SHINGRAN 22:19 - Jinghpaw Common Language Bible 2009

¹⁹ Ndai laika hta rawng ai myihtoi ga ni hta na lama ma shaw kau ai wa kadai hpe mung, ndai hta ka da ai asak jahkrung ai hpun a asi sha lu na ahkang hte Chyoi Pra san seng ai Mare de shang sha lu na ahkang chyeju hpe, Karai Kasang shaw kau ya na ra ai.

Jinghpaw Hanson Version Bible

¹⁹ ndai laika hta rawng ai myihtoi ga hta na shaw kau ai wa kadai hpe mung, ndai laika hta ka da ai asak jahkrung ai hpun hte chyoi pra ai mare kaw na, shi hte seng ai wunli wun-gau hpe, Karai Kasang shaw kau ya na ra ai.

SHINGRAN 22:19 ပူးပေါင်းရင်းမြစ်များ

SHAKAWN KUNGDAWN 69:28

Asak laika buk kaw na shanhte a amying ni hpe arut kau ya u ga; na a amyu masha ni a jahpan hta shanhte n lawm lu mu ga.

PRU MAT 32:33

Dai Madu gaw, “Kadai wa ngai hpe shut ai rai yang, nye a laika hta na dai wa a mying hpe arut kau na we ai.

GA SHAGAWP 30:6

Shi galoi mung n tsun yu ai lam lama mi hpe, shi tsun nu ai ngu nna hkrak tsun ai rai yang chyawm gaw nang masu ai wa rai nga ai hpe, shi madun nna nang hpe daru sharin na ra ai,”

LUKA 11:52

“Tara sara ni nanhte dingnye lu myit dai! Hpaji nta hpaw ai sumsaw gaw nanhte kyem tawn da myit htawm, nanhte nan mung n shang, shang mayu ai ni hpe mung, nanhte hkum shingdang da myit dai, ngu mu ai.”

TARA JAHPRANG 12:32

“Ngai nanhte hpe hkang da made ai hte maren, lam magup hte hpe hkan galaw nga mu; dai tara hta kaga hpa mung jat la lu na myit dai n rai; shayawm mung shayawm kau lu na myit dai n rai.

TARA JAHPRANG 4:2

Ngai nanhte hpe hkang da ai lam hta hpa mung jat bang lu na n rai; dai hta na hpa mung shaw kau lu na n rai. Ngai nanhte hpe jaw da sai dai Madu nanhte a Karai Kasang a hkang da ai ga matsun ni hpe madat mara na rai myit dai.

SHINGRAN 1:3

Ndai shingran Chyum Laika hpe hti ai wa hte, ndai myihtoi ga hte hpe madat mara nna, ndai laika hta ka da mada hpe hkan galaw ai ni gaw a lu ma ai. Hpa majaw nga yang, tsun dan ai amu lam ni byin wa na ahkying ladaw ni wa magang ra ai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 14:13

Dai hpang sumsing lamu kaw nna, “Ka da u: ya kaw nna Madu a magam bungli hpe gunhpai let si wa ai ni gaw a lu ma ai!,” nga ai nsen langai mi ngai na nngai. Wenyi mung, “Rai sa! Shanhte a amu bungli galaw shakut shaja ai kaw na hkring sa ai lam lu la na mara ai. Hpa majaw nga yang, shanhte galaw ai amu bungli a akyu gaw, shanhte kaw hkan nang nga ai,” nga nna tsun ai.

SHINGRAN 2:11

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:26

Awng padang lu nna jahtum du hkra ngai ra sharawng ai arawn alai lam hkan nang ai ni hpe, nye Wa kaw na ngai lu ai ahkang aya hpe nan jaw ya na mawe ai.

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.

SHINGRAN 21:5

Dai hpang, tingnyang hta dung nga ai wa gaw, “Yu u, ya aten hta arai yawng mayawng hpe ngai ningnan bai gaw da nngai,” nga nna tsun ai. Bai dai Madu gaw, “Ndai ka da u, hpa majaw nga yang, ndai ga ni gaw teng man ai ga, kam lu ai ga rai nga ai,” nga nna tsun ai.

SHINGRAN 22:12

“Madat u! ngai alawan du na ring ngai! Langai hte langai hpe tinang galaw sai amu hte maren htang jaw na shabrai ni hpe ngai hte rau la sa na nngai.

SHINGRAN 22:2

Dai hka nu a hkin-gau maga mi hte maga mi hta asi amyu shi lahkawng si ai asak jahkrung ai hpun tu nga ai rai nna, shata mi hta kalang mi, laning mi hta shi lahkawng lang si nga ai. Dai hpun a lap ni gaw, masha amyu ni a ana ahkya ni hpe shamai shatsai ya na matu rai nga ai.

SHINGRAN 22:7

Madu Yesu gaw, “Madat u! Ngai alawan du na ring ngai! Ndai laika hta rawng ai myihtoi ga ni hpe madat mara hkan sa ai wa gaw a lu ai!,” nga nna ngai hpe tsun ai.

SHINGRAN 3:12

Awng padang lu ai wa hpe nye a Karai Kasang a nawku htingnu hta dawhpum dawnu langai mi ngai shatai na we ai: shi galoi mung dai kaw na shinggan de pru na n rai. Nye a Karai Kasang a mying nsang hpe mung, nye a Karai Kasang kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare a mying hpe mung, ngai hkum nan a amying nnan hpe mung, dai wa a ntsa e ngai ka shakap ya na we ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.