SHINGRAN 20:9 - Jinghpaw Common Language Bible 2009

⁹ Shanhte gaw lamu ga pang pat yan kaput lung wa nna Karai Kasang a masha ni dap jung da ai dabang hte Madu tsaw ra ai mare hpe wang da nga ma ai. Rai ti mung sumsing lamu de na wan hkrat nna hkru jahten kau ai hkrum ma ai.

Jinghpaw Hanson Version Bible

⁹ Dai ni gaw lamu ga pang pat lung wa nna, chyoi pra ai ni a dap hte, dai tsawra ai mare hpe, wang nga ma ai: shaloi sumsing lamu de na wan hkrat nna, shanhte hpe hkru kau mu ai.

SHINGRAN 20:9 ပူးပေါင်းရင်းမြစ်များ

NINGPAWT NINGHPANG 19:24

Dai Madu gaw Sodom hte Gomora mare yan a ntsa de kan hte grung ai wan hpe akajawng sha jahtu dat nhtawm, dai mare lahkawng hpe mung,

2 HKAWHKAM 6:15

Elisha a shangun ma wa gaw hpang jahpawt manap jau jau e rawt let nta kaw nna pru wa yang, Suri hpyen hpung ni gaw gumra ni hte hpyen leng ni hte dai mare hpe wang tawn da nga ma ai hpe mu wu ai. Shi gaw Elisha hpang de bai nhtang wa nhtawm, “Madu e, an gaw daw dan ai she hkrum nga saga ai! Ya an kaning rai na rai nga ga ta?,” ngu nna tsun wu ai.

YOBA 38:18

Mungkan ga kade kaba nga ai hpe nang myit yu n ni? Nang chye ai rai yang, ngai hpe tsun dan e.

SHAKAWN KUNGDAWN 106:18

Shanhte a hpang hkan nang ai ni a ntsa e, wan nan hkrat wa nna; tara n lang ai masha ni hpe hkru jahkat kau mu ai.

SHAKAWN KUNGDAWN 87:2

shi gaw Yerusalem mare hpe Israela mung e nga ai kaga mare ni yawng hta grau nna tsaw ra nga ai.

SHAKAWN KUNGDAWN 97:3

Shi a shawng e, wan sa wa nna shi hpe wang shinggrup da ai gumlau hpyen ni hpe hkru kau nga ai.

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

EZEKELA 38:16

Nang gaw nye a amyu masha Israela hpe nbung laru ahpawt mat wa ai zawn htim gasat na rin dai. Ngai kadai rai nga nngai hpe masha amyu baw ni mu chye shangun na matu mung, na a jaw e, ngai galaw ai nye a chyoi pra ai amu hpe madun dan na matu mung, dai aten du ai shaloi, nye a mungdan hpe htim gasat na matu ngai nang hpe shangun dat na nngai.

EZEKELA 38:22

Ngai mung shi hpe ana zinli hte mung, sat kau ai hte mung ari jaw na nngai. Shi a ntsa e mung, shi a hpyen luksuk hte shi a maga de tsap nang ai masha amyu baw law law ni a ntsa e mung, sin hte marang kaba, wan hte kan hpe rau sha ru jaw jahtu na nngai.

EZEKELA 38:9

Shi hte shi a hpyen luksuk ni hte shi hta lawm nga ai masha amyu baw law law ni gaw nbung laru hte sumwi ni zawn mungdan hpe gasat ka-up na mara ai,” ngu nna tsun wu ai.

EZEKELA 39:6

Ngai gaw Magoga mung hta mung, panglai hkin-gau mayan hku apyaw alaw hte shanu nga ai ni hta mung wan shachyi dat na nngai, shaloi ngai nan dai Madu rai nga nngai hpe masha shagu chye lu na mara ai.

MIHKA 2:13

Karai Kasang gaw shanhte a matu lam hpaw ya na ra ai; shanhte hpe bawng dung ai kaw nna woi lakawn wa na ra ai. Shanhte gaw mare chyinghka ni hpe adawt agrawp kau na mara ai hte ndut ndang hkawm sa lu na mara ai. Shanhte a hkawhkam rai nga ai dai Madu shi nan shanhte hpe woi shapraw wa na ra ai.

HABAKU 1:6

Ngai gaw gumshem nna kadau kadap re ai Babelon masha ni hpe daru magam n-gun jaw ya na nngai. Shanhte gaw kaga mungdan ni madu la lu hkra nga, mungkan ga ting hproi hkawm nga ma ai.

BU HKAWM 11:1

Dai amyu masha ni shanhte hkrum sha ai tsin-yam tsindam a majaw dai Madu hpe aput hpang wa ma ai. Dai Madu gaw dai lam ni na jang masin pawt nna amyu masha ni a ntsa e wan dat dat wu ai. Dai gaw shanhte a ka-ang e hkru wa ai hte dap a jahtum shara langai mi hpe jahten kau nga ai.

BU HKAWM 16:35

Dai hpang dai Madu gaw wan shachyi dat nna manam pyaw ai baw hpe nawng jau ai masha 250 hte hpe hkru kau nga ai.

LUKA 17:29

Lawt, Sodom mare na pru wa ai nhtoi hta, lamu na wan hte kan marang htu nna, yawng hpe yeng seng kau mu ai.

LUKA 19:43

Na a hpyen ni nang hpe kaduk ni hte dap jung nna wang da let, lam maga shagu pat shingdang da ai aten du wa na ra ai.

LUKA 21:20

“Yerusalem mare hpe hpyen hpung ni e wang kawan da ai hpe, nanhte mu myit yang, dai mare gade n na yang, jahten kau ai hkrum na ra ai hpe dum chye mu.

LUKA 9:54

Sape Yaku yan Yawhan gaw, dai mu jang, “Madu e, shanhte hpe jahten kau na, an gaw lamu de na wan shaga na, nang hkraw nga n ni?,” ngu mu ai.

TARA JAHPRANG 23:14

Nanhte hpe makawp maga la nhtawm gumlau hpyen ni a ntsa awng padang hkam la shangun na nga, dai Madu nanhte a Karai Kasang gaw nanhte a dap e, nanhte hte rau nga nga ai majaw nanhte a hpyen dap san seng nga na rai malit dai. Dai Madu nanhte hpe bai n kayin koi kau u ga, matsat shabat re ai lam magup hpe hkum galaw nga myit.

HEBRE 13:13

Dai re ai majaw, anhte gaw dap shinggan de shi kaw pru sa nna shi hkam ai kaya kahpa aroi arip lam hpe jawm hkam la ga.

SHINGRAN 11:5

Masha langai ngai shan hpe hpyen na hkyen ai shaloi, shan a n-gup hta na wan pru nna, hpyen ni hpe hkru kau shangun mu ai. Shanhte hpe hpyen na matu shakut ai ni nga manga gaw ndai hku nna sat kau ai hkrum na rai ma ai.

SHINGRAN 13:13

Dai lahkawng ngu na matse labye gaw, mauhpa lamik kumla kaba ni hpe madun dan nga ai. Masha law law a man e lamu de nna ga ntsa de wan jahkrat dat shangun nga ai.