SHINGRAN 21:12 - Jinghpaw Common Language Bible 2009

¹² Dai mare hta galu kaba nna tsaw la ai bunghku hte chyinghka shi lahkawng hpaw nga ai rai nna, dai chyinghka ni hpe lamu kasa shi lahkawng sin nga ma ai. Dai chyinghka ni a ntsa e, Israela amyu shi lahkawng ni a mying ni hpe ka kap da nga ai.

Jinghpaw Hanson Version Bible

¹² de a bunghku gaw galu kaba ai hte tsaw la nga ai: mare chyinghka shi lahkawng hpaw nga ai rai nna, dai chyinghka ni a ntsa e lamu kasa shi lahkawng sin nga ma ai: dai hta n-ga, Israela a kashu kasha amyu shi lahkawng ni a amying mung dai hta ka kap nga ai.

SHINGRAN 21:12 ပူးပေါင်းရင်းမြစ်များ

2 HKAWHKAM LABAU 9:19

Lakang ninggam shagu a matu jahtum lahkawng maga hta hkanghkyi langai ngai tawn da ai rai nna hkanghkyi yawng shi lahkawng rai nga ai. Dai hte bung ai tingnyang gaw gara mungdan hta mung n galaw shadun da nga ai.

EZRA 9:9

Anhte gaw mayam ni rai nga ga tim, nang gaw anhte hpe mayam amu hta kau da nga ndai n rai. Yuda mung hte Yerusalem mare hta shim lum ai lam mu tam la nhtawm matut nna shanu nga lu na ahkang mung, hten run mat sai na a Nawku Htingnu hpe bai gaw gap na matu mung, Persi hkawseng a jaw e nang anhte hpe myi man pa shangun nga nit dai.

NEHEMIA 12:27

Yerusalem mare bunghku ap nawng ya ai shaloi, Lewi masha ni nga nga ai shara kaw nna shanhte hpe jashawn la ma ai shaloi shanhte gaw ap nawng ya ai poi hta chyeju dum ai mahkawn mangoi ni hte rau, shup sheng, tingse ni dum let shang lawm lu ma ai.

SHAKAWN KUNGDAWN 122:7

na a hkawhkam htingnu ni hta shim nga u ga,” nga nna Yerusalem mare a ngwi pyaw sim sa lam a matu akyu hpyi nga mu, nga ai.

SHAKAWN KUNGDAWN 51:18

Karai Kasang e, Ziun hpe matsan dum nna shi hpe karum u; Yerusalem mare a bunghku ni hpe bai gaw gap da u.

PRU MAT 28:21

Dai nlung shi lahkawng hte a ntsa hta Israela amyu bawsang ni hpe malai shatai da ai masat galaw na matu Yaku a shadang sha ni a mying ni hpe tawk ka da na rai nga ai.

ESAIA 54:12

Ngai gaw na a langchyi ni hpe patamya lung hkyeng ni hte mung, na a chyinghka ni hpe wan zawn tu gala ai nlung ni hte mung, nang hpe shinggrup da ai bunghku hpe hpu reng ai lung seng ni hte gaw da na nngai.

ESAIA 60:18

Kashun kashe du daw sai hkaw ai nsen hpe galoi mung na lu sana n rai; Jahten shaza ai amu gaw na a mungdan hpe bai ga gamang kau na ra ai n rai. Ngai gaw nang hpe bunghku zawn makawp maga nna dahpran shara tai ya na nngai; Ngai gaw nang hpe hkye la ni ai majaw, nang ngai hpe shakawn kungdawn na rai ndai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 16:22

“Shaloi dai matsan wa si mat wa nna, lamu kasa ni shi hpe sumsing lamu na lusha poi hta Abraham a makau e dung nga na matu woi bang da mu ai, sahti wa mung si wa nna lup makoi hkrum nu ai.

KASA 26:7

Dai ga sadi gaw anhte a amyu dap shi lahkawng ting shani shana Karai Kasang hpe nawku daw jau let myit mada ala nga ai ga sadi rai nga ai. Hkawhkam wa e, ngai hpe Yuda amyu masha ni mara shagun ai lam gaw ndai zawn myit mada ai a majaw rai nga ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

SHINGRAN 21:13

Sinpraw maga de chyinghka masum, dingda maga de chyinghka masum, dingdung maga de chyinghka masum, sinna maga de chyinghka masum hpaw nga ai.

SHINGRAN 21:15

Ngai hte ga shaga ai lamu kasa a lata hta, mare hpe mung, de a chyinghka lam ni hpe mung, de a bunghku ni hpe mung, shadawn na matu ja ningren langai mi lang da nga ai.

SHINGRAN 21:25

Dai mare chyinghka ni hpe shani tup hpaw malang da na ra ai. Shanhte hpe galoi mung la da na n rai, hpa majaw nga yang, dai mare hta shana ngu ai n nga ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.