SHINGRAN 3:10 - Jinghpaw Common Language Bible 2009

¹⁰ Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

Jinghpaw Hanson Version Bible

¹⁰ Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.

SHINGRAN 3:10 ပူးပေါင်းရင်းမြစ်များ

ESAIA 24:17

Masha yawng hte e, nye a ga madat mu! Hkrit kajawng lam ni, nhkun ni hte mahkam ni gaw nang hpe ala nga ai.

Daniela 12:10

Masha law law mung san seng wa na mara ai. N hkru ai ni chye na hkawn hkrang na ma ai n rai, rai ti mung n hkru ai hku sha hkan na mara ai; hpaji rawng ai ni chyu sha chye na hkawn hkrang wa na mara ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

MAHTE 24:14

Dai mungdan a Kabu Gara Shiga a lam hpe, masha amyu baw shagu a matu mara sakse tai u ga, mungkan ting hta e hkaw dan lu na rai nga ai; dai hpang e jahtum nhtoi gaw du na ra ai.

MAHTE 26:41

Agung alau ai n hkrum myit ga, maja nga ai hte akyu hpyi nga mu; Wenyi gaw teng man ai Karai Kasang a myit ra ai hku galaw mayu nga ai, hkum shan mahtang n-gun kya nga ai,” ngu mu ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

MARKU 14:9

Ngai nanhte hpe teng teng tsun made ai gaw, dai Kabu Gara Shiga hpe mungkan ting hkaw tsun ai shara shagu hta e, shi hpe dum na matu ya shi galaw ai amu hpe hkai dan na maru ai,” ngu nna tsun mu ai.

LUKA 2:1

Dai ten e, Roma mungdan ting hta nga ai masha jahpan hta la na matu, Roma hkawseng Augustu kaw nna mungga shapraw dat wu ai.

YAWHAN 17:6

Ndai mungkan ga na nang ngai hpe ap ya da ai masha ni hpe ngai chye na shangun sai. Nang shanhte hpe madu da nga ndai rai nna shanhte hpe ngai e jaw nit dai, shing rai shanhte mung na mungga hpe madat mara hkan shatup masai.

ROMA 1:8

Nanhte a kam sham ai gaw mungkan ting chyam hkra kajai gumhkawng wa sai majaw Yesu Hkristu a jaw e nanhte mahkra a matu mara, nye a Karai Kasang hpe ngai shawng chyeju dum shakawn kungdawn nngai.

1 KORINHTU 10:13

Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.

EHPESU 6:13

Dai re ai majaw, Karai Kasang a hpyen hking nlang hte hpe ya jang bu hpun dagraw da nga mu. Shing rai jang she n hkru n hkra ai hte ruyak ai nhtoi du ai shaloi nanhte gaw hpyen wa a gasat gala ai lam ni hpe hkap manga kau lu na myit dai. Jahtum du hkra gasat shangut ai hpang e mung, nanhte ngang ngang kang kang lahpran tsap nga lu na marin dai.

2 TIMOHTI 2:12

Anhte matut nna hkam sharang nga ga yang gaw, anhte shi hte rau mung up nga lu na raga ai. Anhte shi hpe ningdang kau ga yang gaw, shi mung anhte hpe ningdang kau na ra ai.

YAKU 3:12

Nye a hpu nau ni e, maihpang hpun hta tsanlun si, sabyi ru hta maihpang si n si lu nga ai; dai hte maren jum shum ai hka hpawk kaw nna mu ai ntsin hpe n shapraw lu nga ai.

1 PETRU 4:12

Tsaw ra ai ni e, nanhte hta shawoi n byin yu ai baw zawn byin nga ai nanhte hkrum sha nga ai machyi la ai chyam dinglik ai lam hpe hkum mau nga myit.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

SHINGRAN 13:10

Rim la ai hkrum na wa gaw rim la ai teng teng hkrum na ra ai; nhtu hte sat ai wa mung, nhtu hte si na ra ai. Ndai lam a majaw, Karai Kasang a masha ni gaw hkam sharang ai hte makam masham rawng na mara ai.”

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 14:12

Karai Kasang a hkang da ai ga ni hpe hkan shatup nna, Hkristu hta kangka sadi dung ai ni ngu ai Karai Kasang a masha ni gaw, ndai lam hta hkam sharang ai lam nga ra nga ai.

SHINGRAN 14:6

Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.

SHINGRAN 16:14

Shanhte gaw lamik kumla ni hpe madun dan lu ai nat ni a numla ni rai nga ma ai. Dai nat masum gaw, jahtum chyalai n-gun atsam rawng ai Karai Kasang a nhtoi kaba ngu ai tara jeyang ai shani majan gasat na matu, mungkan ting na hkawhkam ni hpe jahpawng la na pru sa wa ma ai.

SHINGRAN 17:2

Ga ntsa na hkawhkam ni gaw shi hte hpye ai amu galaw nna, mungkan ga na masha ni gaw, shi a hpye ai amu ngu ai sabyi ntsin hte nang ma masai,” nga nna ngai hpe tsun ai.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 3:8

Nang galaw nga ai amu hpe ngai chye nngai. Nang n-gun atsam loi mi sha rawng ti mung, nye a sharin shaga ai ga hpe nang hkan nang nna, nye a ntsa e sadi dung nit dai hpe ngai chye nga nngai. Na a man e kadai mung n la da lu ai chyinghka langai mi ngai hpaw malang da se ai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.

SHINGRAN 8:13

Dai hpang, ngai yu dat yang, lamu a ka-ang hpatwat e pyen yawn nga ai galang langai mi gaw, “Hkrit hpa dingnye! Hkrit hpa dingnye! Kaga lamu kasa masum dum dat na ra ai pahtau nsen ngoi pru ai shaloi, dinghta ga e nga ai ni yawng a matu, gade hkrithpa dingnye rai na rai hka!,” nga nna nsen kaba hte jahtau nga ai gaw, ngai na nngai.