SHINGRAN 21:24 - Jinghpaw Common Language Bible 2009

²⁴ Mungkan ga a amyu masha ni dai mare a nhtoi hte hkawm sa lu na mara ai, ga ntsa na hkawhkam ni mung, tinang a sut gan ngamu ngamai ai hpe dai mare de la jashawn na maru ai.

Jinghpaw Hanson Version Bible

²⁴ Masha amyu ni dai mare a nhtoi hte hkawm sa lu na mara ai; ga ntsa na hkawhkam ni mung, dai mare de tinang a hpung shingkang jashawn na mara ai.

SHINGRAN 21:24 ပူးပေါင်းရင်းမြစ်များ

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

ESAIA 2:5

Ya chyawm gaw, Yaku a matu mara ni e, dai Madu anhte hpe jaw ai nhtoi hta anhte hkawm nga saga!

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

ESAIA 55:10

Nye a mungga gaw ginding aga hpe hka jaw na matu lamu kaw na htu hkrat ai ahkyen hte marang zawn rai nga ai. Dai ni gaw nsi naisi ni hpe tu shangun nna gat hkai na matu nli hte sha na lusha shapraw ya nga ai.

ESAIA 55:5

Ya chyawm gaw, nang gaw nang hpe lang mi mung n chye ai maigan masha amyu baw ni hpe nang shaga ai hte shanhte nang hte matut na matu kagat shang wa na mara ai! Ngai gaw dai Madu na a Karai Kasang, Israela a chyoi pra ai Karai Kasang rai nga nngai, ndai yawng mayawng hpe ngai shabyin dat na nngai; ngai gaw nang hpe arawng sadang hte hpung shingkang ap ya na nngai,” ngu nna tsun ai.

ESAIA 60:13

“Marau hpun, shinglim hpun hte chyamka hpun ngu ai Lebanon a maling htinggram kaw na kaja htum ai hpun gaw Nang Yerusalem hpe bai gaw gap na matu mung, Nye a Nawku Htingnu shatsawm na matu mung, Nye a mare hpe hpung sharawng na matu mung, du na ra ai.

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

ESAIA 66:18

Ngai gaw shanhte a myit mang ai lam ni hte shanhte a arawn alai sat lawat ni hpe chye nga nngai. Amyu baw ni mahkra a masha ni hpe zup hpawng shangun na matu ngai du sa wa nga nngai. Shanhte rau sa hpawng ai shaloi, nye a daru magam n-gun kaning re ai amu galaw lu ai hpe shanhte mu wa na mara ai,

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

ZEHKARIA 2:11

Dai aten e, masha amyu baw law law ni dai Madu hpang de sa wa nna, shi a amyu masha ni tai wa na mara ai. Shi gaw nanhte a ka-ang hta shanu nga nna, nanhte hpang de ngai hpe shi shangun dat ai hpe nanhte chye lu na marin dai.

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

TARA JAHPRANG 32:43

“Masha amyu baw ni e, nanhte gaw dai Madu a amyu masha ni hpe shakawn lu na rai myit dai; shanhte hpe sat ai ni yawng ari jaw ai hkrum na rai ma ai. Gumlau hpyen ni hpe shi matai htang nna, shi a amyu masha ni galaw shut ai yubak mara hpe raw dat ya na rai wu ai.

SHINGRAN 21:26

Masha amyu baw ni a hpung shingkang arawng sadang hte sut su ngamu ngamai ai lam ni hpe dai mare de jashawn bang na maru ai.

SHINGRAN 22:2

Dai hka nu a hkin-gau maga mi hte maga mi hta asi amyu shi lahkawng si ai asak jahkrung ai hpun tu nga ai rai nna, shata mi hta kalang mi, laning mi hta shi lahkawng lang si nga ai. Dai hpun a lap ni gaw, masha amyu ni a ana ahkya ni hpe shamai shatsai ya na matu rai nga ai.