SHINGRAN 20:8 - Jinghpaw Common Language Bible 2009

⁸ Mungkan ting chyam bra nga ai Goga hte Magoga ngu ai masha amyu ni yawng hpe hkalem na matu pru sa wa na ra ai. Satan gaw hpyen gasat na matu panglai na zaibru daram law ai shi a masha ni hpe jahpawng da na ru ai.

Jinghpaw Hanson Version Bible

⁸ lamu ga njut mali na Goga hte Magoga ngu ai masha amyu baw ni hpe hkalem la nna, majan gasat na matu jahpawng la na, pru sa wa na ra ai; shanhte a nambat gaw nammukdara zaibru daram law nga ai.

SHINGRAN 20:8 ပူးပေါင်းရင်းမြစ်များ

1 HKAWHKAM 4:20

Yuda hte Israela amyu masha ni gaw panglai hkin-gau ntsa e taw ai zaibru zawn law htam wa nga ma ai rai nna, shanhte gaw kabu gara ai hte lu lu sha sha rai ma ai.

2 HKAWHKAM LABAU 18:21

Dai wenyi chyawm gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Bai dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

ESAIA 10:22

Israela amyu masha ni gaw ya rai tim panglai hkin-gau na zaibru tum ni daram law htam nga ma ti mung, ngam ai loi mi chyu sha nhtang wa na mara ai. Sharun jahten ai gaw amyu masha ni a matu mahkawng da ya nga ai, dai gaw hpring tup hkra hkam la lu na mara ai.

YEREMIA 33:22

Ngai gaw nye a shangun ma Dawi a aru arat ni hpe mung, Lewi amyu bawsang kaw na hkinjawng ni hpe mung shalaw jahtam na nngai, shing rai lamu na shagan ni hte panglai zaibru ni hpe hti yu na matu n mai byin ai zawn, shanhte law htam wa na mara ai,” ngu nna tsun ai.

EZEKELA 38:1

Dai Madu gaw ngai hpe ga shaga wu ai.

EZEKELA 38:2

Shi gaw, “Si chye ai masha wa e, Magoga mungdan na Meshek hte Tubala amyu baw ni a up hkang du kaba Goga hpe jahpoi u. Shi hpe jahpoi u.

EZEKELA 39:1

Tsaw Htum ai dai Madu gaw, “Si chye ai masha wa e, Meshek hte Tubala masha amyu baw ni hpe up hkang ai du kaba Goga hpe htawn tsun u, ngai gaw shi a hpyen rai nga nngai ngu shi hpe tsun u.

EZEKELA 39:6

Ngai gaw Magoga mung hta mung, panglai hkin-gau mayan hku apyaw alaw hte shanu nga ai ni hta mung wan shachyi dat na nngai, shaloi ngai nan dai Madu rai nga nngai hpe masha shagu chye lu na mara ai.

EZEKELA 7:2

Shi gaw, “Si chye ai masha wa e, ndai gaw Israela mung hpe lakap nna Tsaw Htum ai Madu ngai nan tsun ai ga rai nga ai: Ndai gaw mungdan ting a matu jahtum rai nga ai!

HEBRE 11:12

Abraham gaw kaja wa la chyasi zawn re ai wa rai nga ti mung, shi langai mi kaw nna mayat wa ai kashu kasha ni gaw lamu ningtsa na shagan ni hte nammukdara makau na hti n dang ai zaibru hkyep ni zawn law htam ai kashu kasha ni nga pra wa masai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 16:14

Shanhte gaw lamik kumla ni hpe madun dan lu ai nat ni a numla ni rai nga ma ai. Dai nat masum gaw, jahtum chyalai n-gun atsam rawng ai Karai Kasang a nhtoi kaba ngu ai tara jeyang ai shani majan gasat na matu, mungkan ting na hkawhkam ni hpe jahpawng la na pru sa wa ma ai.

SHINGRAN 20:10

Dai hpang, shanhte hpe hkalem ai Nat mung, wan hte kan grung ai nawng hta jahkrat bang kau ai hkrum wu ai. Dai yang e, dai matse labye hte dai masu ai myihtoi mung, shawng kaw nna rawng nga ma ai. Shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:3

Dai lamu kasa gaw, baren numraw hpe sung htum ai nhkun kata de jahkrat bang da nhtawm, dai shara hpe la da nna shaning hkying mi hpring ai du hkra masha amyu baw ni hpe n hkalem u ga, dazik dawk shakap da wu ai. Shaning hkying mi hpring ai ten hta jahkring mi raw dat na rai nga ai.

SHINGRAN 7:1

Dai hpang lamu kasa mali gaw, lamu ga jut mali hta tsap nga nna, ga ntsa e mung, panglai ntsa e mung, hpun magup a ntsa e mung, nbung n bung bun lu hkra, ga man mali maga de na nbung ni hpe manat shingdang da nga ai gaw, ngai mu nngai.

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

1 SAMUELA 13:5

Hpilisti masha ni mung Israela ni hpe htim gasat na matu zup hpawng ma ai; shanhte hta hpyen leng mun masum, gumra jawn ai masha hkying kru hte panglai hkin-gau hkan na zaibru zawn law ai hpyenla ni nga nga ai. Shanhte gaw Betawen a sinpraw maga Mikmasha de sa wa nhtawm dai yang e dap jung ma ai.