SHINGRAN 3:17 - Jinghpaw Common Language Bible 2009

¹⁷ Nang gaw, ‘Ngai sut su nga nngai, ngai hta sut ring gan chying sali ai; ngai hta ra ai lam yawng ngai lu se ai,’ nga nna tsun nga ndai. Rai ti mung nang gaw, gade wa tsin-yam tsindam hte chyaren karen ai wa, matsan mayan myi kyaw ai hte singgu krin re ai wa nang rai nga ndai hpe nang n chye nga n hka!

Jinghpaw Hanson Version Bible

¹⁷ Kaning rai nme law, Ngai gaw sut su nga nngai, ngai hta sut ring gan chying sali ai, ngai hpa n ra ni ai, nga ninglen, tsin-yam tsindam hkrum ai wa, chyaren garen ai wa, matsan mayan, myi kyaw ai hte singgu krin re ai wa, nang rai nga ndai hpe, nang n chye n hka!

SHINGRAN 3:17 ပူးပေါင်းရင်းမြစ်များ

NINGPAWT NINGHPANG 3:7

Dai asi hpe shan sha ngut ai shaloi jang, chye na hkawn hkrang ai hpaji shan lu la nna, shan singgu krin rai nga ma ai hpe dum chye ma ai; dai majaw shan gaw lakum lap ni hpe chywi matut nna tinang hkum ni hpe magap da ma ai.

PRU MAT 32:35

Shing rai, dai Madu gaw amyu masha ni ntsa ana ahkya dat dat wu ai, hpa majaw nga yang, shanhte gaw Arun hpe dumsu usu kasha galaw shangun kau nga ma ai.

GA SHAGAWP 13:7

Masha nkau mi gaw sut su ai wa zawn zawn rai nga ma ti mung, shanhte hpa n lu nga ma ai; masha nkau mi matsan ai wa zawn zawn rai nga ma ti mung, sali wunli law law hpe madu tawn lu ma ai.

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

ESAIA 42:19

Nye a shangun ma wa hta jan nna grau myi kyaw ai wa nga nga a ni? Ngai shangun dat ai dat kasa wa hta grau na lahpang ai wa nga nga a ni?

YEREMIA 2:31

Israela amyu masha ni e, ngai tsun nga ai ga madat mu. Ngai gaw na a matu zaibru jang zawn, nsin zawn hte hkrit hpa lamu ga langai zawn tai yu nga a ni? Dai re ai mi, nang ra sharawng ai hku nang galaw nna, ngai hpang de galoi mung n wa na nga nna hpa majaw tsun n ta?

HOSEA 12:8

Shanhte gaw, ‘Anhte lu su ai ni rai ga ai; anhte gaw ngamu ngamai hkra galaw saga ai. Kadai mung anhte hpe n teng n man ai hku sut su nga ai nga nna mara shagun lu nga ma ai n rai,’ ngu nna tsun ma ai.

ZEHKARIA 11:5

Madu ni gaw dai ni hpe sat ti mung ari hkrum na mara ai n rai. Shanhte gaw dai shan dut nhtawm, ‘Dai Madu hpe shakawn kungdawn mu! Anhte sut su saga ai!,’ ngu nna tsun ma ai. Tinang a sagu rem ai ni pyi shanhte hpe matsan dum nga ma ai n rai,” ngu nna tsun wu ai.

MAHTE 5:3

“Wenyi hta matsan mayan rai nga ai hpe dum chye ai masha ni gaw a lu ma ai, hpa majaw nga yang, sumsing lamu a mungdan gaw shanhte a mungdan rai nga malu ai!

MAHTE 9:12

Shi gaw dai ga na jang, “Hkam kaja ai ni tsi sara n ra ma ai; machyi ai ni sha ra ma ai.

LUKA 1:53

Kawsi hkrum ai ni hpe kaja ai hte jahkru shakat nna, sut su ai ni hpe kaman dat dat nu ai.

LUKA 6:24

“Rai ti mung, sut su ai ni nanhte gaw hkrithpa dingnye lu myit dai: hpa majaw nga yang nanhte gaw ndai prat hta grai pyaw ai hku nga lu manit dai!

ROMA 11:20

Dai nanhte tsun ai hte maren teng nga ai. Shanhte n kam n sham ai majaw gyi kau ai hkrum ma ai; nanhte chyawm gaw Madu hpe kam sham ai majaw tsanlun hpun hta shara la lu myit dai. Rai ti mung, nanhte gaw dai lam a majaw gumrawng gumtawng rai na malai hkrit kang nga mu.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

ROMA 7:24

Chyum sha hkrum ai ngai wa e! Ndai si shangun ai hkum hkrang hta na, ngai hpe kadai wa mawai la na law e?

2 PETRU 1:9

Rai ti mung dai atsam ni hpe n lu la ai ni kadai mung tsan tsan n mu mada ai, myi n mu ai wa rai nna shi a lai wa sai yubak mara ni kaw nna jasan jaseng la hkrum sai lam hpe nan malap mali di kau nu ai.

SHINGRAN 16:15

“Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 3:16

Rai ti mung, ya gaw nang kahtet ai mung n rai, katsi ai mung n rai, lum nai rai nga ndai majaw, nye a n gup hta na ngai nang hpe nhpat kau magang sade ai!