SHINGRAN 22:3 - Jinghpaw Common Language Bible 2009

³ Karai Kasang a dagam dala hkrum ai ngu ai hpa mung htawm hpang de dai mare hta nga sana n rai. Karai Kasang hte Sagu Kasha a tingnyang gaw, dai mare kata hta nga nga na ra ai rai nna, shi a shangun ma ni shi hpe nawku daw jau na mara ai.

Jinghpaw Hanson Version Bible

³ Dagam dala ngu ai hpa mung htawm hpang n nga na ra ai; Karai Kasang hte Sagu Kasha a tingnyang gaw, dai mare kata e anga nga na ra ai rai nna, shi a shangun ma ni shi hpe daw jau na mara ai:

SHINGRAN 22:3 ပူးပေါင်းရင်းမြစ်များ

SHAKAWN KUNGDAWN 16:11

Nang gaw ngai hpe asak hkrung ai lam de woi sa ai lam madun dan na rai ndai; na hpung shingkang gaw ngai hpe kabu gara ai myit hte jahpring ya nna, sharawng awng ai lam htani htana jaw ya nga ai.

SHAKAWN KUNGDAWN 17:15

Rai ti mung, ngai chyawm gaw shut hpyit ai amu hpa mung n galaw kau nga nngai majaw ngai nang hpe mu lu na ring ngai hte, ngai yup hprang wa ai shaloi, na a hpung shingkang gaw kabu gara ai hte ngai hpe jahpring ya na ra ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 51:11

Nang hkye mawai da sai ni gaw Yerusalem de kabu gara ai hte du dep nna, mahkawn mangoi ai hte kabu gara jahtau garu na mara ai. Shanhte gaw htani htana kabu gara ai hte yawn hkyen ai hte madai sharung ai kaw na htani htana lawt lu na mara ai.

EZEKELA 37:27

Ngai gaw dai yang e, shanhte hte rau anga nga nna, ngai gaw shanhte a Karai Kasang, shanhte gaw nye a amyu masha ni tai na mara ai.

EZEKELA 48:35

Man maga mali grup ngu na mare bunghku hpe shadawn yang, yawng hkra pe 30,240 rai nga ai. Dai shani kaw nna dai mare a mying hpe, “Dai Madu Gaw Ndai Shara E Anga Nga Ai,” ngu nna shamying na mara ai.

ZEHKARIA 14:11

Amyu masha ni gaw dai yang e shim lum ai hte nga lu nhtawm htawm hpang de jahten shaza ai hte jahkrit shama ai gaw galoi mung hkrum sha sana ra ai n rai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

YAWHAN 12:26

Nye a amu hpe gun hpai mayu ai kadai mung, ngai kaw hkan nang lu na rai nna, ngai nga ai shara e nye a shangun ma mung nga na ra ai, nye Wa gaw nye a amu gun hpai ai wa kadai hpe mung shagrau na ra ai,” ngu tsun wu ai.

YAWHAN 13:32

Karai Kasang gaw dai Masha Kasha hku nna hpung shingkang dan hkung ai rai yang gaw, Karai Kasang shi hkum nan, Masha Kasha hpe hpung shingkang dan hkung shangun na wu ai, shaloi jang dan hkung shangun na wu ai.

YAWHAN 14:3

Shing rai ngai wa nna, nanhte a matu nga shara lajang da nhtawm, ngai nga ai shara e, nanhte mung nga lu hkra, ngai bai sa nna nanhte hpe ngai hpang de woi la na made ai.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

TARA JAHPRANG 27:26

“ ‘Karai Kasang a tara hte sharin shaga ai ga ni yawng hpe n hkan shatup ai wa kadai mung Karai Kasang jaw ai dagam dala hkrum u ga law.’ “Shaloi, amyu masha ni yawng gaw, ‘Amen!,’ ngu nna htan na mara ai.

SHINGRAN 7:10

Shanhte gaw nsen kaba hte, “Hkye hkrang la ai lam gaw, tingnyang hta dung nga ai anhte a Karai Kasang hte Sagu Kasha kaw na rai nga ai law!,” nga nna jahtau ma ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.