SHINGRAN 22:21 - Jinghpaw Common Language Bible 2009

²¹ Madu Yesu Hkristu a chyeju gaw, Karai Kasang a masha ni hte rau anga nga u ga law! Amen!

Jinghpaw Hanson Version Bible

²¹ Madu Yesu Hkristu a chyeju gaw, chyoi pra ai ni hte rau anga nga u ga law. Amen.

SHINGRAN 22:21 ပူးပေါင်းရင်းမြစ်များ

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

ROMA 16:23

Ngai hpe galaw daw ai hta n ga, shi nta hta Hkristan hpung masha yawng nawku zuphpawng galaw ai nta madu wa Geu mung nanhte hpe shakram dat ai. Mare na gumhpraw dum up ai sutsin wa Erastu hte Hpu nau Kuarta yan mung nanhte hpe shakram dat ma ai.

2 HTESALONI 3:18

Anhte a Madu Yesu Hkristu a chyeju gaw nanhte yawng hte rau anga nga u ga law.

SHINGRAN 1:2

Yawhan mung shi mu ai lam yawng hpe tsun dan wu ai rai nna, da ndai gaw, Madu Yesu shapraw shadan dan ai Karai Kasang kaw na mungga hte teng man ai lam hte seng nna Yawhan a shana dan ai lam rai nga ai.

SHINGRAN 1:4

Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,

SHINGRAN 22:7

Madu Yesu gaw, “Madat u! Ngai alawan du na ring ngai! Ndai laika hta rawng ai myihtoi ga ni hpe madat mara hkan sa ai wa gaw a lu ai!,” nga nna ngai hpe tsun ai.