SHINGRAN 22:6 - Jinghpaw Common Language Bible 2009

⁶ Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”

Jinghpaw Hanson Version Bible

⁶ Bai shi gaw, “Ndai ga gaw kangka re ai ga, tengman ai ga rai nga ai: myihtoi ni a wenyi ni hpe up ai Madu Karai Kasang gaw, ahkying ladaw gade n na yang byin wa na ra ai lam ni hpe, shi a shangun ma ni kaw madun dan na matu, shi a lamu Kasa shangun dat nu ai.”

SHINGRAN 22:6 ပူးပေါင်းရင်းမြစ်များ

NINGPAWT NINGHPANG 41:32

Nang mu kahtap ai yup mang a lachyum gaw dai amu hpe Karai Kasang shagrin shangang nna dai hpe du na ra ai kade n na ai aten hta shi shabyin dat na ra ai lam rai nga ai.

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

MAHTE 13:41

Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

LUKA 1:70

Chyaloi nhkoi kaw nna shi a chyoi pra ai myihtoi ni a n-gup hte ga sadi jaw da sai hte maren,

LUKA 16:16

“Mawshe a jep ai Tara hte myihtoi ni a laika ni gaw Hkalup Sara Yawhan a lakhtak du hkra ngang kang ai hte grin nga ai. Dai kaw nna gaw Karai Kasang a Mungdan a Kabu Gara Shiga ni hpe hkaw tsun nga ai rai nna, masha shagu gaw Karai Kasang a Mungdan hta anin katut shang wa ma ai.

KASA 12:11

Ya Petru gaw shi hta hpa baw byin wa sai lam myit dum arai la lu jang, “Madu gaw shi a Lamu kasa hpe shangun dat nna Herod a lata na mung Yuda masha ni ngai hpe katut sha shangun na myit mada nga ma ai kaw na mung, ngai hpe shaw mawai la sai teng nga ai gaw ya ngai chye se ai,” nga nna tsun ai.

KASA 3:18

Karai Kasang gaw shi a Meshia nni nkri hkrum na ra ai lam, moi shawng shawng kaw nna myihtoi ni yawng a n-gup hte tau tsun tawn nu ai rai nna, dai lam ni ndai hku nna dik wa shangun nu ai.

ROMA 1:2

Moi shawng de Karai Kasang gaw shi a myihtoi ni a n-gup hte dai Kabu Gara Shiga jaw ya na nga nna ga ndat jaw da sai lam dai Chyoi Pra ai Chyum Laika ni hta ka da nga ai.

1 KORINHTU 14:32

Myihtoi shingran ga hpe hkaw tsun lu ai chyeju kumhpa hpe jai lang ai hta, hkaw tsun ai mungga gaw hkaw tsun ai wa hkang ai a npu e rai ra nga ai.

1 KORINHTU 7:29

Bai, hpu nau ni e, ngai ngu mayu ai gaw ndai hku rai nga ai: ahkying ladaw law law n nga sai, ya kaw nna hkungran sai la ni gaw, n hkungran ai la ni zawn nga manu ga.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.

2 PETRU 3:2

Chyoi pra ai myihtoi ni moi shawng de tsun dan ai ga hpe mung, nanhte a kasa ni a lata hku nna hkye hkrang la ai Madu hkang da ai ga ni hpe mung ngai nanhte hpe bai myit dum shangun mayu nga nngai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 19:9

Dai hpang lamu kasa gaw, “Dai Sagu Kasha a hkungran poi de shaga da hkrum ai ni gaw a lu ma ai, ngu nna ka da u,” nga nna mung, “Ndai ga gaw Karai Kasang a teng man ai mungga ni rai nga ai,” nga nna mung ngai hpe tsun ai.

SHINGRAN 21:5

Dai hpang, tingnyang hta dung nga ai wa gaw, “Yu u, ya aten hta arai yawng mayawng hpe ngai ningnan bai gaw da nngai,” nga nna tsun ai. Bai dai Madu gaw, “Ndai ka da u, hpa majaw nga yang, ndai ga ni gaw teng man ai ga, kam lu ai ga rai nga ai,” nga nna tsun ai.

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.

SHINGRAN 22:7

Madu Yesu gaw, “Madat u! Ngai alawan du na ring ngai! Ndai laika hta rawng ai myihtoi ga ni hpe madat mara hkan sa ai wa gaw a lu ai!,” nga nna ngai hpe tsun ai.

SHINGRAN 4:1

Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.