SHINGRAN 21:27 - Jinghpaw Common Language Bible 2009

²⁷ Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

Jinghpaw Hanson Version Bible

²⁷ Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.

SHINGRAN 21:27 ပူးပေါင်းရင်းမြစ်များ

SHAKAWN KUNGDAWN 101:8

Anhte a lamu ga hta shanu nga nna, tara n lang ai ni hpe, lani hte lani ngai jahten sharun kau na we ai; n hkru ai masha ni yawng hpe mung, Madu a mare kaw nna gawt shapraw kau na we ai.

PRU MAT 32:32

Dai rai nna shanhte a yubak hpe chyeju hte raw dat kau ya u; rai ti mung nang n dat ya mayu ai rai yang chyawm gaw na a amyu masha ni a mying ni hpe nang ka da ai laika kaw na nye a mying hpe shaprai kau ya e law,” ngu nna tsun wu ai.

ESAIA 35:8

Dai shara e ningmaw lam kaba langai nga na ra ai, dai hpe, “Chyoi Pra ai Lam Nmaw,” ngu shamying na mara ai. Yubak kap ai ni kadai mung dai lam de galoi mung hkawm sa lu na n rai; dai lam hkan ai ni hta angawk ai ni pyi dai lam yit na ma ai n rai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

EZEKELA 44:9

“Matu gadoi n hkam ai maigan masha, nye a ga n madat n mara ai wa gaw Israela amyu masha ni a lapran e nga ai maigan masha wa rai tim pyi, nye a Nawku Htingnu de shang lu na n rai nga ai hpe Tsaw Htum ai dai Madu ngai nan hkang da ni ai.

YOELA 3:17

“Dai hpang, Israela e, ngai gaw dai Madu nanhte a Karai Kasang rai nga nngai hpe nanhte chye na marin dai. Ngai gaw Ziun ngu ai nye a chyoi pra ai kawng hta nga nga nngai. Yerusalem gaw chyoi pra ai mare tai wa nna; maigan masha ni dai mare hpe galoi mung bai ka-up lu na mara ai n rai.

JAW JAU 13:46

Shi hta ana kap nga dingsa n san n seng nga ai rai nna dai shinggan kaga masha ni hte tsan ai shara hta nga nga na rai wu ai.

ZEHKARIA 14:21

Yerusalem hte Yuda mung yawng hta nga ai shat shadu di shagu gaw Chyahtum Chyalai N-gun rawng ai dai Madu a matu lang na san da na mara ai. Shagu hkungga ni nawng ya ai amyu masha ni mung hkungga shan shadu na matu dai ni hpe lang na mara ai. Dai aten du jang, Chyahtum Chyalai N-gun rawng ai dai Madu a Nawku Htingnu hta hpaga ga ai masha kadai mung galoi mung nga sana ra ai n rai.

BU HKAWM 12:15

Miriam hpe dap shinggan de sanit ya tup tawn kau ma ai. Shi hpe bai woi shang wa ai aten du hkra amyu masha ni mung n hkawm n sa nga ma ai.

BU HKAWM 5:3

Dai htung hte maren n san n seng ai masha ni yawng hpe shapraw kau mu, shaloi nye a amyu masha ni a man e ngai shanu nga ai dap hpe shanhte awu asin n di lu na rai ma ai,” ngu nna tsun wu ai.

MAHTE 13:41

Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

MARKU 7:2

Yesu a sape nkau mi gaw nawku htung lai hku nna n san n seng awu asin re ai ngu ai lata ni hte shanhte a shat sha nga ma ai dai gaw, shawa masha ni hkan sa nang ai Hparishe ni htet da ai htung lai hte maren lata n kashin ma ai hpe ngu ai rai nga ai. (

LUKA 10:20

Rai ti mung, nat ni nanhte a ga madat ai majaw, hkum kabu myit, nanhte a mying ni hpe sumsing lamu hta ka da sai majaw she, kabu nga mu,” ngu nna tsun mu ai.

EHPESU 5:5

Hpye ai wa, kaya n chye sari n rawng ai wa, nammak lawhpa ai wa, kadai rai ti mung, Hkristu hte Karai Kasang yan a mungdan hta sali kamhtaw galoi mung hkam la lu na n re ai hpe nanhte hkrak chye nga myit dai. (Hpa majaw nga yang nammak lawhpa ai lam gaw, sumla nawku ai lam amyu mi rai nga ai)

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

1 TIMOHTI 1:10

akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.

2 PETRU 3:13

Rai ti mung anhte gaw, Karai Kasang ga sadi jaw da sai ding hpring ai ni nga na nta ngu ai sumsing lamu ningnan, ginding aga ningnan hpe anhte myit mada ala nga ga ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 20:12

Si mat wa sai ni mung, kaji kaba n nga, tingnyang a man e tsap nga ma ai hpe ngai mu nngai. Laika ni hpe hpaw tawn nga ai. Asak laika ngu ai kaga Laika hpe mung hpaw tawn nga ai. Si mat wa sai ni gaw, shanhte galaw lai wa sai amu hte maren, laika ni hta ka da nga ai hta hkan nna tara daw dan ai hkrum ma ai.)

SHINGRAN 20:15

Asak laika hta amying n ka da lawm ai wa kadai mung, dai wan nawng hta jahkrat bang kau ai hkrum ma ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 3:5

Awng padang lu ai ni gaw ning re ai hpraw ai hpun palawng bu hpun lu na mara ai; shanhte a amying ni hpe asak laika hta na ngai shaprai kau ya na n rai. Nye Wa a man e mung, shi a lamu kasa ni a man e mung, shanhte gaw ngai hte seng ai ni rai ma ai ngu nna, dan dan leng leng ngai tsun shana yin la na nngai.