rau rai nga ma ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 21:22

Dai mare kata e nawku htingnu ngai n mu nngai, hpa majaw nga yang, Chyahtum Chyalai n-gun atsam rawng ai Madu Karai Kasang hte Sagu Kasha gaw, dai mare a nawku htingnu rai nga ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:3

Karai Kasang a dagam dala hkrum ai ngu ai hpa mung htawm hpang de dai mare hta nga sana n rai. Karai Kasang hte Sagu Kasha a tingnyang gaw, dai mare kata hta nga nga na ra ai rai nna, shi a shangun ma ni shi hpe nawku daw jau na mara ai.

SHINGRAN 4:8

Dai dusat mali hte hta langai hte langai singkaw kru hpra hpra tu nna, shanhte a hkum kata e mung, shinggan e mung hkum grup myi hkrai pri rai nga ai. Shanhte gaw shani shana n sim n sa ai sha: “Moi na prat e, ya na prat e, htawm hpang du na ra ai prat e dinggrin anga nga ai, Chyahtum Chyalai n-gun Rawng ai, Madu Karai Kasang gaw, chyoi pra, chyoi pra, chyoi pra arai nga ai law!,” nga nna tsun ma ai.

SHINGRAN 5:11

Dai hpang ngai bai yu dat yang, dai tingnyang a grup yin e mung, dusat amyu mali hte salang ni a grup yin e mung, tsap nga ai lamu kasa ni a nsen hpe ngai na nngai. Dai lamu kasa ni gaw, mun, sen, wan, a htam law law hti n dang hkra rai nga ma ai.

SHINGRAN 5:12

Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.

SHINGRAN 5:13

Dai hta n ga, lamu lahta tsang hta na mung, ginding aga ntsa hta na mung, mungkan ga a lawu tsang hta na mung, panglai hta na mung, ninggawn tawa ting na hkrung mahkrung yawng hte gaw, “Tingnyang hta dung nga ai wa hte Sagu Kasha gaw, arawng sadang hpung shingkang hte daru magam, anga nga u ga law!,” nga nna shanhte mahkawn mangoi nga ma ai hpe ngai na nngai.

SHINGRAN 5:14

Shaloi dai dusat amyu mali gaw, “Amen!,” nga nna htan ma ai; salang ni mung dingnyawm nna nawku ma ai.

SHINGRAN 6:16

Shanhte gaw bum ni hte lunghkrung ni hpe shaga nna, “Anhte a ntsa e hkrat bun mi, tingnyang hta dung nga ai wa a myi man hte Sagu Kasha a pawt bu ai hta na, anhte hpe magap maga la mi!

1 SAMUELA 2:10

Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”