SHINGRAN 3:19 - Jinghpaw Common Language Bible 2009

¹⁹ Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.

Jinghpaw Hanson Version Bible

¹⁹ Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.

SHINGRAN 3:19 ပူးပေါင်းရင်းမြစ်များ

2 SAMUELA 7:14

Ngai gaw shi a kawa tai nna shi gaw nye a kasha rai na ra ai. Shi shut hpyit ai amu galaw yang, kawa gaw kasha hpe ari jaw ai zawn shi hpe ngai ari jaw na we ai.

YOBA 5:17

Karai Kasang e shading sharai hkrum ai wa gaw a nga ai! Shi nang hpe daru sharin yang, masin hkum pawt et.

SHAKAWN KUNGDAWN 39:11

Na a daru sharin ai lam ni hte, masha a yubak hpe nang ari jaw nga ndai; dai wa tsaw ra ai arai hpe manut e, jahten kau ai zawn nang jahten kau nga ndai. Kaja wa, masha langai mi gaw nsa sa lai nbung langai mi hta grau nga ai n rai!

SHAKAWN KUNGDAWN 6:1

Madu e, masin pawt ai hte ngai hpe hkum daru et! Na masin kahtet ai hte ngai hpe ari hkum jaw et!

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

SHAKAWN KUNGDAWN 94:10

Shi gaw amyu baw ni hpe daru sharin nga ai- shi anhte hpe ari n jaw na rai wu ni? Shi gaw shinggyim masha ni yawng a sharin sara rai nga ai-shi hpaji n rawng nga a ni?

GA SHAGAWP 15:10

Shut hpyit ai amu hpe nang galaw ai rai yang, laja lana re ai ari nang hkrum sha na ndai; nang hkum nan shading sharai n hkam ai rai yang, si na rin dai.

GA SHAGAWP 15:32

Sharin achyin ai ga hpe nang lale kau ai rai yang, dai gaw na hkum hpe machyi jahkrum nga ndai; shading sharai ai ga hpe nang hkap la ai rai yang chyawm gaw, hpaji grau rawng ai masha nang tai wa na rin dai.

GA SHAGAWP 22:15

Ma ni gaw shingra maka hte maren, shanhte n grin n grang ndum ndam sadi sahka n nga ai amu hpe galaw nga ma ai; shingna hte kayat sharin ai gaw shanhte hpe kaja ai arawn alai hta hkan sa shangun nga ai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

YEREMIA 10:24

Madu e, na a amyu masha ni hpe shading sharai u, rai ti mung, anhte a ntsa e laja lana sharin ai hku n rai u ga; nang pawt sindawng ai shaloi anhte hpe ari hkum jaw mi; dai gaw anhte a hpang jahtum tai na ra ai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 30:11

Ngai gaw nanhte kaw du sa nna hkye la na nngai. Ngai gaw nanhte hpe shabra kau dat ai shara na masha amyu baw ni yawng hpe shamyit kau na nngai, rai ti mung, ngai gaw nanhte hpe shamyit kau na nngai n rai. Ngai gaw nanhte hpe ari n jahkrum ai sha dat dat na n rai; rai ti mung ngai nanhte hpe ari jaw ai shaloi, matsan dum la na nngai. Dai Madu ngai nan tsun ni ai.”

YEREMIA 31:18

“Ngai gaw Israela a amyu masha ni tsun ai yawn hkyen nsen hpe na nngai, Shanhte gaw, ‘Madu e, anhte gaw zai ai dusat zawn rai mat saga ai, rai ti mung, nang gaw anhte hpe madat mara na matu sharin ya nga nit dai. Anhte hpe woi nhtang wa mi; anhte gaw dai Madu anhte a Karai Kasang hpang de nhtang wa na matu jin jin rai nga saga ai.

YEREMIA 7:28

Shanhte a amyu baw gaw dai Madu shanhte a Karai Kasang ngu ai nye a ga hpe n madat, shanhte hpe jaw ai ari kaw na hpa mung n sharin la ngu nna nang shanhte hpe tsun na rai ndai. Kangka ai gaw si mat sai, de a lam loi mi pyi tsun na n rai sai.

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.

MAHTE 25:7

Shaloi jang dai mahkawn shi rawt nna tinang a pyengdin lajang shachyi ma ai.

YAWHAN 2:17

Dai shaloi shi a sape ni gaw, “Na a nta hta manoi ai nye a n ja n hpra myit gaw, nye a kraw lawang kata e wan zawn hkru nga ai,” nga nna ka da ai ga hpe dum ma ai.

ROMA 12:11

Lagawn lamawn n re ai sha magam bungli hpe n-gun lapyin dat let shakut shaja galaw nga mu. Tup hkrak maju jung ai myit masin hte dai Madu a bungli hpe agalaw nga mu.

1 KORINHTU 11:32

Rai ti mung, anhte hpe ndai zawn Karai Kasang e jeyang daw dan nna ari jaw ai lam gaw, anhte hpe mungkan masha ni hte rau daw dan n hkrum shangun na matu sharin shaga ai lam rai nga ai.

2 KORINHTU 6:9

Anhte gaw gade e me n dum n chye ai ni zawn rai ga ti mung kajai gumhkawng ai ni, masha jasi ni zawn rai ga ti mung ya nanhte mu lu ai hte maren, anhte ahkrung nga ga ai. Ari hkrum ga ai rai ti mung, anhte sat kau ai n hkrum ga ai.

2 KORINHTU 7:11

Nanhte a myit yawn hkyen ai hpe Karai Kasang gara hku jai lang ai lam hpe yu yu mu: dai gaw nanhte hpe gade myit rawt sharawng awng shangun ai, nanhte hta mara n kap ai lam madun dan na myit gade katu shangun ai, kaja ai lam shabyin mayu ai majaw grai myit rawt nna masin pawt ai hte myit kajawng kahpra mat ai, myit hta hkam sha nga ai lam ni, nanhte a kam sham maju jung ai lam, mara lu ai wa hpe ari jaw na matu jin jin rai nga ai lam ni gaw lam shagu hta nanhte mara n lu ai, ngu ai hpe madun dan nga manit dai.

GALATI 4:18

Teng man ai yaw shada ai hte myit lawm myit tsang ai lam rai yang gaw kaja nga ai. Ngai nanhte hte nga nga yang sha kaja ai lam hpe myit tsang mai na n rai; galoi rai ti mung kaja ai lam hpe myit tsang nga na mai kaja nga ai.

TARA JAHPRANG 8:5

Kawa gaw shi a kasha ni hpe tara hte sharin shaga ai zawn, dai Madu nanhte a Karai Kasang mung nanhte hpe ari jaw nna shading sharai la manit dai hpe adum nga mu.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

SHINGRAN 2:5

Dai rai nna nang gade daram di hkrat yu mat wa sai lam hpe myit yu u! Na a yubak mara ni kaw na kayin wa nna shawng de na zawn bai hkan sa galaw u. Na a yubak mara ni kaw na bai n kayin wa yang gaw, ngai nang kaw du nna na a pyengdin hpe de a shara na sit kau ya na de ai.