SHINGRAN 21:5 - Jinghpaw Common Language Bible 2009

⁵ Dai hpang, tingnyang hta dung nga ai wa gaw, “Yu u, ya aten hta arai yawng mayawng hpe ngai ningnan bai gaw da nngai,” nga nna tsun ai. Bai dai Madu gaw, “Ndai ka da u, hpa majaw nga yang, ndai ga ni gaw teng man ai ga, kam lu ai ga rai nga ai,” nga nna tsun ai.

Jinghpaw Hanson Version Bible

⁵ Dai tingnyang hta dung nga ai wa mung, “Yu u, arai yawng mayawng hpe ngai ningnan bai gaw da nngai,” nga nna tsun ai. Bai shi gaw, “Ka da u; ndai ga gaw kangka re ai ga, tengman ai ga rai nga ai,” nga nna tsun ai.

SHINGRAN 21:5 ပူးပေါင်းရင်းမြစ်များ

ESAIA 42:9

Ngai tau tsun da ai amu ni gaw ya teng nga sai. Ya chyawm gaw dai lam ni garai n byin hpang ai rai tim, ngai nang hpe amu nnan lam ni tsun dan na nngai.”

ESAIA 43:19

Ngai galaw sa wa na amu nnan hpe sin yu mu. Dai gaw byin nga masai majaw dai amu hpe ya mu lu nga ndai! Ngai gaw nam mali hku nmaw lam waw na nngai, dai yang e nang hpe hka shi ni jaw na we ai.

LUKA 5:38

Sabyi nnan hpe sabyi ndum nnan hta bang da na rai nga ai.

2 KORINHTU 5:17

Kadai rai ti mung Hkristu hte langai sha tai mat ai shaloi shi gaw masha ningnan tai wa sai, shawng na dingsa hte gaw lai mat wa sai, yu mu yawng mayawng ningnan tai wa sai.

HEBRE 12:27

“Lang mi naw,” ngu ai ga a lachyum gaw, hpan da hkrum ai arai ni yawng hpe ashun dat nna yeng seng kau na rai nna, n shamu n shamawt lu ai arai ni sha ngam nga na ra ai, nga ai rai nga ai.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 1:19

Dai re ai majaw, nang mu lu sai lam ni hpe mung, ya nga nga ai lam ni hpe mung, htawm hpang e byin wa na ra ai lam ni hpe mung, ka da u.

SHINGRAN 19:9

Dai hpang lamu kasa gaw, “Dai Sagu Kasha a hkungran poi de shaga da hkrum ai ni gaw a lu ma ai, ngu nna ka da u,” nga nna mung, “Ndai ga gaw Karai Kasang a teng man ai mungga ni rai nga ai,” nga nna mung ngai hpe tsun ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 22:19

Ndai laika hta rawng ai myihtoi ga ni hta na lama ma shaw kau ai wa kadai hpe mung, ndai hta ka da ai asak jahkrung ai hpun a asi sha lu na ahkang hte Chyoi Pra san seng ai Mare de shang sha lu na ahkang chyeju hpe, Karai Kasang shaw kau ya na ra ai.

SHINGRAN 22:6

Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”

SHINGRAN 4:2

Shaloi jang Wenyi hta ngai nawng mat wa nngai. Sumsing lamu hta e tingnyang langai mi nga nga ai rai nna, dai tingnyang hta marai langai mi dung nga ai.

SHINGRAN 4:9

Dai dusat mali gaw, tingnyang hta dung nga nna htani htana prat dingsa asak hkrung nga ai Madu a hpung shingkang arawng sadang hte chyeju hpe mahkawn shakawn ai shaloi,

SHINGRAN 5:1

Bai, tingnyang hta dung nga ai wa a hkra lata hta, laika man kata e mung, ntsa e mung laika ni ka da nna dazik sanit hte dawk shakap tawn da ai laika shabawn langai mi hpe ngai mu nngai.