SHINGRAN 21:7 - Jinghpaw Common Language Bible 2009

⁷ Awng padang lu ai wa gaw, ndai ga sadi hte maren hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.

Jinghpaw Hanson Version Bible

⁷ Dang lu ai wa gaw ndai hte a Sali wunli hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.

SHINGRAN 21:7 ပူးပေါင်းရင်းမြစ်များ

NINGPAWT NINGHPANG 17:8

Ya nang tsasam tai nga ai ndai mung ting gaw nang hpe mung, na a amyu matu ni hpe mung ngai jaw na we ai. Ndai Hkanan mung ting hpe na a amyu matu ni htani htana madu lu na mara ai; ngai mung shanhte a Karai Kasang tai nga na nngai.”

2 SAMUELA 7:14

Ngai gaw shi a kawa tai nna shi gaw nye a kasha rai na ra ai. Shi shut hpyit ai amu galaw yang, kawa gaw kasha hpe ari jaw ai zawn shi hpe ngai ari jaw na we ai.

SHAKAWN KUNGDAWN 89:26

Shi gaw ngai hpe, ‘Nang gaw nye a kawa hte nye a Karai Kasang rai nga ndai, nang gaw ngai hpe makawp maga nga ai wa hte ngai hpe hkye hkrang la ai Madu rai nga ai,’ nga nna tsun na ra ai.

GA SHAGAWP 3:35

Hpaji rawng ai masha ni gaw mying gumhkawng ai arawng sadang hpe hkam la lu nga ma ti mung, angawk ai masha ni chyawm gaw kaya kahpa amu hpe grau shalaw la nga ma ai.

ESAIA 65:9

Ngai gaw Yuda amyu bawsang hte seng ai Israela masha ni hpe shaman ya na nngai, shanhte a aru arat ni gaw nye a bum ni hpe madu na mara ai. Ngai hpe daw jau ai lata la hkrum ai nye a amyu masha ni gaw dai yang e shanu nga lu na mara ai.

ZEHKARIA 8:8

shanhte hpe Yerusalem hta nga shangun na matu, sinpraw sinna maga hkan nga nga ai shanhte hpe bai woi la na nngai. Shanhte gaw nye a amyu masha ni tai nna, ngai gaw shanhte a Karai Kasang tai nga let shanhte hpe sadi sahka hte teng man ai hku up hkang nga na nngai.

MAHTE 19:29

Nye a majaw nta ni, kahpu kanau ni, kajan ni, kanu kawa, kashu kasha ni hte yi hkauna ni hpe kau da ai wa kadai rai ti mung, htam latsa n ga akyu lu la nna htani htana asak a sali wunli hkam la na ru ai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

MARKU 10:17

Yesu bai hkawm sa wa na matu pru sa wa magang nga yang, masha langai mi shi kaw gat sa du nna, shi a man e hput di let, “Mai kaja ai Sara e n htum n wai asak lu la hkra, ngai hpa mi galaw na rai ta?,” ngu nna shi hpe san wu ai,

ROMA 8:14

Karai Kasang a Wenyi e lam madun woi awn ai hta hkan nang ai ni yawng mayawng hte gaw Karai Kasang a kasha ni rai nga ma ai.

ROMA 8:19

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

2 KORINHTU 6:16

Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang, anhte gaw ahkrung nga ai Karai Kasang a nawku htingnu ni rai nga ga ai! Karai Kasang shi nan, “Ngai gaw nye a amyu masha ni hta nye a nta shatai nna, shanhte hta shanu nga na nngai; Ngai shanhte a Karai Kasang tai nga na nngai rai nna, shanhte gaw nye a amyu masha ni tai na mara ai,” nga nna tsun ai.

2 KORINHTU 6:18

Nanhte a Kawa ngai tai na nngai, rai nna nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun atsam rawng ai Madu gaw atsun nga ai.”

HEBRE 8:10

Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.

SHINGRAN 2:11

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 2:25

Rai ti mung nanhte lu ai made hpe, ngai du ai du hkra ngang ngang kang kang manat da mu.

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.

SHINGRAN 21:3

Bai ngai gaw, dai tingnyang kaw na shaga pru ai nsen kaba langai mi na nngai. Dai nsen gaw, “Ya Karai Kasang a sum nta gaw shinggyim masha ni hte rau rai nga ai. Shi shanhte hte rau hpawng de nga na rai nna, shanhte gaw shi a amyu masha ni tai na mara ai. Karai Kasang gaw, shi hkum nan shanhte hte rau nga nga na ra ai rai nna, shi gaw shanhte a Karai Kasang tai na ra ai.

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.