SHINGRAN 4:7 - Jinghpaw Common Language Bible 2009

⁷ Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu usu hte bung nga ai; masum ngu na dusat amyu gaw, shinggyim masha a myiman hte bung nga ai; mali ngu na dusat amyu gaw, pyen nga ai langda hte bung nga ai.

Jinghpaw Hanson Version Bible

⁷ Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu kasha hte bung nga ai; masum ngu na dusat amyu gaw, shinggyim masha a myi man man nga ai; mali ngu na dusat amyu gaw, pyen nga ai langda hte bung nga ai.

SHINGRAN 4:7 ပူးပေါင်းရင်းမြစ်များ

NINGPAWT NINGHPANG 49:9

Yuda gaw nam shan hpe kawa sat nna shi a lungpu de nhtang wa nhtawm Galeng gumkan nga ai hkanghkyi hte bung nga ai. Kadai mung shi hpe shatu gwi na n rai.

2 SAMUELA 1:23

“Shawlu hte Yonahtan grai mau na zawn hkrung nga dingsa tsaw ra nja; si wa ai mung ndaw nhka, galang ni hta grau laram, hkanghkyi ni hta grau ningtsam rawng nga ai.

GA SHAGAWP 28:2

Amyu masha ni yubak hkrum sha ai shaloi, dai hta mung du ni langai hpang langai up hkang na mara ai. Rai ti mung, nyan sam ai hte htauli htaula myit rawng ai ningbaw ningla ni woi hkang ai shaloi, mungdan gaw n-gun rawng wa nna grin ngang nga ai.

ESAIA 40:31

Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

EZEKELA 1:10

Dai hkrung nga ai dusat shagu hta kaga ga re ai myi man amyu mali rawng nga ai. Dai ni gaw man maga de masha a myi man, hkra maga de hkanghkyi myi man, pai maga de usu myi man hte shingdu maga de galang myi man ni rai ma ai.

EZEKELA 1:8

Dai sha n-ga, shanhte a myi man man mali hte singkaw mali hta jan nna masha lata mali hpra tu nga ma ai, singkaw shagu a npu hta lata langai hpra tu nga ai.

EZEKELA 10:14

Dai hkrung kanu shagu hta myi man mali li tu nga ai. Shawng na gaw usu myi man, lahkawng ngu na gaw masha myi man, masum ngu na gaw hkanghkyi myi man hte mali ngu na gaw galang myi man ni rai nga ai.

EZEKELA 10:21

Shanhte langai hte langai gaw myi man mali li, singkaw mali li hte singkaw shagu a npu hta masha a lata zawn re ai mung tu nga ai.

Daniela 7:4

Shawng na langai mi gaw hkanghkyi hte bung nna galang zawn singkaw tu nga ai. Ngai yu nga yang, singkaw ni baw kau ai hkrum nga ai. Dai matse labye dusat gaw sharawt la ai hkrum nna masha zawn ading jan tsap shangun nga ai. Dai hpang shinggyim myit shi hpe jaw ya ai hkrum nga ai.

OBEDIA 1:4

Nang gaw na a dum nta hpe galang a utsip zawn tsaw ai shara hta galaw tawn da lu nna, dai gaw shagan ni a lapran e nga nga lu ai zawn rai tim, ngai nang hpe gang shayu kau na de ai.

BU HKAWM 23:24

Israela amyu baw gaw chyalai n-gun rawng ai hkanghkyi langai zawn rai nga ai; Htim amya gang je la lu ai shan garai n sha, kawa sat da ai Shan asai garai n lu lu dingsa shi hpum na n rai.”

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

SHINGRAN 4:6

Bai dai tingnyang a man e pat seng zawn san hkra san tsawm ai pat nawng langai mi ing nga ai. Dai hta n ga, tingnyang a grup yin gade n de, shingdu aman grup ting myi tu ai dusat amyu mali nga ma ai.

SHINGRAN 6:3

Dai hpang Sagu Kasha gaw lahkawng ngu na dazik hpe hpaw dat wu yang, lahkawng ngu na dusat amyu gaw, “Sa rit!,” nga nna tsun ai ngai na nngai.

SHINGRAN 6:5

Bai Sagu Kasha gaw masum ngu na dazik hpe hpaw dat ai shaloi masum ngu na dusat gaw, “Sa rit!,” nga nna tsun ai, ngai na nngai. Shaloi ngai yu dat yang, gumra chyang langai mi nga nga ai. Dai hta jawn ai wa gaw, shi a lata hta joi langai mi lang da wu ai.

SHINGRAN 6:7

Dai hpang Sagu Kasha gaw, mali ngu na dazik hpe hpaw dat wu yang mali ngu na dusat gaw, “Sa rit!,” nga nna tsun ai, ngai na nngai.