SHINGRAN 22:1 - Jinghpaw Common Language Bible 2009

¹ Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

Jinghpaw Hanson Version Bible

¹ Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:1 ပူးပေါင်းရင်းမြစ်များ

SHAKAWN KUNGDAWN 46:4

Karai Kasang a mare ngu ai, Tsaw Htum Ai Wa a chyoi pra ai nta hpe kabu gara shangun ai hka nu langai mi nga nga ai.

ESAIA 41:18

Ngai gaw krin ai kawng ni a lapran e hka nu ni hpe shalwi dat nna kadit ni hta hka hpawk ni hpe jahpaw ya na nngai. Ngai gaw zaibru jang hpe hka la-ing shatai nna, hkun hkraw ai lamu ga hpe hka hpawk lwi shangun na nngai.

ESAIA 48:18

“Nye a hkang da ai ga hpe nang madat mara nga ai rai yang chyu sha, galoi mung n hkyet mat chye ai hka shi hka zawn, shaman chyeju gaw na a matu lwi hkrat wa na ra ai. Awng padang gaw panglai hkin-gau de hkaleng ni katsu taleng lung wa ai zawn nang hta dan pru wa na ra ai.

ESAIA 66:12

Dai Madu gaw, “Ngai gaw nang hpe agrin nga ai ngamu ngamai lam jaw ya na nngai; masha amyu baw ni a sut gan gaw galoi mung n hkyet mat ai hka nu zawn nang hta lwi sa wa na ra ai. Nang gaw kanu e bau maka nna shi a lata hta pawn da nhtawm tsaw ra myit hte makrai chyai ai ma zawn tai na rin dai.

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

ZEHKARIA 14:8

Dai nhtoi du jang, asak hka gaw Yerusalem kaw nna lwi pru wa na ra ai; dai hka ka-ang hkup gaw Jum Nawng de, de a ka-ang hkup gaw Ka-ang Panglai de ang wa na ra ai. Hka dai gaw ginhtawng ta e mung, lanam ta e mung shaning tup lwi nga na ra ai.

YAWHAN 13:32

Karai Kasang gaw dai Masha Kasha hku nna hpung shingkang dan hkung ai rai yang gaw, Karai Kasang shi hkum nan, Masha Kasha hpe hpung shingkang dan hkung shangun na wu ai, shaloi jang dan hkung shangun na wu ai.

YAWHAN 15:26

Karai Kasang hte seng ai teng man ai lam hpe shadan dan ai dai Karum Ai Wa ngu ai Wenyi gaw Wa kaw na du sa na ra ai. Shi hpe nye Wa kaw na nanhte hpang de ngai shangun dat na we ai rai nna, shi gaw nye a lam sakse hkam ya na ra ai.

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

SHINGRAN 21:11

Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

SHINGRAN 22:6

Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.

SHINGRAN 5:13

Dai hta n ga, lamu lahta tsang hta na mung, ginding aga ntsa hta na mung, mungkan ga a lawu tsang hta na mung, panglai hta na mung, ninggawn tawa ting na hkrung mahkrung yawng hte gaw, “Tingnyang hta dung nga ai wa hte Sagu Kasha gaw, arawng sadang hpung shingkang hte daru magam, anga nga u ga law!,” nga nna shanhte mahkawn mangoi nga ma ai hpe ngai na nngai.

SHINGRAN 5:6

Shaloi, Sagu Kasha langai mi gaw, hkrung ai dusat amyu mali hte salang ni shinggrup tawn ai tingnyang a ka-ang e tsap nga ai hpe ngai mu nngai. Shi gaw hkungga nawng na matu sat kau hkrum sai Sagu Kasha hte bung nga ai. Shi hta nrung sanit hte myi sanit tu nga ai. Shanhte gaw dinghta ga hproi hkra shangun dat hkrum ai Karai Kasang a Wenyi sanit hte rai nga ma ai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.