SHINGRAN 3:18 - Jinghpaw Common Language Bible 2009

¹⁸ Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.

Jinghpaw Hanson Version Bible

¹⁸ Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.

SHINGRAN 3:18 ပူးပေါင်းရင်းမြစ်များ

SHAKAWN KUNGDAWN 107:11

Hpa majaw nga yang, shanhte gaw Chyahtum Chyalai n-gun rawng ai Karai Kasang a hkang da ai ga ni hpe gumlau kau nna; shi a sharin shaga ai ga matsun ni hpe mung n hkap la kau ai majaw rai nga ai.

SHAKAWN KUNGDAWN 16:7

Shi ngai hpe lam woi nga ai majaw, Madu hpe ngai shakawn na nngai; shing rai shana e mung nye a htauli htaula myit gaw ngai hpe shadum jahprang nga ai.

SHAKAWN KUNGDAWN 32:8

Dai Madu gaw, “Nang hkawm sa ang ai lam ngai nang hpe sharin ya na nngai, ngai nang hpe hpaji jaw nna sharin matsun na nngai.

SHAKAWN KUNGDAWN 73:24

Na a sharin matsun ai ga hte ngai hpe nang woi lakawn wa nna; nang ngai hpe hpang jahtum na aten hta hpung shingkang hte hkap la na ndai.

GA SHAGAWP 1:25

Nang gaw nye a hpaji jaw ai lam hpe hpa zawn n nawn kau nga ndai, nang hpe shading sharai ai lam hpe mung, nang n ra sharawng nga ndai.

GA SHAGAWP 1:30

Nang hpe ngai shading sharai yu ni ai shaloi, nye a hpaji jaw ai lam hpe nang galoi mung n ra sharawng ndai, hpa zawn n nawn ya nga ndai.

GA SHAGAWP 19:20

Hpaji jaw ai ga hpe madat nna sharin hkam la na matu nang sharawng awng nga n yang gaw, lani mi na aten hta, nang hpaji rawng ai masha tai wa na rin dai.

GA SHAGAWP 23:23

Teng man ai, hpaji byeng-ya sharin achyin ai hte chye chyang ai ni hpe manu jahpu jaw nna mari la ging nga ai rai tim, dai gaw manu nau dan ai majaw dut kau na lahpawt lama kaba rai nga ai.

HPAJI NINGLI 8:2

Hkawhkam wa hkang ai hte maren galaw u; Karai Kasang hpe tin shapun re ai ga sadi hpa mung hkum jaw et.

ESAIA 47:3

Amyu masha ni gaw nang singgu krin rai nga ai hpe mu na mara ai; shanhte gaw nang shagrit kau hkrum ai hte kaya kahpa hkrum sai hpe mu na mara ai. Ngai matai dawk na nngai, kadai mung ngai hpe jahkring lu na n rai,” ngu nna tsun ai.

ESAIA 55:1

Dai Madu gaw, “Hpang gara ai ni e, sa marit- ndai yang e hka nga nga ai! Gumhpraw n lu ai ni e, sa marit- nsi naisi mari nna sha mu! Sa marit, sabyi ntsin hte nga chyu mari lu mu- dai gaw manu jahpu hpa mung n hkrat ra nga ai!

YEREMIA 13:26

Dai Madu gaw shi nan na a hpun palawng hpe raw kau ya nna kaya kahpa hpe shadan shapra da na ra ai.

Daniela 12:2

Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

MIHKA 1:11

Shahpira mare masha ni e, kaya kahpa hte singgu krin rai nna, bawng dung sa wa masu. Zanan mare hta shanu nga ai ni shanhte a mare shinggan de n pru gwi nga ma ai. Betezela mare masha ni a sharung shayawt ai nsen hpe nang na ai shaloi, dai shara hta shingbyi shara n nga ai hpe nang chye na rin dai.

NAHUM 3:5

Chyahtum Chyalai N-gun rawng ai dai Madu gaw, “Ninewe e, ngai nang hpe ari jaw na we ai! Masha amyu ni nang hpe mu la mu ga, na a kaya kahpa mahkra hpe mu la mu ga, nang hpe singgu krin raw sharun da na we ai.

MALAHKI 3:3

Shi gaw gumhpraw janghkam wa zawn jeyang na matu du sa na ra ai. Dai Madu a kasa gaw ja gumhpraw jasan jaseng ai janghkam wa zawn jasan jaseng na ra ai, shing rai shanhte gaw dai Madu hpang de jaw ai shagu hkungga ni la sa na mara ai.

MAHTE 13:44

“Sumsing Lamu a Mungdan gaw, ga dachyawk hta e makoi da nna masha langai mi e mu hkrup ai hte bai makoi da ai sutgan hte bung nga ai. Kabu gara ai myit hte shi wa nhtawm, shi lu malu hte hpe dut kau nna, ga dachyawk dai hpe mari la wu ai.

MAHTE 25:9

Hpaji rawng ai ni mahtang htan nna, ‘Anhte hte nanhte a matu n law nhten: dut ai ni kaw sa nna nanhte a matu mari la na grau mai nga ai,’ ngu mu ai.

LUKA 12:21

“Tinang a matu sutgan mahkawng da nhtawm, Karai Kasang a man e n lu n su ai wa gaw, shing re ai sahti wa hte bung na ra ai,” ngu nna tsun hpungdim wu ai.

2 KORINHTU 5:3

Shing rai dagraw la ngut jang anhte gaw hkum hkrang n lu ai ni tai mat na n rai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

1 TIMOHTI 6:18

Mai kaja ai galaw na matu mung, mai kaja ai bungli ni hta sut su na matu mung, masha kaga ni hpe karan kachyan jaw jahproi ai lam hta mung, n daw n hta jaw ya na matu jin jin rai nga mu ga shanhte hpe sharin shaga nga u.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

1 PETRU 1:7

Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

SHINGRAN 16:15

“Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”

SHINGRAN 19:8

hpraw tu nna san seng ai lachyit hpun nba hte tinang hkum hpe mawn sumli na ahkang shi lu da nu ai.” (Dai lachyit hpun nba gaw, Karai Kasang a masha ni a kaja ai arawn alai, amu bungli hpe ngu ai rai nga ai.)

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 3:17

Nang gaw, ‘Ngai sut su nga nngai, ngai hta sut ring gan chying sali ai; ngai hta ra ai lam yawng ngai lu se ai,’ nga nna tsun nga ndai. Rai ti mung nang gaw, gade wa tsin-yam tsindam hte chyaren karen ai wa, matsan mayan myi kyaw ai hte singgu krin re ai wa nang rai nga ndai hpe nang n chye nga n hka!

SHINGRAN 4:4

Dai tingnyang a grup yin e, tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, ja janmau ni gup ai salang hkun mali grup rai dung nga ma ai.

SHINGRAN 7:13

Shaloi salang ni hta na langai mi gaw, “Ndai hpun palawng ahpraw bu hpun ai masha ni gaw kadai ni rai nga ma ta? Kanang nna pru wa ai ni rai ma ta?,” nga nna ngai hpe san ai.