SHINGRAN 21:11 - Jinghpaw Common Language Bible 2009

¹¹ Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.

Jinghpaw Hanson Version Bible

¹¹ Dai mare a htoi tu ala ai gaw, pat zawn san seng nna, hpu la ai nagahtoi lungseng hte bung nga ai:

SHINGRAN 21:11 ပူးပေါင်းရင်းမြစ်များ

YOBA 28:17

Dai gaw aja hta mung, aja di bu langai hta mung, Shing n rai kaja htum ai apat hta mung grau nna manu dan nga ai.

ESAIA 4:5

Dai hpang Ziun Bum ntsa hte dai yang e jahpawng da hkrum ai ni yawng a ntsa e, dai Madu gaw shani e sumwi hte shana e wan hkut hte htoi san ai wan shinglet ni dat dat na ra ai. Karai Kasang a hpung shingkang gaw ka-up nga nna mare ting hpe makawp maga na ra ai.

EZEKELA 1:22

Dai dusat ni a baw ntsa e pat zawn kabrim gala nga ai lamu madin lama mi nga nga ai.

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

EZEKELA 28:16

Nang gaw gun rai dut mari ai hpaga amu ni hte law la nga ndai, dai amu gaw nang hpe kashun kashe du daw sai hkaw amu hte yubak lam ni de woi sa nga ai. Dai rai nna, ngai gaw nang hpe nye a chyoi pra ai bum kaw na pru mat wa na matu shaden kau dat ni ai, nang hpe sin ai lamu kasa mung nang hpe dai htoi kabrim ai lung seng ni a ka-ang kaw na yeng seng kau nu ai.

EZEKELA 43:2

dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

EZEKELA 48:35

Man maga mali grup ngu na mare bunghku hpe shadawn yang, yawng hkra pe 30,240 rai nga ai. Dai shani kaw nna dai mare a mying hpe, “Dai Madu Gaw Ndai Shara E Anga Nga Ai,” ngu nna shamying na mara ai.

SHINGRAN 15:8

Dai nawku htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit la sa ai ana zinli garai n htum htum gaw, dai nawku htingnu kata de kadai mung n shang lu ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:5

Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.

SHINGRAN 4:3

Shi a myi man ahpraw nsam gaw, hpu ging ai lung seng ni rai nga ai nagahtoi hte patamya zawn htoi ala nga ai rai nna, dai tingnyang grup yin e gaw, mya lungseng nsan ai n-goila-tum jung nga ai.

SHINGRAN 4:6

Bai dai tingnyang a man e pat seng zawn san hkra san tsawm ai pat nawng langai mi ing nga ai. Dai hta n ga, tingnyang a grup yin gade n de, shingdu aman grup ting myi tu ai dusat amyu mali nga ma ai.