Dai hpang Dawi gaw amyu masha ni hpe, “Dai Madu nanhte a Karai Kasang hpe shakawn kungdawn mu!,” ngu nna hkang da wu ai. Shaloi shawa hpawng ting gaw dai Madu shanhte a kaji kawa ni a Karai Kasang hpe shakawn kungdawn nhtawm dai Madu hpe mung, hkawhkam wa hpe mung, shanhte dingnyawm gum dagup nna shagrau hkungga jaw mu ai.
SHINGRAN 4:10 - Jinghpaw Common Language Bible 200910 dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna, အခန်းကိုကြည့်ပါ။Jinghpaw Hanson Version Bible10 dai salang hkun mali mung, tingnyang hta dung nga ai wa a man e dingnyawm nna, htani htana prat dingsa ahkrung nga ai wa hpe nawku let, dai tingnyang man e tinang ni a ja janmau ni hpe raw tawn da nna, အခန်းကိုကြည့်ပါ။ |
SHINGRAN 4:10
28 ပူးပေါင်းရင်းမြစ်များ
Sumsing lamu na wan hkrat wa nhtawm htoi kabrim ai gaw Nawku Htingnu hta hpring nga ai hpe Israela amyu masha ni mu jang, shanhte gaw nlung nep da ai shara e myi man gum dagup let Karai Kasang hpe nawku nhtawm shi a mai kaja ai lam hte htani htana tsaw ra myit a majaw shi hpe shakawn kungdawn nga ma ai.
Dai lamu kasa gaw lamu de lata lahkawng sharawt nhtawm Htani Htana a Karai Kasang a mying ningsang hta dagam shaka let ga sadi tawn da wu ai. Shi gaw, “Dai aten gaw masum ning a chyen mi rai na ra ai. Karai Kasang a amyu masha ni hpe zingri zingrat ai aten htum jang, ndai lam yawng mayawng byin wa na ra ai,” ngu nna tsun ai ga hpe ngai na nngai.
Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.
Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.
Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.
ကြော်ငြာတွေ