SHINGRAN 21:26 - Jinghpaw Common Language Bible 2009

²⁶ Masha amyu baw ni a hpung shingkang arawng sadang hte sut su ngamu ngamai ai lam ni hpe dai mare de jashawn bang na maru ai.

Jinghpaw Hanson Version Bible

²⁶ Masha amyu baw ni a hpung shingkang hte arawng sadang hpe, dai mare de shanhte jashawn na mara ai.

SHINGRAN 21:26 ပူးပေါင်းရင်းမြစ်များ

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 60:11

Na a chyinghka ni shani shana hpaw da lu na rai ndai, Shaloi masha amyu baw ni a hkawhkam ni Shanhte a sut gan nang kaw la shang wa na mara ai.

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

SHINGRAN 21:24

Mungkan ga a amyu masha ni dai mare a nhtoi hte hkawm sa lu na mara ai, ga ntsa na hkawhkam ni mung, tinang a sut gan ngamu ngamai ai hpe dai mare de la jashawn na maru ai.