SHINGRAN 4:1 - Jinghpaw Common Language Bible 2009

¹ Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.

Jinghpaw Hanson Version Bible

¹ Dai hte byin ngut jang ngai mu nngai, gaw, yu u, sumsing lamu e chyinghka hpaw malang nga ai rai nna, ngai na hkrup ai shawng na nsen gaw, hpahtau zawn ngoi nga ai hte, Nang de lung rit, htawm hpang e byin na ra ai lam hte hpe ngai nang hpe madun dan de ga, nga nna ngai hte ga tsun nga ai.

SHINGRAN 4:1 ပူးပေါင်းရင်းမြစ်များ

PRU MAT 1:1

Yaku hte rau Egutu mung de du sa ai shi a shadang sha ni hte tinang a dinghku hte hpawn du sa ai ni gaw,

PRU MAT 19:24

Dai Madu gaw, “Nang yu wa nna nang hte rau Arun hpe woi lung wa rit. Rai ti mung, hkinjawng ni hte amyu masha ni chyawm gaw dai jarit lai nna ngai kaw lung lu na ma ai n rai; shing n rai jang, ngai shanhte hpe ari jaw na we ai,” ngu nna ga htang wu ai.

PRU MAT 24:12

Dai Madu gaw Mawshe hpe, “Ngai nga ai bum de lung wa rit; ndai yang e nang nga nga ai shaloi, amyu masha ni hpe sharin achyin ya lu na matu, ngai ka da ai tara ni yawng lawm ai lungpa lahkawng ngai nang hpe jaw dat na we ai,” ngu nna tsun wu ai.

GA SHAGAWP 25:7

Na a dung shara hpe grau ahkyak ai marai langai ngai a lata de ap ya na matu, shadut hkrum ai hta, grau tsaw ai madang de lung wa na matu, tsun hkrum ai gaw grau nna kaja nga ai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

MAHTE 3:16

Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

MARKU 1:10

Shaloi jang dai hka hta na pru lung wa yang, sumsing lamu hpaw malang wa nna dai Wenyi gaw hkrudu langai mi zawn shi a ntsa e yu hkrat wa ai hpe shi mu wu ai.

LUKA 3:21

Masha yawng hkalup hkam la ngut ai hpang, Yesu mung hkalup hkam la nhtawm, akyu hpyi nga yang, lamu hpaw malang wa nna,

YAWHAN 16:13

Rai ti mung Karai Kasang hte seng ai teng man ai lam hpe shadan dan ai Wenyi du sa jang, nanhte hpe dai teng man ai lam yawng mayawng hpe hpaw madun dan na ra ai. Dai Wenyi gaw shi a myit hte maren tsun na ra ai n rai, shi na la lu ai made tsun dan na ra ai; htawm hpang de byin na ra ai lam ni hpe mung, shi nanhte hpe tsun dan na ra ai.

KASA 10:11

Shi gaw sumsing lamu hpaw malang wa nna hpajawng kaba zawn re ai jut de jum nna ga de shayu dat ai arai lama mi hpe mu wu ai.

KASA 7:56

Dai shaloi Stehpan gaw “Yu mu! Ngai gaw sumsing lamu hpaw malang nga ai hpe mung, Karai Kasang a hkra maga dai Masha Kasha tsap nga ai hpe mung, ngai mu se ai,” ngu nna tsun mu ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, ngai gaw pahtau nsen hte bung ai nsen kaba langai mi nye a shingdu maga de nna shaga ai hpe na lu nngai.

SHINGRAN 1:12

Shing rai ngai hpe shaga nga ai wa gaw kadai wa rai nga ai kun? ngu mu lu na matu ngai kayin yu dat yang, ngai gaw ja pyengdin sanit hte,

SHINGRAN 1:19

Dai re ai majaw, nang mu lu sai lam ni hpe mung, ya nga nga ai lam ni hpe mung, htawm hpang e byin wa na ra ai lam ni hpe mung, ka da u.

SHINGRAN 11:12

Dai hpang myihtoi yan gaw, “Nang de lung wa marit,” nga nna lamu de na shaga ai nsen kaba langai mi na mu ai; shan a hpyen ni sin yu nga yang, sumsing lamu de sumwi jawn nna lung mat wa ma ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 16:17

Dai hpang sanit ngu na lamu kasa gaw, shi a sindawng kahtet ai hte hpring ai gawm hpe nbung hta ru gat bun dat wu ai. Shaloi, “Amu ngut mat sai!,” nga nna nawku htingnu kata na nsen kaba pru wa ai.

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 22:6

Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”