SHINGRAN 22:20 - Jinghpaw Common Language Bible 2009

²⁰ Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law!

Jinghpaw Hanson Version Bible

²⁰ Ndai lam hte hpe sakse hkam ya ai wa gaw, “Rai sa; ngai alawan du na ring ngai,” nga ai. Amen. Madu Yesu e, Yu wa rit law.

SHINGRAN 22:20 ပူးပေါင်းရင်းမြစ်များ

Shawlumon A Mahkawn Ga 8:14

Ngai tsaw ra ai wa e, manam pyaw ai namji namya ni tu ai bum ni kaw nna shannga hte chyahkyi hkalung zawn ngai hpang de sa wa rit.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

YAWHAN 21:25

Yesu galaw ai amu kaga law law naw nga ai; dai amu ni a lam langai a hpang langai ka da na nga yang, dai ka da ai laika ni gaw mungkan ga hta pyi n shang na re, ngu nna ngai myit nawn nngai.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 10:37

Hpa majaw nga yang, Chyum Laika hta, “Loi hkring mi rai jang du sa na ra ai wa gaw, aten jahkring mi laman du sa na ra ai, shi hkring shana chyai nga na n rai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 1:2

Yawhan mung shi mu ai lam yawng hpe tsun dan wu ai rai nna, da ndai gaw, Madu Yesu shapraw shadan dan ai Karai Kasang kaw na mungga hte teng man ai lam hte seng nna Yawhan a shana dan ai lam rai nga ai.

SHINGRAN 2:16

Dai re ai majaw ya jang na a yubak mara ni kaw na kayin wa rit! Dai n rai yang, ngai alawan nang kaw du nna, nye a n-gup hta na pru ai ntawng nhtu hte shanhte hpe gasat kau na mawe ai.

SHINGRAN 22:10

Bai shi gaw, “Ndai lam ni yawng byin wa na ahkying ladaw ni wa ra ai majaw, ndai laika hta rawng ai myihtoi ga ni hpe hkum makoi magap da et.

SHINGRAN 22:12

“Madat u! ngai alawan du na ring ngai! Langai hte langai hpe tinang galaw sai amu hte maren htang jaw na shabrai ni hpe ngai hte rau la sa na nngai.

SHINGRAN 22:18

Ngai Yawhan gaw, ndai laika hta rawng ai myihtoi ga na lu ai ni yawng hte hpe laja lana sadi jaw dat nngai. Ndai ga ni hta lama ma kahtap jat ai wa kadai hpe mung, ndai laika hta rawng ai ari zinli ni hpe Karai Kasang gaw dai wa a ntsa e kahtap jaw na ra ai.

SHINGRAN 22:7

Madu Yesu gaw, “Madat u! Ngai alawan du na ring ngai! Ndai laika hta rawng ai myihtoi ga ni hpe madat mara hkan sa ai wa gaw a lu ai!,” nga nna ngai hpe tsun ai.