SHINGRAN 21:1 - Jinghpaw Common Language Bible 2009

¹ Dai hpang, sumsing lamu ningnan hte ginding aga ningnan hpe ngai mu nngai, Shawng na lamu hte shawng na aga gaw hkoi mat wa sai. Panglai mung dai kaw na n nga mat sai.

Jinghpaw Hanson Version Bible

¹ Shaloi, sumsing lamu ningnan, ginding aga ningnan, ngai mu nngai; shawng na lamu hte shawng na aga gaw lai mat wa sai: nammukdara mung dai kaw nna n nga sai.

SHINGRAN 21:1 ပူးပေါင်းရင်းမြစ်များ

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 51:11

Nang hkye mawai da sai ni gaw Yerusalem de kabu gara ai hte du dep nna, mahkawn mangoi ai hte kabu gara jahtau garu na mara ai. Shanhte gaw htani htana kabu gara ai hte yawn hkyen ai hte madai sharung ai kaw na htani htana lawt lu na mara ai.

ESAIA 57:20

Rai ti mung n hkru ai masha ni gaw matsat shabat hte maza mala arai ni hpe woi tsawt sa wa nna galoi mung n sim ai panglai hka leng gumdin ni zawn rai nga ai.

ESAIA 66:22

Ginding aga ningnan hte sumsing lamu ningnan ni gaw nye a daru magam n-gun hte grin nga na mara ai, dai zawn na a aru arat ni hte na a mying mung agrin nga na ra ai.

Daniela 7:3

Langai hte langai hkrang kaga ga re ai matse labye dusat kaba mali hte gaw nammukdara kaw nna paw pru wa nga ma ai.

ROMA 8:21

Hpa majaw nga yang lani mi na nhtoi hta hpan da hkrum ai mungkan ga gaw hten za ngu ai a lata hta mayam tai nga ai kaw na raw dat ai hkrum nna Karai Kasang a kasha ni hte rau shalawt dat ai hte hpung shingkang hpe hkam la lu na ra ai.

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

2 PETRU 3:13

Rai ti mung anhte gaw, Karai Kasang ga sadi jaw da sai ding hpring ai ni nga na nta ngu ai sumsing lamu ningnan, ginding aga ningnan hpe anhte myit mada ala nga ga ai.

SHINGRAN 13:1

Shaloi panglai kaw na matse labye langai pru lung wa ai hpe ngai mu nngai. Shi hta nrung shi hte baw sanit tu nga ai; dai nrung ni langai hkrai a ntsa e janmau gup nna, baw ni langai hkrai a ntsa e Karai Kasang a arawng sadang hpe jahpoi asawng ai amying kap nga ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 21:5

Dai hpang, tingnyang hta dung nga ai wa gaw, “Yu u, ya aten hta arai yawng mayawng hpe ngai ningnan bai gaw da nngai,” nga nna tsun ai. Bai dai Madu gaw, “Ndai ka da u, hpa majaw nga yang, ndai ga ni gaw teng man ai ga, kam lu ai ga rai nga ai,” nga nna tsun ai.

SHINGRAN 6:14

Sumsing lamu gaw katsu kau ai laika shabawn zawn, mat mat wa nna, bum ni hte zunlawng ni nga manga hte mung, tinang a shara hta na sit kau ai hkrum ma ai.