SHINGRAN 3:14 - Jinghpaw Common Language Bible 2009

¹⁴ “Ladoki mare na hpung a lamu kasa hpe ning ngu ka dat u: “Ndai gaw kangka ai hte teng man ai sakse wa, Karai Kasang hpan tawn da ai yawng mayawng a npawt, Amen ngu ai wa kaw na mungga rai nga ai.

Jinghpaw Hanson Version Bible

¹⁴ Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai:

SHINGRAN 3:14 ပူးပေါင်းရင်းမြစ်များ

NINGPAWT NINGHPANG 49:3

“Nye a kasha alat Rubin e, nang gaw nye a n-gun hte Nye a ram prat na ma ningshawng rai nna, Nye a shadang sha ni yawng hta arawng kaba htum ai hte n-gun ja htum ai wa rai nga ndai.

GA SHAGAWP 14:5

Kam ging ai sakse wa gaw teng man ai lam hpe tut nawng e tsun nga ai; rai ti mung, n kam lu ai sakse wa chyawm gaw masu magaw hta lai nna hpa mung n tsun nga ai.

GA SHAGAWP 8:22

Dai Madu gaw ngai hpe nga yawng danghta yawng a shawng e hpan da ni ai hte, moi chyaloi nhkoi na, shi galaw ai amu ni a shawng nnan na rai nga ai.

ESAIA 55:4

Ngai gaw shi hpe ningbaw hte masha amyu baw ni a hpyen du tai shangun ni ai, shi hku nna, ngai shanhte hpe nye a daru magam n-gun madun dan ni ai.

ESAIA 65:16

Ndai mung hta nga nna shaman chyeju hpyi ai wa kadai mung teng man ai Karai Kasang hta hpa nna shaman chyeju hkam la na matu hpyi na ra ai. Dagam ai wa kadai mung teng man ai Karai Kasang a mying nsang hta dagam na ra ai. Lai sai aten na tsin-yam tsindam ni gaw lai mat wa nna malap kau na mara ai.”

YEREMIA 42:5

Dai hpang, shanhte gaw ngai hpe, “Anhte a matu ngu nna dai Madu anhte a Karai Kasang nang hpe htet da ai hkang da ai lam yawng mayawng hte hpe anhte n madat n mara ai rai yang, dai Madu gaw anhte hta teng man ai hte kangka ai sakse tai nga u ga.

YAWHAN 1:3

Karai Kasang gaw dai Mungga hku nna arai yawng mayawng hpe hpan da nu ai. Hpan da ai arai yawng mayawng hta dai Mungga n lawm ai tai wa ai gaw langai mi mung n nga ai.

YAWHAN 8:14

Shaloi Yesu gaw, “Ngai gaw tinang a lam tinang dai sakse hkam nga ti mung, nye a sakse teng nga li ai; hpa majaw nga yang, ngai kanang nna pru sa nna, gade rai wa na mung ngai chye nngai. Nanhte chyawm gaw, ngai kanang na pru sa nna, gade rai na mung n chye myit dai.

2 KORINHTU 1:20

Shi gaw Karai Kasang a ga ndat ni yawng a matu “Re ai” ngu ai mahtai rai nga ai. Dai rai nna anhte gaw Karai Kasang a hpung shingkang dan hkung shangun na matu Yesu Hkristu hta “Amen” ngu ga ai.

TARA JAHPRANG 21:17

Shi tsaw ra ai madu jan a kasha n rai nga ti mung, shawng na shi a shadang sha alat hpe mahtang tara shang kasha rai nga ai majaw shi hpe sali wunli htam lahkawng jaw nhtawm kasha alat hku yin la lu na rai wu ai.

KOLOSE 1:15

Hkristu gaw myi hte n mu lu ai Karai Kasang hpe madun ai myi hte mu lu ai hkrang bung sumla rai nga ai. Shi gaw Kasha alat rai nna hpan da ai arai yawng mayawng hta ningtawn ai wa rai nga ai.

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

KOLOSE 2:1

Ngai gaw nanhte a matu mung, Ladoki masha ni a matu mung, ngai hpe myi man chyaw n mu yu ai kaga masha ni yawng hte a matu mung, ngai gade wa galaw gun hpai shakut shaja sa wa ai lam nanhte hpe ngai tsun dan made ga.

KOLOSE 4:16

Ndai shagun dat ai laika hpe nanhte hti ngut jang, Ladoki hpung masha ni hpe mung hti shangun mu. Dai hte maren Ladoki hpung ni kaw nna bai shalai shagun dat na ra ai nye a laika hpe mung nanhte hti yu mu.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 2:1

“Ehpesu mare hpung a lamu kasa hpang de ning ngu ka dat u: “Da ndai gaw, Hkra lata hta shagan sanit lang da nna, ja pyengdin sanit a ka-ang e lam hkawm ai wa kaw na mungga rai nga ai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 22:13

Ngai gaw Alhpa hte Omega, npawt nhpang mung, hpang jahtum mung rai nga nngai.”

SHINGRAN 22:6

Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.