SHINGRAN 4:3 - Jinghpaw Common Language Bible 2009

³ Shi a myi man ahpraw nsam gaw, hpu ging ai lung seng ni rai nga ai nagahtoi hte patamya zawn htoi ala nga ai rai nna, dai tingnyang grup yin e gaw, mya lungseng nsan ai n-goila-tum jung nga ai.

Jinghpaw Hanson Version Bible

³ Dung nga ai wa a ahpraw asam gaw, nagahtoi hte patemya lungseng zawn san nga ai rai nna, dai tingnyang grup yin e gaw, mya lungseng nsan ai n-goilatum jung nga ai.

SHINGRAN 4:3 ပူးပေါင်းရင်းမြစ်များ

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

PRU MAT 28:18

lahkawng ngu na lam hta mya, nila hte sein lung seng ni rai na rai nga ai;

PRU MAT 39:11

lahkawng ngu na lam hta mya, nila hte sein;

ESAIA 6:1

Hkawhkam Uzia si mat ai shaning hta, ngai gaw Madu hpe mu nngai. Shi gaw tsaw ai shi a tingnyang hta dung nga ai hte shagrau shatsaw hkrum nga ai, shi a palawng galu gaw Nawku Htingnu ting hpring nga ai.

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

EZEKELA 1:28

dai yawng a ntsa e htoi tu ai nsam gaw n-goi latum a nsam ni rai nga ai. Dai gaw dai Madu a hpung shingkang dan hkung ai nsam hpe shapraw dan ai shi a htoi kabrim ai shara rai nga ai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang nsen langai hpe ngai na nngai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang ngai gaw nsen langai na nngai.

EZEKELA 10:1

Ngai gaw hkrung kanu ni a baw ntsa na din ai lamu madin hte nila lung seng hte gaw da ai hkawhkam tingnyang zawn san ai shara lama mi hpe mada yu nngai.

EZEKELA 28:13

Nang gaw Karai Kasang a sun ngu ai Eden hta nga nga ndai; lung seng amyu shagu ngu ai lung seng hkyeng ni, sein lung seng ni, utahpaya, myek-yoi, chyawng, nagahtoi, nila, mya hte patamya ni hpe ja hta hkrep nna mawn sumli da nga ndai. Nang gaw aja shakya rai ni lu nga ndai. Dai ni hpe nang hpan da hkrum ai shani hta nan, na a matu lajang da nga sai.

SHINGRAN 10:1

Dai hpang, n-gun ja ai lamu kasa kaga langai mi sumsing lamu de nna yu hkrat wa ai hpe ngai mu nngai. Shi gaw sumwi hpe bu hpun nna shi a baw grup yin n-goi latum jung nga ai, shi a myi man gaw jan hte bung nga ai, shi a lagaw wan shadaw zawn rai nga ai.

SHINGRAN 21:11

Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.