SHINGRAN 4:5 - Jinghpaw Common Language Bible 2009

⁵ Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.

Jinghpaw Hanson Version Bible

⁵ Dai tingnyang kaw na myihprap gala ai, mahku ngoi ai nsen hte mu ngoi ai gaw, pru nga ai. Dai tingnyang a man e mung, Karai Kasang a wenyi sanit ngu ai, wan pyengdin sanit tu nga ai:

SHINGRAN 4:5 ပူးပေါင်းရင်းမြစ်များ

NINGPAWT NINGHPANG 15:7

Bai dai Madu gaw shi hpe, “Ndai lamu ga gaw na a matu rai nga u ga, nang hpe jaw na matu ngu nna she, Babelon mung Ura mare kaw nna nang hpe woi shapraw wa ai dai Madu ngai nan rai nga nngai,” ngu nna tsun wu ai.

2 HKAWHKAM LABAU 4:20

pyengdin shadun ni hte shatawng shada da ai hte maren, Chyoi Pra Htum ai Shara a man e shatu ai ja jet hte galaw da ai pyengdin ni;

SHAKAWN KUNGDAWN 68:35

Shi a chyoi pra ai Htingnu kaw nna sa wa ai Israela a Karai Kasang gaw kade wa hpung shingkang hte hpring nga a hka! Shi gaw shi a amyu masha ni hpe n-gun atsam jaw ya nga ai. Karai Kasang hpe shakawn mu law!

PRU MAT 19:16

Ya, masum ya ngu na jahpawt hta mu ngoi ai, myi hprap gala ai hte htat ai sumwi ni gaw bum ntsa e dan pru wa nga ai rai nna, dai kaw nsen ja ja hte ngoi garu ai pahtau nsen mung ngoi nga ai. Dap ni hta nga ai amyu masha ni yawng mung hkrit gari nga ma ai.

PRU MAT 20:18

Amyu masha ni gaw mu ngoi ai hte pahtau ngoi garu ai nsen na nna myi hprap galam ai hte wan hkut hku ai bum hpe mu ma ai shaloi, shanhte hkrit gari mat ai hte tsan tsan e tsap nga ma ai.

PRU MAT 25:37

Pyengdin shadun hta shadun na pyengdin sanit mung galaw ra ai; dai ni gaw man maga de htoi nga na rai nga ai.

PRU MAT 37:23

Shi gaw pyengdin shadun a matu pyengdin sanit hpe mung galaw nhtawm de a matu lakap ni hte matep bang na ban ni hpe mung ja jet hte galaw wu ai.

EZEKELA 1:13

Dai dusat ni a lapran e agrung nga ai wan shanan zawn re ai arai lama mi tut e shamu hkawm nga ai. Dai wan shanan gaw grung wa nna myihprap wan gala ya nga ai.

YOELA 3:16

Dai Madu gaw Ziun Bum kaw nna shabam dat nhtawm, shi a nsen Yerusalem kaw na ngoi kadu nga ai; Ginding aga hte sumsing lamu gari ashun nga ai. Rai ti mung, shi gaw shi a amyu masha ni hpe makawp ninggang tai ya na ra ai.

ZEHKARIA 4:2

“Nang hpa mu n ta?,” ngu nna san wu ai. Shaloi ngai gaw, “Ja hte galaw ai pyengdin shadun langai mu nngai. De a ntsa e sau bang na ndi langai hte dai pyengdin shadun hta pyengdin sanit nga nhtawm, langai hte langai hta wan shat sanit a matu shara ni nga nga ai.

MAHTE 25:1

“Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

KASA 2:3

Shaloi bra garan ai wan shinglet zawn re ai mung, shanhte kaw dan pru nna langai hte langai a ntsa e jung nga ai.

SHINGRAN 1:4

Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,

SHINGRAN 10:3

hkanghkyi shabam ai zawn, nsen kaba hte jahtau dat wu ai. Shi jahtau dat wu yang, mu ngoi ai mahku sanit hte nsen shapraw nna htan ma ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 3:1

“Bai Sardi mare na hpung a lamu kasa hpe ning ngu ka dat u: “Ndai gaw, Karai Kasang a Wenyi sanit hte shagan sanit lang da ai wa kaw na mungga rai nga ai. Nang galaw ai amu hpe ngai chye nga nngai. Nang gaw asak hkrung shamu shamawt nga ai ngu nna, kajai gumhkawng nga timung, nang chyasi rai nga ndai.

SHINGRAN 5:6

Shaloi, Sagu Kasha langai mi gaw, hkrung ai dusat amyu mali hte salang ni shinggrup tawn ai tingnyang a ka-ang e tsap nga ai hpe ngai mu nngai. Shi gaw hkungga nawng na matu sat kau hkrum sai Sagu Kasha hte bung nga ai. Shi hta nrung sanit hte myi sanit tu nga ai. Shanhte gaw dinghta ga hproi hkra shangun dat hkrum ai Karai Kasang a Wenyi sanit hte rai nga ma ai.

SHINGRAN 8:5

Dai hpang lamu kasa gaw, dai n-gawt hpe la nna, tawn hkungri kaw na wan bang jahpring la ngut jang, mungkan ga ntsa de dai hpe kabai jahkrat dat wu ai: shaloi mu ngoi ai, wu kadu ai nsen, myi hprap gala ai hte nnang nawn byin pru wa ai.