SHINGRAN 22:4 - Jinghpaw Common Language Bible 2009

⁴ Shanhte gaw, shi myi man hpe ayu mada nga lu na mara ai rai nna, shanhte a lahtan ni hta shi a mying nsang ka kap da na ra ai.

Jinghpaw Hanson Version Bible

⁴ shanhte gaw shi a myi man hpe ayu nga lu na mara ai rai nna, shanhte a lahtan ni hta shi a amying nsang kap na ra ai.

SHINGRAN 22:4 ပူးပေါင်းရင်းမြစ်များ

YOBA 33:26

Shanhte akyu hpyi yang Karai Kasang htan ya na ra ai; shanhte gaw Karai Kasang hpe kabu gara ai hte nawku na mara ai; Karai Kasang gaw shanhte a matu kaja ai arung arai ni hpe bai lajang tawn da ya na ra ai.

SHAKAWN KUNGDAWN 17:15

Rai ti mung, ngai chyawm gaw shut hpyit ai amu hpa mung n galaw kau nga nngai majaw ngai nang hpe mu lu na ring ngai hte, ngai yup hprang wa ai shaloi, na a hpung shingkang gaw kabu gara ai hte ngai hpe jahpring ya na ra ai.

SHAKAWN KUNGDAWN 4:6

“Madu e, anhte hpe chyeju grau nna jaw ya mi; matsan dum ai myit hte anhte hpe mada mara ya mi,” nga nna masha law law wa akyu hpyi nga ma ai.

SHAKAWN KUNGDAWN 42:2

Ahkrung nga ai Karai Kasang e, ngai nang hpe shagroi gara nga nngai; ngai gaw na a man e, galoi wa mi she, sa wa lu nna, nawku daw jau lu na rai nga a ta?

ESAIA 33:17

Nang gaw mungkan jut shara shagu de dep nang nga ai mungdan langai a ntsa hpung shingkang hte up hkang nga ai hkawhkam langai hpe kalang mi bai mu lu na rin dai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 40:5

Dai hpang dai Madu a hpung shingkang gaw dan dawng wa nna, amyu masha ni yawng dai hpe mu na mara ai. Dai Madu gaw shi nan ndai amu hpe ga sadi jaw nu ai,” ngu nna ja ja jahtau tsun nga ai.

EZEKELA 33:23

Dai Madu gaw ngai hpe ga shaga wu ai.

MAHTE 5:8

“Myit masin san seng ai ni gaw a lu ma ai; hpa majaw nga yang, shanhte gaw Karai Kasang hpe mu lu na maru ai!

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.

SHINGRAN 14:1

Dai hpang ngai yu dat yang, Ziun bum ntsa e dai Sagu Kasha tsap nga ai hpe ngai mu nngai. Shi a mying hte shi a Kawa a mying hpe shanhte a lahtan ni hta shakap da ai masha 144,000 hte gaw Sagu Kasha hte rau rai nga ma ai.

SHINGRAN 3:12

Awng padang lu ai wa hpe nye a Karai Kasang a nawku htingnu hta dawhpum dawnu langai mi ngai shatai na we ai: shi galoi mung dai kaw na shinggan de pru na n rai. Nye a Karai Kasang a mying nsang hpe mung, nye a Karai Kasang kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare a mying hpe mung, ngai hkum nan a amying nnan hpe mung, dai wa a ntsa e ngai ka shakap ya na we ai.

SHINGRAN 7:3

“Anhte a Karai Kasang a shangun ma ni a lahtan ni hta e dazik masat garai n shakap kap gaw, aga hpe mung, panglai hpe mung, hpun ni hpe mung, garai hkum zingri myit,” nga nna nsen kaba hte jahtau tsun wu ai.