SHINGRAN 22:17 - Jinghpaw Common Language Bible 2009

¹⁷ Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

Jinghpaw Hanson Version Bible

¹⁷ Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.

SHINGRAN 22:17 ပူးပေါင်းရင်းမြစ်များ

SHAKAWN KUNGDAWN 34:8

Dai Madu kade wa mai kaja nga ai gaw nang hkum nan chyim yu nna chye u; shi hta shingbyi shara mu ai wa gaw a nga ai.

ESAIA 12:3

Mu ai hka gaw hpang gara ai wa hpe kabu gara lam jaw ya nga ai zawn, shi shanhte hpe hkye la ai shaloi Karai Kasang a amyu masha ni kabu gara ma ai,” ngu mahkawn na nhtoi du wa nga sai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 2:5

Ya chyawm gaw, Yaku a matu mara ni e, dai Madu anhte hpe jaw ai nhtoi hta anhte hkawm nga saga!

YEREMIA 50:5

Shanhte gaw Ziun de sa wa ai lam hpe san na mara ai, dai shara de du sa wa na mara ai. Shanhte gaw ngai hte htani htana na ga shaka tawn da na mara ai, dai gaw galoi mung hten run mat na ra ai n rai.

EZEKELA 47:1

Dai masha wa gaw Nawku Htingnu chyinghka de ngai hpe bai woi nhtang wa ai. Hka gaw chyinghka hkinbawng npu kaw nna pru wa nhtawm Nawku Htingnu man yawng ai sinpraw de lwi mat wa nga ai. Dai hka gaw Nawku Htingnu a dingda npu na hpaw pru wa nhtawm tawn hkungri a dingda maga de lwi mat wa nga ai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

YAWHAN 1:37

Dai sape yan gaw shi tsun ai ga na nna, Yesu kaw hkan sa ma ai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

YAWHAN 4:11

Dai numsha mung, “Madu e, nang ntsin ja na rai hpa mung n lu ndai, hka htung mung sung nga ai. Dai majaw, nang kanang na dai asak jahkrung ya ai ntsin lu la na n ta?

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

YAWHAN 4:29

“Ngai galaw lai wa sai lam yawng, ngai hpe bai tsun dan ai wa hpe sa yu maru, dai wa gaw Hkristu mi rai na kun?,” ngu nna wa tsun mu ai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

ROMA 3:24

Rai ti mung, manu jahpu n ya ai sha Karai Kasang a chyeju hte Yesu Hkristu a marang e ding hpring ai kaw du wa lu ma ai.

1 KORINHTU 2:12

Anhte chyawm gaw ndai mungkan hte seng ai wenyi hpe hkam la saga ai n rai, Karai Kasang anhte hpe jaw da ai chyeju nlang hte hpe lu la u ga, Karai Kasang e shangun dat ai Wenyi hpe hkam la saga ai.

SHINGRAN 14:13

Dai hpang sumsing lamu kaw nna, “Ka da u: ya kaw nna Madu a magam bungli hpe gunhpai let si wa ai ni gaw a lu ma ai!,” nga ai nsen langai mi ngai na nngai. Wenyi mung, “Rai sa! Shanhte a amu bungli galaw shakut shaja ai kaw na hkring sa ai lam lu la na mara ai. Hpa majaw nga yang, shanhte galaw ai amu bungli a akyu gaw, shanhte kaw hkan nang nga ai,” nga nna tsun ai.

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.